DANIELA 11:45 - Lacid Common Language Bible

⁴⁵ Nyang: gi panglai: yo' Noku Yhoem: Moo" jo da" bouggung agyoo moo nya: da" khokham zoem" moo" zeing joem ri koid too" wa. Nghoid loug we' nyang: gi nyang: ri pang" thoug byid: wa byu dayug we' houg: moo anyid loo: nyang: shid: loo" wa.

DANIELA 11:45 교차 참조

COUNG" NGHEI 48:2

Mangso da" boem ein: da" Ziun gi myhang: ziyo' younglho' nyid. Reung: thang da" khokham pho, voogung gi moug: gyab, dangain" ri gau yi ngei pyoo: nhang: nyid.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

ESAIA 11:9

Mangso da" gyeung" shang: bouggung- Ziun boem moo: Yau: khi" bui" nhang: ziyo' akhyeing" zi ci: we' abui" wa. Panglai: moo gyid byeung" jo ziyo dayhang: ti" Aseing da" lasi phajhi" gi mougmyid goin" moo byeung" jo, wa.

ESAIA 14:13

Nang gi mougkhung: khyoo: do, loo" wa myid phyed lho: re" zhungtang ri myhang: thang da" kyi: joem atho moo too" wa myid phyed lo da:. Yu phara" joem phung: foem: nyid da" mougzhung: shoid mo boem dang mo khokham dayug yhang: ti" nang yo" zhung: wa ga: nang myid jho: da:.

ESAIA 2:2

Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

ESAIA 65:25

Zeig ni joem yo' yang nu" joem dage" voem: shoo: zoo: loo wa. Nu: joem yhang: ti" khangkhyi joem gi khoofoo: zo: loo goo" wa. Lhangmyu joem ri agyug noo" loo: wa. Lhangmyu joem da" zoo: noem gi myidzhoo" nghoid wa. Nga" da" gyeung" shang: da" boem gung Ziun: moo gyoug pho" dam tab khyoo: yo' akhyeing" ashoeb khyoo: ci: we' ajo, loo wa» ga: tid da:.

ESAIA 66:20

Nyangnu" gi nanu" da" mang: nhung" dangain" ri nga" shid re" jhungshug khyo" byumyu" yi jang" mo shu" tau" lo boem wa. Israela byumyu" yi Noku Yhoem: Moo" khyoo: thung" khyoo" younglho' da" bain moo shivoo: xoin" joem ri tho' re" boem zi yo' dakhyoo" ti" nyangnu" ri myang: joem loo kung" joem gola-ug joem myang: rheing" joem yo' zi tho' rheing" joem dang moo tho wigi Yerusalem mo nga" gyeung" shang: bouggung khyoo: nyangnu" shu" lo boem goo" wa.

EZEKIEL 39:2

Ngoo gi nyang: ri khyoo: seig khyoo: lheing: phug nhang: kaid wigi nyang: gi Israela boem joem khyoo: ju" loo sho' ve: da" mougzhung: ju" loo sho' ve: da" mougzhung: shoid mo nyang: ri shu" thu yu wa.

DANIELA 11:16

Suri moug: jhen" jhen" su: gi nyangnu" ri nyang: vho: khyo" koid loug we' doem phug khyoo: akoid goo" wa. Nyang: gi dangsoo" mougmyid moo yab jo, lho: hau: mougmyid ri nya: da" yoem: so' khoug: moo bain sho' to" loo wa.

DANIELA 11:41

Nyang: gi dangsoo" to" da" moug: khyoo: lang" moug: jhen" jhen" vang yhe: lho: byu khyeing" khyeing" moin moin myoo: sho' ri yhe: said pyam wa. Nghoid loug we' Edom- Moba yo' Amon mo deung jo da" mungdain: joem gi loid byug goo" wa.

DANIELA 11:44

Hau: thang: bidthu shoid mo yo' moug zhung" shoid mo lo da" lu dang: gi nyang: ri gyoug dain nhang: loo wa. Houg: lho: nyang: gi nheig joem yo: ziyo' meing: khaid zain: wigi byu myoo" sho' ri said pyam wa.

