AMO 4:9 - Lacid Common Language Bible

⁹ Ngoo gi nanu" da" shivoo: joem ri kyug shid: loo" nhang: wa shid mo lid lung ri houg nhang: kaid bye:. Nanu" da" shivoo: khyam: yo' zabyid khyam: dangain" nanu" da" lafoem' gam joem yo' zhainloin: gam joem we' jhenkhyeug joem wigi zo: pyam bye:. Nghoid loug we' nanu" gi nga" jhang khyoo: adoem tau" loo shi" nghoid ago".

AMO 4:9 교차 참조

1 KHOKHAM 8:37

«Hau: meing: moo phang" khoug gyo" uri anghoid lang" lang: yoem" gyo" anghoid lang" lid ngi" wigi lhu: shoin' pyam da" gug shi" mei: shi" anghoid lang" jhenkhyeug phung: moo" dang: yen" anghoid lang" re" byumyu" yiri nyangnu" gyivoo wigi zain: lo uri anghoid lang" noo phyoo" shoug" uri anghoid lang" nyangnu" no nyid uri

2 KHOKHAM MHOOMYID: 6:28

«Mungdain: khoug: moo phang" khoug khoug zi lang: yoem" gyo" zi lid lung yo' jhenkhyeug joem wigi gug zoo mei: loem ri phyo' shoin' pyam shau" wigi re" byumyu" yi nyangnu" da" gyivoo yi wigi khaid zain: zi shoug" lang" nyangnu" phung: moo: noobau: phyoobau:- noo phyo" shoug" lang"

ESAIA 1:5

Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

ESAIA 50:11

Subi" gootu: ri phyo' shoin' pyam wa gyi khau" koid bang: nanu" dangain" gi nanu" nyang: gyi khau" koid da" moo" wigi nyang: phyo' shoin' pyam zi shoug" loo goo" wa. Aseing nyang: he: ziri bui" nhang: loo wa. Nanu" gi nheigloem: amyen akhyoid kyi" khyeug yau: khi" kham zo: loo goo" wa.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

HOSEA 11:5

Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

YOELA 1:4

Jhenkhyeug joem gi daphung: thang: moo daphung: xo' lho: shivoo: gam joem moo foem: to" ago". Daphung: wigi zo: teung to" ziri daphung: wigi zo: pyam byid: ago".

YOELA 1:7

Nyangnu" gi ngoonu" da" zabyid nei joem ri phyo' shoin pyam boem lho ngoonu" da" lafoem gam joem ri zo: pyam byid: boem ago". Seig ko' phyu: loo" sho' seig kug ri khyoid pyam byid: ago".

YOELA 2:25

Jhenkhyeug phung: joem wigi nanu" da" shivoo: zoo: joem ri zo: pyam byid: da" zain nyid khoug: moo nanu" mo byug yoin" lo" gu: ri ngoo doem tau" byid: wa nghoid. Nanu" ri thougtheung gyi zain: da" he" gyiphung: ri nanu" jhang khyoo: nhang: kaid su: gi ngoo nghoid.

AMO 4:6

Ngoo gi nanu" da" voomoo" joem dangain" jang" moo zooyoid phang" khoug ri khyo' kaid nghoid loug we' nanu" gi nga" jhang khyoo: aphug lo boem nghoid ago".

AMO 4:8

Voomoo" myoo" sho' mo da" byu yigi gyid shid nyid wigi voomoo" davoo khyoo: gyid shau" kham: yu abe ga: myid byu ziyo' yhe: lo" boem nghoid loug we' houg: moo nyangnu" shid re" shug gyid lang" atham: nghoid ago". Nghoid loug we' nanu" gi nga" jhang khyoo: aphug lo boem nghoid ago".

HABAKU 3:17

Lafoem gam joem gi ashi" azei:. Zabyid nei joem moo we' zabyid shi" adab loug we' zhainloin: shi" we' amoo wigi tung yoo yoothung" moo gug zoo mei: loem: athu nghoid loug we' yang joem dangain" we' shid: thang lho: nu: khoem: joem we' akoem: nghoid jo, loug we'.

HAGI 2:17

Ngoo gi nanu" yoem: kaid nyid da" shoo" zoo: shoo" shug shivoo: shiloem kyug shid: loo" wa shid re" lid lung ri houg nhang: lho: leig voo ri khyoo' byid: nghoid loug we' nanu" gi nheigloem: athid lo boem.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.

TARHA" TID POIN" 28:22

Aseing gi nanu" ri dab lo ja: noo joem yo' gung yam: lo ziyo' nooyoem" yo' shen" yhen wa nghoid. Nyang: gi nanu" da" shivoo: joem ri phyo' shoin' pyam wa shid re" moug: kyug myid kyug ziyo' lid lung ri nhang: kaid byid: wa nghoid. He: byo, yoin" lo" zigi nanu" shid: sho' nanu" yo' dage" jo, jo, wa zi nghoid.

TARHA" TID POIN" 28:42

Nanu" seiggam joem yo' gugshi" meishi" dangain" gi tungdi: joem wigi zo: pyam wa.