DANIELA 11:36 - Lacid Common Language Bible

³⁶ «Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 11:36 교차 참조

COUNG" NGHEI 136:2

Phara" joem dangain" tho' mo gyi: thang su: ri jeju" boin: coung" nghei nyid we'. Nya: jhed khyeing: kang: khyeing: gi pyaid moo: too: moo: dageung: teung jo.

COUNG" NGHEI 33:10

Hau: Aseing gi byumyu" yi sham: go" nyid khyoo: ri lhu: soid pyam byid nyid. Nyang: gi nyangnu" da" soin nyeung to" da" khyoo: joem ri toem' pyam byid: nyid.

DANG: ZHOEM 19:21

Xangsu: byu yigi ja: khang" moo" ri myoo" sho' soin' nyheung too: nghoid loug we' Aseing myid vho: khyoo: za: dabue" loo wa nghoid.

ESAIA 10:23

Nghoid bye:- Nyang: koid wa ga: tid to" ziyo' dayhang: ti" yoem: moo" bo myhang: thang Aseing gi mungdain: goin" jang: sho' moo phyo' pyam zi ju" loo nhang: wa.

ESAIA 10:25

Dayo, zoo: agyoo: moo nanu" ri yooboo dam byid: ziri ngoo theing: pyam lho: nyangnu" ri ngoo phyo' shoin' pyam wa.

ESAIA 10:5

Aseing gi «Asuri we"- ngoo nheig joem yo: da" bang: ri yooboo dam byid: baid wa voosi" khyo" ngoo Asuri ri ci: wa.

ESAIA 14:13

Nang gi mougkhung: khyoo: do, loo" wa myid phyed lho: re" zhungtang ri myhang: thang da" kyi: joem atho moo too" wa myid phyed lo da:. Yu phara" joem phung: foem: nyid da" mougzhung: shoid mo boem dang mo khokham dayug yhang: ti" nang yo" zhung: wa ga: nang myid jho: da:.

ESAIA 14:14

Nang gi jhoemmoug" tho' khyoo: do, lo" lho: myhang: thang yug su" bui" wa ga: nang tid da:.

ESAIA 26:20

Nga" byumyu" yi we' nanu" yhoem: khyoo: loo" we'. Houg: lho: khoem" myhid" pyam ge'. Mangsoo nheig joem: yo: zi lid: lo" da" ayo, ju" sho' nanu" daso' zoo: gau" nyid we'.

ESAIA 30:33

Goonham mo Asuri khosen ri nghi wa da" khyoem' moo" myi: dajo, yoo ri soin' to" da:. Hau: zigi no, wigi gyi: da:. Houg: lho: thang" myhang: sho' zuang to" da:. Hau: ziri nghe' pyam wa shid re" Aseing gi myiyham: ri moid thu kaid loo wa.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

ESAIA 57:9

Nanu" gi shoem: nam pyo: su: ri yo' xu: joem ri gyoid ci: wigi Meleg yu phara" ri no' wa yhe: boem da:. No' wa da" yu phara" joem ri shoo: wa shid re" nanu" gi lagyoo: joem ri vi: khyoo: nhang: kaid boem. Moovo moug: khyoo: lang" nhang: kaid ago".

EZEKIEL 28:2

Nyang: tid zigi «Shid: se' da" byu we"- Ngoo yoem: moo" bo Aseing wigi Turu mo vhoebkhang" su: ri tid nyid ziri nyang: ri tid kyoo" we'. Nang gi yu phara" nghoid ga: tid fu" wigi nghoid boin: khyoo: gi myung: dau byug bye:. Nang gi panglai: joem lheing khoem to" da" khokham zhungtang moo yu phara" daloem: ti" zhung: jo, ga: tid da:. Nang gi yu phara" daloem: yhang: ti" nghoid goin koid loug we' anghoid wa. Nang gi shid: se' da" byu danghoid. Agyeungshang: nghoid da:.

EZEKIEL 35:13

Nang wigi ngoo ri thougtheung wigi aphoug" akhyoid tid phue: bye: da" khyoo: ri ngoo shoug" gyoo: bye:.

DANIELA 11:16

Suri moug: jhen" jhen" su: gi nyangnu" ri nyang: vho: khyo" koid loug we' doem phug khyoo: akoid goo" wa. Nyang: gi dangsoo" mougmyid moo yab jo, lho: hau: mougmyid ri nya: da" yoem: so' khoug: moo bain sho' to" loo wa.

DANIELA 11:3

Hau: thang: Sarhi' khokham dayug nyid thu loo wa. Nyang: gi gye" gyi: da" mungdain: moo" ri vhoeb lho: nyang: koid nau ziri koid wa.

DANIELA 11:37

Hau: khokham phoo gi nya: da" phoug" phyid" yi dei byid: lid lo da" yu phara" ri ngeug pyam lho: myiyi: yi jheddab da" yu phara" ri we' cishu: anhang: yu" to" loo wa. Gyeing" nyang:- nyang: gi ce: ja: yu phara" ri nghoid loug we ngeug he: loo wa ciwim gari nyang: gi hau: joem dangain" tho' je gyi: sheung: ga myid yu da:.

DANIELA 12:7

Moug: lagyoo: gi eig lo, goin" ri mougkhung: khyoo: tu: to' kaid lho: apyaid atoo: mo Mangsoo da" myeing" yo' geing: teing da" dang: so" to" da:. Nyang: tid zigi «He zigi soem" zain dakhyam" myang" loo wa. Mangso da" byu yiri shen" yhen zi thang byug lang" he: gu: dangain" bain bue" byug wa» ga: nyang: tid ziri ngoo shau" gyo:.

