DANIELA 11:35 - Lacid Common Language Bible

³⁵ Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

DANIELA 11:35 교차 참조

2 KHOKHAM MHOOMYID: 32:31

Babelon mo mungdain: lagyoo: zeing yi lang" mungdain: mo gooki' lid bue" da" khyoo: ri re" myid: ca: yu" boem. Mangsoo gi nya: avoid ri joeb ca: yu" wa shid re" Hezekia ri nyang: nau khyo" koid nhang: to" da:.

DANG: ZHOEM 17:3

Sheing: yo' ngei ri myi: moo: phoid kyeung yu" yhang: ti" byu dayug da" nheigloem: rigi Aseing wigi jham" ca yu" nyid.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

DANIELA 11:27

Hau: thang: hau: khokham eig yug gi zoobui" daloem: moo voem: dage" zhung: zo: loo wa. Nghoid loug we' nya: eig yug da" myid soin' da" akhyoo" joem gi akhyeing" ashoeb zi nghoid lho: nyang: cang" nyang: mhoug loo goo" wa. Nya: eig yug vho: ziri ashau" yu goo" wa. Ciwim gari hau: shid re" ayo, akhyeing: aju" shi" yoomo nghoid.

DANIELA 11:29

«Thang: phyang" nyang: gi Egutu mung" khyoo: moug: jhen" doem jhen" vang yhi: wa nghoid loug we' he: lheing: bue" lo zigi goolheing: yo' adu wa.

DANIELA 11:33

Hau: byumyu" yi da" phajhi" bo da" vhu" shi: bang: gi nyangnu" phajhi" ri byu myoo: sho' bang: yo' gam yu ri" goo" wa. Nghoid loug we' dayo, zoo: myang" ri nyangnu" mo dayham" gu: ri gyi khaid jang: moo said pyam shoug" wa anghoid lang" myi nghe' pyam zi shoug" wa. Houg: lho: dayham" gu: rigi lhoid zo: zi shau" wigi thung: byu yi bui" nhang: pyam zi shoug" ri" goo" wa.

DANIELA 11:40

«Suri khokham da" lo" thang ayo, akhyeing: bain ju" lo nyid nyid ri Egutu khokham gi nyang: ri meing zain: wa. Houg: lho: Suri khokham gi gyi myang: rheing" joem myang: joem yo' gyid sangphoo myoo" sho' ci: lho: nya: da" yoem: so' dangain" yo' doem tau" khaid zain: loo wa. Nyang: gi gyid ji: zoo" su" mungdain: myoo" sho' da" khoug: khyoo: moug: jhen" jhen" vang yhe: loo" wa.

DANIELA 12:3

Phajhi" bo da" vhu" shi: bang: gi mougkhung: moo bang jo, ja: yo' dage" dug bang nyid wa. Houg: lho: byumyu" myoo: sho' bang: we' jo ziri koid wa shid re" jhau" yu loo bang: gi kyi: joem yo' dakhyoo" ti" khanham we' dabang jo, wa» ga: tid da:.

DANIELA 12:4

Nyang: gi ngoo ri «Daniela we" akhid" gi hau: mougsoug" pug ri myid" pyam lho: mougmyid thang yo, ju" sho' hau: ziri dazid thung" too" we'. Hau: agyoo: moo bue" nyid da" ziri se' gyoo: noug yoomo byu myoo: sho' bang: gi nyangnu" da" yoem: ri amyed afoo" ze" thang pyam ri" goo" wa» ga: tid da:.

DANIELA 8:10

Hau: zigi mougkhung: mo gyidab ri meing: yo" zain: wa yhi nghoid lho: kyi: joem rilang" yo" khaid zain: wa yhi' yoem: bo loo: wa. Houg: lho: nyang: gi nyangnu" mo dayham" gu: ri myidgung khyoo: du" khyo' kaid lho: nang nhe' pyam da:.

DANIELA 8:17

Gabriela gi re" lho: nga" ayam moo re" yab kaid da:. Houg: yoomo ngoo gi sung gyoug yoomo myidjang khyoo: leung loo" bye:. Nyang: gi ngoo ri «Shid: se' da" byu we" hau dang: kang: ri se' gyoo: we'. Hau: yoeb myang gi mougmyid thang lo" da" ayo, yo' sen: da" zi nghoid da» ga: tid da:.

DANIELA 8:19

Houg: lho: nyang: gi «Mangso nheig yo: da" gang mo bue" loo wa ziri ngoo nang ri ci: shug wa. Hau: yoeb myang gi lo" thang ayo, ri yeing lho: tid nau zi nghoid da:.

DANIELA 9:27

Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.

HABAKU 2:3

Hau: zigi bue" loo wa ayo, aju" shi" yoomo lhid" cab yo' nyang: lhid" too" we'. Nghoid loug we' hau: ayo, gi myab myab ju" lo nyid lho: ngoo nang ri toin" shed khyoo: gi gyeing" nyang: bue" loo wa. Bue" loo wa khyoo: ne" nyid yhang: ti" nghoid loug we' dalang" nyid we'. Hau: zigi deing" deing ju" loo wa zi nghoid wigi ne" thang: gyo" nyid wa zi anghoid.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

YOHAN 20:25

Houg: yoomo cangzoo: byen cang" yi gi Yesu ri ngoonu" myang bye:- ga: lhoem tid kyo" boem. Thoma gi lo, mo da" ten" zei: baid khoo: yo' nam joug mo da" dam, khoo: ri za: ashau" soeb' yu" rigi ngoo aloem" ga: tid.

ACTS 13:13

Polu yo' nya: byen cang" yi gi Paphu voogung mo lhid' zhoung: lho: Pamphuli mung" mo Perga voogung khyoo: ju" yhe: lo" ago". Yohan Marku gi hau: voogung moo nyangnu" ri too" kho' wigi Yerusalem voomoo" khyoo: doem tau" loo" bye.

TARHA" TID POIN" 8:16

Dain" pyoid yoo moo nanu" phoug" phyid" yi khanham we' ashau" zo: yu" boem da" zoo: noem Manna nanu" ri nyang: byid: zho" da:. Lo" thang moo nyang: gi nanu" ri ge da" ja: yo' mainkaid byid: wa shid re" nyang: gi nanu" ri jham" yu" wa shid re" yau: khe" kyi" khyeug nhang: kaid bye:.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

Pang Shug 14:15

Mouglagyoo: gootu: dayug gi noku yhoem: moo" khoug: mo thu' re" lho: jhoem: phyu: thei" atho' moo zhoung: jo, su: ri " Moug: myid tho' moo gug myeung jo, bye: yoomo gug yham" yo, ju" bye"- re" da" gyen: goem: ri ci: tho:- gug yham" re',, ga: thui: zeing yo' nyho: kaid.

Pang Shug 17:17

Khasu" wim gari Mangso mungdang: joeb, byeung" lo da" bidnyid moo ju' sho' nyangnu" gi dadeing: daloem: za: koid lho: nyangnu" vhoeb, khang" da" amyeing" dang: ri hau: akhyeung" da" gougnyhoug lo, khyoo: ab, byid: khyo" wigi Mangsoo gi nyang: myid soin' khyoo: zei: pyeing byid: nau da" e" myed, ri nyangnu" da" nheigloem: khoug: moo kaid' too" byid: bye.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.