DANIELA 11:7 - Lacid Common Language Bible

⁷ Hau: thang: khamyhang" akyoo: ri hau: myiyi: zo: da" bidnoem dayug gi khokham bue" loo wa. Nyang: gi Suri khokham da" gyidab ri gyi yhe: zain: lho: nyangnu" da" gyidab joem khyoo: vang yhe: wigi nyangnu" ri oung: pyam wa.

DANIELA 11:7 교차 참조

YOBA 14:7

Thug lheing: kaid da" seiggam shid re" myid byu jang: jo, ashi". Hau: zigi doem joem: re" wigi anyug doem ge toid re" da:.

COUNG" NGHEI 109:8

Nya: kangso' we' kha myhoo anghoid ri thang lo" byug baja" Nya: moo" zoo" ri byu gooji yu pyam byid: zi shoug" baja".

COUNG" NGHEI 55:23

Nghoid loug we' Mangsoo we"- nang gi byu said mo, yo mhau, fain" da" byu yi rigi nyangnu" da" pyaid agung lang" ayo" kho' shi" ri nyangnu" da" loeb duang: khuang" khyoo: khyo' pyam wa zi nghoid. Ngoo koem gi nang ri loem khau nyid wa zi nghoid.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

ESAIA 9:14

Aseing gi Israela da" vhujhung: yi yo' meing: byu yiri danyid" moo za: yooboo dam byid: goo" wa. Nyang: gi nyangnu" ri vhuloem yo' shoomyi: ri phyed khyo' pyam goo" wa.

YEREMIA 12:2

Nang gi nyangnu" ri sho" to" wigi nyangnu" agyi: yug cen' re" boem. Nyangnu" yug gyi: re" wigi ashi" zei: da:.

EZEKIEL 17:18

Nyang: gi nyang: koid to" da" jham' tang: dang: yo' dang: theing ri phyo' shoin' pyam da:. Nyang: he: gu: dangain" koid bye: yoomo akhid" nyang: ayo" phang: loid loo wa.

DANIELA 11:40

«Suri khokham da" lo" thang ayo, akhyeing: bain ju" lo nyid nyid ri Egutu khokham gi nyang: ri meing zain: wa. Houg: lho: Suri khokham gi gyi myang: rheing" joem myang: joem yo' gyid sangphoo myoo" sho' ci: lho: nya: da" yoem: so' dangain" yo' doem tau" khaid zain: loo wa. Nyang: gi gyid ji: zoo" su" mungdain: myoo" sho' da" khoug: khyoo: moug: jhen" jhen" vang yhe: loo" wa.

DANIELA 11:6

Zain loem: dayo, zoo: myang" lo thang: ri Egutu khokham gi Suri khokham yo' bidnoem xo' lho: Suri khokham ri nya: myiyi: zoo: byid: zho" loo wa. Nghoid loug we' hau bidnoem xo' tei" zigi myang" sho' akham yoomo hau: myiyi: zoo: ri we' nya: yhoem: seing: phoo ri: we' nya: zooshang: yi ri we' nyang: yo' dage" yhe: lo" da" dei zoo: yiri we' said pyam' zi shoug" lo goo" wa.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.