DANIELA 2:37 - Lacid Common Language Bible

³⁷ Aseing khokham we"- nang gi khokham dangain" mo je gyi: sheung: thang su: nghoid da:. Mougkhung: mo Mangsoo gi nang ri khosen bui" nhang: wigi nang ri yoem: so' yoem: moo" yo' ngi: shab byid: bye:.

DANIELA 2:37 교차 참조

1 KHOKHAM 4:24

Sholumon gi Uphrad bidvang shoid mo mougmyid dangain"- Uphrad gyid lang yam, moo jo, da" Tibsa voogung mo zi bidvang shoid moo jo, da" Gaza voomoo" ju" sho' ri vhoebkhang" nyid da:. Uphrad gyid lang bidvang shoid mo khokham dangain" bang: gi nyang: vhoebkhang" da" lo, khoug: moo: nyid boem wigi yhoem: kyoo" cang" mungdain: bang: yo' yug yoo tung" nyid nyid ago".

2 KHOKHAM 25:28

Evilmerodag gi nyang: ri goo" lhoo' za: koid wigi Babelon mung" moo pyoung" shu" nyhid: too" shau" boem da" khokham gootu: yi tho' moo ngi: shab da" joyoo ri nyang: byid: to" da:.

2 KHOKHAM MHOOMYID: 36:23

He: zigi Persi khosen Kuru da" amyeing" dang: nghoid. «Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid. Akhid" Mangso da" byumyu" yi nghoid boem da" nanu" dangain" gi: houg: khyoo: loo" ge'. Nanu" da" Aseing Mangsoo gi: nanu" yo' dage" nghoid baja" o" » ga: zi nghoid da:.

EZRA 1:2

He: zigi Persi khosen Kuru da" amyeing" dang: nghoid. Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid.

EZRA 7:12

Khosen Artaxaxe jang" mo mougkhung: mungdain: mo Mangso da" tarha" ri jhoug" yu nyid su: khainjung Ezra jhang khyoo: pyeing: dang: foin: kaid.

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

DANG: ZHOEM 8:15

Khokham yiri we' vhoebkhang" jang" moo: ngoo bo pang" ge lho, da" tarha" ri koid thu' wa shid mo we' zoug: yiri ngoo bo pang" thoug nyid.

ESAIA 10:8

Nyang: gi «Nga" gyizoug: moo" yi yugkhang" moo" gi khokham nghoid ga: phau: da:.

ESAIA 47:5

Aseing gi Babelon ri «Pug zheig aga: ziyo' moug: coid khoug: moo zhung: jo, we'. Nyangnu" nang ri byumyu" yi da" khokham myhi' ga: akhi: loogoo" wa.

YEREMIA 28:14

Israela da" Mangsoo- Myhang: thang Aseing gi hau: byumyu" dangain" adang moo joto' kyoug: foin: byid: wigi nyangnu" ri Babelon khokham Nebukhadneza ri dei byid: loo goo" wa. Aseing gi siyoo gougnyhoug lam" rilang" Nebukhadneza ri dei byid: sho' koid wa» ga: tid.

YEREMIA 34:1

Khokham Nebukhadneza yo' nya: gyidab- nya: lo, khoug: moo nyid da" mungdain: joem dangain" yo' byumyu" yi wigi pang" thoug byid: da" gyidab joem gi Yerusalem yo' aqei: ayam mo voogung joem ri gyi koid nyid uri Aseing gi ngoo ri dang: ji da:.

EZEKIEL 26:7

Yoem: moo" bo Aseing tid zigi «Ngoo gi khokham dangain" jang" mo gyi: thang su:- Babelon khokham Nebukhadneza ri shu" yu wigi Turu ri zain: nhang: wa. Nyang: gi mougzhung: shoid khyo" myang: joem gyi myang: rheing" joem yo' myang: dab bo bo wigi gyidab moo" dadab yo' re" loo wa.

DANIELA 1:2

Aseing gi Khokham Yehoiakim ri myheig yu lho: Noku Yhoem: Moo" mo jonu" ziyoo dayham" ri shoem" yu wa akhang" nyang: ri byid: da:. Nyang: gi thung: byu dayham" ri Babelon mo nya: da" yu phara" joem noku yhoem: khyoo: shu" lo" lho: shoug" zheing" yu da" jonu" ziyoo joem ri noku yhoem: mo zi too" yab joem moo lo" to" to" da:.

DANIELA 2:31

Aseing: khokham we" re" yhoeb myang moo nang gi re" shidkhoin" moo soolhoo: zeing daloem: yi yi wim bang ziyo' yu" gyoug tung" yab jo, ziri shau" myang da:.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 4:19

Hougsu" lang" Belteshaza ga: we' myeing da" Daniela gi gyo: dain mau" pyam lho: ci: asi' tid loo nghoid da:. Khokham phoo gi nyang: ri «Belteshaza- hau: yhoebmo, yo' hau: da" dang: kang: gi nang ri agyug mau" nhang: baja"» ga: tid. Belteshaza gi «Aseing: khokham we"- hau: yhoebmo, yo' hau: da" dang: kang: gi nang ri anghoid loo:- re" gyivoo yiri nghoid wa ziri ngoo myid vho:-

DANIELA 4:22

«Aseing khokham we"- nang gi hau: gye" myhang: lho: geing: da" seig moo" gam nghoid da:. Nang gi gye" gyi: sheung: sho' yug do, lo" lho: mougkhung: ri myhi: da:. Houg: lho: re" da" yoem: so' gi damoug: gyab goin" khyoo: lam je: lo" da:.

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 4:3

«Ngoonu" ri Mangso wigi toin" shed byid: da" moug" pho" zigi khayhi' gyi: sheung: nyid la". Nyang: koid da" mau" pho" alhoo: again joem gi khayhi' yoem: so' gyi: nyid la". Mangsoo gi apyaid atoo: mo Khokham nghoid da:. Nyang: gi ayo, byeung" sho' moo vhoeb nyid wa.

DANIELA 4:32

Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 5:18

Gyi: sheung: myhang: thang Mangsoo gi re" phoo Nebukhadneza ri khokham moo" bui" nhang: lho: nyang: ri ngi shab ziyo' khokham yoem: so' byid: to" abye:.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

HOSEA 8:10

Nghoid loug we' akhid" gi ngoo gi nyangnu" dangain" ri shoem" zheing" to" wigi yooboo dam byid: wa bye:. Khamyhang amyang" ri nyangnu" gi Asuri khosen ge' nyangnu" ri doem zeig zoo: lang" dam no wigi lang: thain: nyid goo" wa.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".