DANIELA 2:35

Houg: jang: joto'- zhoo" nhau:- gyid: mid"- ngei yo' sheing: joem gyoeb gyo" wigi xung" gung gug nang: jang: mo pheilhoug: yo' dakhyoo" ti" bue" lo ago". Houg: zi dangain" ri lid hau' wigi moid tang" pyam lho: ce: khoo: we' ateing too" khoo' nghoid da:. Nghoid loug we' hau: lugzeing gi gyi: re" lho: mougmyid dangain" ziri nghoeb pyam da" boem bue" lo da:.

DANIELA 7:26

Hau: thang: mougkhung: tarha" yung" moo dang: phyed wa soin' zhung: loo goo" wa. Nya: da" yoem: so' ri yu pyam byid: lho: nyang: ri bain sho' phyo' shoin' pyam loo goo" wa.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

DANIELA 9:16

Nang gi lid loo bye: da" ayo, moo ngoonu" ri goem loem byid: loo bye:. Houg: yoomo Yerusalem ri nheig ayoo: loo: hau: zigi re" voomoo" nghoid da:. Re" da" younglho' bouggung nghoid da:. Ngoonu" da" yooboo joem yoomo yo' ngoonu" phoug" phyid" bang: koid lid lo da" akhyeing" ashoeb moo" zoo" joem yoomo aqei: ayam mo mungdain: byumyu" yi wigi Yerusalem ri yu" jhung" yu" nge pyam ago".

DANIELA 9:20

Ngoo gi nga" da" yooboo joem yo' nga" byumyu" yi da" yooboo joem ri yhen: yu zoo" re akyu" xo' mho' nyid. Houg: lho: Aseing nga" Mangsoo ri nya: da" gyeung" shang: Noku Yhoem: Moo" ri doem zhug too" wa shid re" mho' yoid nyid.

YOELA 2:20

Moug: zhung: shoid khyo" gyoo" lo da" jhenkhyeug gyiphung: rigi nanu" mo ve: gang: loo" nhang: wa zi nghoid. Nyangnu" ri kyug kyi" ri da" dain" pyoid yoo khyoo: khaid thu pyam wa zi nghoid. Nyangnu" da" shid vhu" she: da" phung: rigi xoo" thoem" khyoo:- hau: thang: mo daphung: rigi Meing: gung panglai: khoug: khyoo: khaid thu pyam wa. Nyangnu" da" mang joem gi gye" boeb nam nyid wa nghoid. Nanu" ri koid byid: da" moo" zoo" yoomo ngoo gi nyangnu" ri phyo' shoin' pyam wa.

MIKHA 4:2

Nyangnu" da" byu yigi «Israela da" Noku Yhoem: Moo" jo, da" Aseing bouggung khyoo: nyhang" do, yhi: shang. Nyang: gi nyhang" ri koid nhang: nau da" khyoo: joem ri jhau" byid: lho: nyhang" gi nyang: khyen: byid: to" da" khyoo: moo: so" yhe: lo" boem wa zi nghoid. Khasu" wim gari Aseing da" jhau" mho' da" khyoo: gi Yerusalem mo ju" re" wigi nyang: gi nya: da" byumyu" yiri Ziun boem mo tid kaid» ga: tid go" nyid wa.

ZEKHARIA 14:8

Hau: bidnyid ju" loo lang" gi Yerusalem voomoo" mo gyid gyeing" yau thu loo wa. Dayham" gi xoo" thoem" khyoo:- dayham" gi Meing: gung panglai khyoo: yau loo" wa. Hau: gyid lang gi zain ri xung" ri dayau nyid wa zi nghoid.

GYUNG: SOO" 34:5

Houg: zigi Meing: gung panglai: thang: yo' Egutu mung" mougkyoo" janggyoin: ju" sho' nghoid.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

Pang Shug 13:10

Myheug zi shau" wa su: gi gyeing" nyang: myheug zi shau" wa nghoid- sham: yo' said' pyam' zi shau" wa su: gi gyeing" nyang: sham: moo shid: wa zi nghoid. Hid: moo Mangso byu yi shoid khyo" kham, zeung: ziyo' loem" jeung" khyoo: geung: teung jo, nyid ca".

Pang Shug 20:2

Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.

Pang Shug 20:9

Houg: bang: gi mougmyid' goem: sho' yoeb, do, lo wigi Mangsoo byu yi dab, yo' nya: jheddab da" voogung rilheung khoem' to" boem bye.Nghoid loug we' moug: khung: moug: di mo myi: gyoo" lo wigi nyangnu" rire" nghe, jhoem" pyam' bye.