DANIELA 12:2 - Lacid Common Language Bible

² Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

DANIELA 12:2 교차 참조

DANG: ZHOEM 12:8

Nang lasi phajhi" boo su: nghoid rigi coung" nghei byid: zi nang shoug" wa nghoid. Nang ko" fang: su: nghoid ri koem gi subi" nang ri yu" nge pyam zi shoug" wa nghoid.

ESAIA 26:19

Ngoonu" byumyu" mo shid: bye: mo, gi doem dei loo wa. Nyangnu" manggung joem gi kangso doem bo loo wa. Nyangnu" loeb boug joem moo yhoeb jo, bang: dangain" gi boin: gyeing: to' re" wigi gau yi jikhoin" khoin" loo goo" wa. Nghain: joem gi myidgung ri jhu' nhang: ziyo' dayhang: ti" Aseing gi goonham' mo shid: jo, bang: ri doem dei loo nhang: wa.

ESAIA 66:24

«Nyangnu" thu lo boem uri ngoo ri gyi koid thougtheung mo, da" manggung joem ri nyangnu" myang boem wa. Houg: bang: ri zo: da" lugdung: gi khanham we' shid: wa zi anghoid. Houg: bang: ri nge" nyid da" myi: gi khanham we' joem: loo" wa zi anghoid. Houg: bang: da" bue" nyid khyoo: gi xangsu: byu dangain" shid re" aco' ajhoid nghoid loo wa» ga: Aseing tid.

YEREMIA 20:11

Nghoid loug we' Aseing we"- nang gi nga" shoid dab wigi yoem: gyi: lho: myhang: thang su: nghoid da:. Ngoo ri shen" yhen bang: gi soem" byug goo" wa. Nyangnu" gi oung: doid khyoo: ayoo" yoomo nyangnu" apyaid atoo: moo ngi: yoem" loo goo" wa. Nyangnu" ngi: yoem" zigi khanham we' ato" myhid pyam wa.

EZEKIEL 37:12

Houg: yoomo nga" byumyu" Israela ri lapi: pe: wigi ngoo yoem: moo" bo Aseing gi nyangnu" da" loeb duang: joem ri phang kaid wa ga: ein: tid kyoo" we'. Ngoo gi nyangnu" ri doem shu" yu lho: nyangnu" ri Israela moug: khyoo: shu" tau" yu wa.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

ACTS 24:15

Ngoo gi nyangnu" yo' dakhyoo" ti" xangsu: byu yi gimo, agi mo, dangain" dakhyoo" te" - shid: jang" mo doem dei to'' loo wa nghoid ein:- Mangso khoug: moo myed lang" nyid su: nghoid,

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

Roma 9:21

Oug" koid su: da" myid u" nug ri nyang: vho: khyo" oug" khu' ri yo" koid to" anghoid la". Nyang: gi Myid u" nug dathung" mo za - oug" gi oug" gang: yo" koid thu anghoid la".

1THESALONI 4:14

Aseing Yesu gi shid: jang" mo doem dei to'. lo da" khyoo: ri nanu" loem" jeung" nyid boem nghoid rigi Yesu ri loem" jeung" lho: shid: lo" byug bang: ri we' Mangsoo gi Yesu yo' dage" -nya: jhang khyoo: shu" loo wa zi nghoid- ein: ngoonu" loem" jeung" nyid boem.

Pang Shug 20:12

Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".