APOEM AYANG: 1:2 - Lacid Common Language Bible

² Mougmyid gi alhoo: agung ajo, ziyo' dili cen: nghoid nyid. Jo, moojo, ri zeing" lhoung to" da" Nammugdara gyid gi moug: coid wigi thoeb zeing" to" lho: Mangso Venyi: gi gyid tho' moo dei loeb nyid.

APOEM AYANG: 1:2 교차 참조

YEREMIA 4:23

Ngoo gi mougmyid gyab khyoo: yu" kaid ri. Hau: zigi jham" coug: youg kyug jo, da:. Mougkhung: khyoo: yu" kaid ri houg moo bidbang ajo, nghoid da:.

COUNG" NGHEI 104:30

Nghoid loug we' nang koem gi nyangnu" ri kangso' moid kaid byid: ziyo' Nyangnu" ri phain" so: to". Nang gi mougmyid ri kangso' aseig byid: nyid.

ESAIA 45:18

Aseing gi mougkhung: ri phain" so: to" da:. Nyang: gi Mangsoo nghoid da:. Nyang: gi mougmyid ri azuang koid lho: phain" so: to" da:. Nyang: gi hau: zi teing sho' koid lho: jo, jo, nhang: da:. Nyang: gi hau ziri jham" coug: youg akoid pyam nghoid da:. Nghoid loug we' byu yi shid re" nyid wa joyoo koid byid: da:. Nyang: tid zigi «Ngoo gi Aseing nghoid. Gootu: Mangsoo anyid.

COUNG" NGHEI 33:6

Aseing gi nya: da" amyeing" yo' mougkhung: mougdi ri phain" so: too" bye:. Bid, kyi: lhammoo" ri we' nya: dang: dakhoin" yo' phain" so: to".

YOBA 26:7

Mangsoo gi mougzhung: shoid khyo" wigi mougkhung: ri pei: myu" kaid da:. Houg: lho: mougmyid ri we' joyoo akoem: moo lhang" to" da:.

YOBA 26:14

Nghoid loug we' he: gu: gi nya: da" yoem: so' mo dayham" za: danghoid ashi" Ngoonu" shau" gyo: da" nya: da" dangso' so' zi za: danghoid. Mangsoo khayhi' gyi: sheung: ziri tab za: hang" yo" si' wa la".

NAHUM 2:10

Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

TARHA" TID POIN" 32:11

Zoin bung: gi nya: zoo: yiri dang: jhau" uri abyed gyoo" wa shid re" pyo: rhua: ci: da" nya: dung wigi goem loem byid: yhang: ti" Aseing gi Israela ri aleing loo" sho' zoem: loo bye:.

YOBA 38:9

Panglai: ri jhoemmoug" thei" wigi nghoeb to" wigi moug: coid wigi thoeb too" su: gi ngoo nghoid.

COUNG" NGHEI 104:6

Hau: da" mougmyid tho' moo nammugdara ri nang void ci: yhang: ti foid, to" lho: gyid we' boem joem ri nghoeb to" da:.

COUNG" NGHEI 136:6

Nyang: gi no, da" gyid thoem" tho' moo mougmyid yoosoo" ri: zhoug to" abye:. Nya: jhed khyeing: kang: khyeing: gi pyaid moo: too: moo" dageung: teung jo.

COUNG" NGHEI 148:7

Panglai: main jung: joem yo' no, thang da" nammugdara dangain" we' Mougmyid mo wigi Aseing ri coung" ge'-

DANG: ZHOEM 8:24

Nammugdara joem yo' gyid thu' gyid bug ajo, shi" mo nyang: ngoo ri khu: kaid bye:.

ESAIA 31:5

Ngho' nu" joem ri goem loem byid: wa shid re" ngho' soid dang moo dang: lheing: yen" da" ngho' yhang: ti" ngoo myhang: thang Aseing gi Yerusalem ri goem loem byid: lho: gyi zung" byid: wa» ga: ngoo ri tid da:.

YOBA 41:32

Nyang: gi nya: thang: moo yi yi bue" da" khoo: ri duang nhang: kho' lho: Panglai: ri nyoeb phyu: bue" thu nhang: da:.