DANIELA 3:15 - Lacid Common Language Bible

¹⁵ Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 3:15 교차 참조

2 KHOKHAM 18:35

Hau: mungdain: dangain" mo yu phara" joem wigi ngoonu" da" khokham lo, mo nyangnu" mungdain: ri kha: uri khyoid yu yu" boem lha". Aseing gi Yerusalem ri yo" khyoid yu da: ga: nanu" ri myid jhoo: nhang: boem rhe"» ga: nyho: tid boem ago".

THU' LO" MOUGSOUG" 32:32

Jeju" mo nyangnu" yooboo ri khyoid pyam byid: la. Nghoid loug we' nang akhyoid pyam byid: nghoid rigi re" byumyu" yi da" myeing ri nang lhid" to" da" mougsoug" pug mo nga" myeing ri phyug pyam byid: we'» ga: tid.

THU' LO" MOUGSOUG" 5:2

Khokham koem' gi nyang: ri tam" gyoo: wa ziyo' Israela byumyu" yiri nhang: kaid wa shid re" «Aseing ga zi hang" nghoid. Ngoo Aseing ri asi'. Israela byumyu" yiri we' ayo" nhang: kaid» ga: tid bye:.

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 6:16

Houg: yoomo khokham phoo gi Daniela ri myheig yu wa amyeing" khyo' kaid wigi nyang: khangkhyi byeung" sho' bo da" thung: yhoem: khoug: khyo: she: pyam khyo' kaid ago". Nyang: gi Daniela ri «Nang jhug zug tung" dei byid: da" re" Mangsoo gi nang ri khyoid yu baja" o"» ga: tid da:.

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

MATHE 10:19

Nanu" ri ab pyam' wa da" uri khasu" tid wa zi gi gung ayoug goo"- Khasu" phoug tu" wa da" dang: gi nanu" ri tid poin" loo wa.

MATHE 27:43

Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»

MARKU 13:11

Nanu" ri myheug lho: tarha" yung" khyoo: ab byid: pyam da" uri khasu" tid wa la" ein: shid mo amyid ci' nyid goo"- ayo, ju" lang" nanu" ri dang tid nhang: ziyo' dakhyoo" tid ge". Khasu" wim ga: ri hau: dang: joem gi nang tid dang: anghoid- gyeungshang: venyi: mo thu re" dang: nghoid wa.

LUKA 12:11

Subi" gi nanu" ri tarha" jung yi moo we' khokham" amyeing" ci: mo, da" shid' khoin" moo nghoid loug we' khe: shu" lo" da" uri khasu" tid wa zi ce: myid amyoo: goo.

LUKA 13:9

Houg: lang" dalheing: gi ashi" gyeing" gyeing" zei: shi" wa. Gyeing" nyang: ashi" azei: nghoid rigi thoug lheing: pyam we ga: doem tid.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

ACTS 5:29

Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

ACTS 6:15

Tarha" yab, do' moo zhoung: jo, mo, dangain" gi Stephain ri zheung: yu" zhoug to" uri Stephain da" myonhoo: gi mauglagyo: myonhoo: yo' du, lo" ziri shau" myang yu ago".