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

DANIELA 5:19

Nyang: gi gye" gyi: sheung: wigi nyang: ri byumyu" dangain"- byumyu" kung: dangain" yo' myeing" ja: khang" moo" bang: wigi coem' gyoug phoug" ziyo' gyoug nain" nyid ago". Nyang: gi byu dayug yug ri said pyam noug lang" said pyam da:. Nyang: gi byu dayug yug ri adei too" noug lang" adei nyhed: to" da:. Nyang: gi nyang: wigi ngi: shab byid: noug yug ri ngi: shab byid: wigi ngi: yoem" nhang: noug yug ri ngi: yoem" nhang: da:.

DANIELA 5:20

Nghoid loug we' nyang: gi nghoid boin: nheigloem: thain: lho: anoug akhyoid koid yoomo nyang: ri nya: khokham zhungtang mo yu pyam byid: wigi nya: phung" yoeb ci: phyug pyam da:.

DANIELA 7:8

Hau: khyoug: joem ri ngoo zhug yu" nyid uri khyoug joem agyoo: moo khyoug: nu" daloem: yug thu re" ziri ngoo shau" myang. Hau: khyoug: nu" gi houg: moo yug jo, bye: da" khyoug: soem" khyoug: ri phoin:” pyam byid: da:. He: khyoug moo byu xangsu" da" myo jid" joem dab lho: nghoid boin: tung" phau: tid da" nhoid we' dab da:.

DANIELA 8:19

Houg: lho: nyang: gi «Mangso nheig yo: da" gang mo bue" loo wa ziri ngoo nang ri ci: shug wa. Hau: yoeb myang gi lo" thang ayo, ri yeing lho: tid nau zi nghoid da:.

DANIELA 8:4

Hau: yang loo: gi nya: da" khyoug: joem wigi bidvang shoid- mougzhung: shoid- mougpyi: shoid khyoo: khyoug: tu: yeing ci: ziri ngoo lang" yu" nyid. He: gougnyhoug we' nyang: ri ayo" toem' pyam- nya: yoem: so' mo we' ayo" phang: loid nghoid ago". Nyang: gi nyang: vho: khyo" koid lho: nghoid boin: lo da:.

ZEKHARIA 11:16

Ngoo gi he: mung: moo joem: loo" bang: ri akoem" yu" mo, gang: go" lho: byug shang lo" ziri we' ashoo: mo, no nyid ziri we' aze: gi mo, yoem: bo nyid shi" ziri we' mhain" akaid zho" da" yang zoem: su: dayug ri ngoo lhung: nyhed too" bye:. Nyang: gi xu: thang da" yang shoo" ri zo: lho: nya: khoo: ri we' lang: ceug pyam' wa nghoid.

YOHAN 5:30

Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.

TARHA" TID POIN" 10:17

Nanu" Aseing Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

2 THESALONI 2:3

Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

YOSHU 22:22

«Myhang: thang zigi Mangsoo nghoid. Nyang: gi Aseing nghoid da:. Myhang: thang zigi Mangsoo nghoid. Nyang: gi Aseing nghoid da:. Nyang: hau: ziri ciwim koid lid lo ziri nyang: se'. Houg: lho: ngoonu" we' nanu" ri si' nhang: nau da:. Ngoonu" gyi koid wigi Aseing ri loem khau myid abo nghoid rigi ngoonu" ri adei anyid nhang: loo: goo".

Pang Shug 10:7

Nghoid loug we' nyhed yug ein: da" moug: lagyoo:- nya: laboo" moid kaid' thang: ri Mangsoo gi nya: lapi: dei zoo: yi ri tid fu" nhang: bye: ziyo' dakhyoo" ti"- nya: no, thang da: khyoo: joem ri joeb, byeung" loo nhang: wa zi nghoid nyid ,, ga: tid.

Pang Shug 12:14

Hau: myi: yi myhi, gi main jung ni, zeung da" gyi mo loid byoin, loo" sho' soem" zain dakhyam" zung" lhug coung: goem zi shau" wa da" dain" pyoid yoo mo wigi Nya: joyoo khyoo: yo" dang: loo" wa shid re" zoin, bung: zeung da" dung eig khyab, nyang: ri byid: to" zi shau".

Pang Shug 13:1

Hau: thang: ripanglai khoug: mo khyoug: daxi: khyoug: yo' vhuloem, nyhed loem: dab, da" akhyeung" da" gougnyhoug dadu" thu' lo ziri ngoo myang. Nya: da" khyoug: loem: khang" moo" moo bidmug joem zhoung" ci: lho: nya: da" vhuloem loem: khang" moo" moo Mangsoo ri rui" da" myeing joem rilhid" tab ci:

Pang Shug 17:17

Khasu" wim gari Mangso mungdang: joeb, byeung" lo da" bidnyid moo ju' sho' nyangnu" gi dadeing: daloem: za: koid lho: nyangnu" vhoeb, khang" da" amyeing" dang: ri hau: akhyeung" da" gougnyhoug lo, khyoo: ab, byid: khyo" wigi Mangsoo gi nyang: myid soin' khyoo: zei: pyeing byid: nau da" e" myed, ri nyangnu" da" nheigloem: khoug: moo kaid' too" byid: bye.

Pang Shug 17:3

Hau: thang: ri mouglagyoo: gi ngoori venyi khyo" dain" pyoid yoo khyoo: shu" lam" lo" ri Mangso myeing ri juang" yi da" myeing dagung goin" lhid" tab ci: da" akhyeung" da" gougnyhoug ni, zeing dadu: da" atho' moo myi: yi: myhi, dayug zhoung: jo, ziri ngoo myang- hau: akhyeung" da" gougnyhoug moo vhuloem dab, nyhed loem: dab, lho: khyoug: daxi: khyoug: youg.