AMO 4:8 - Lacid Common Language Bible

⁸ Voomoo" myoo" sho' mo da" byu yigi gyid shid nyid wigi voomoo" davoo khyoo: gyid shau" kham: yu abe ga: myid byu ziyo' yhe: lo" boem nghoid loug we' houg: moo nyangnu" shid re" shug gyid lang" atham: nghoid ago". Nghoid loug we' nanu" gi nga" jhang khyoo: aphug lo boem nghoid ago".

AMO 4:8 교차 참조

1 KHOKHAM 18:5

Ahab gi Obadia ri «Sa- he: mung" mo gyid bug khang" moo" yo' gyid lang khang" moo" ri cang yu" shang. Myang: yo' loo kung" joem kangso' dei koo: yo" zung" zho" da" coung" yoo ri myang nghoid rigi nyha" gougnyhoug ri ze" said wa zi anghoid» ga: tid.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 3:3

Hau: gang mo moug: gyid ri toem' pyam wigi xung" ri moug: zoo" agyoo" loo:. Nang gi shava myhi' yo' du wigi sho' ga: zi asi nghoid da:.

YEREMIA 3:7

Nyang: gi he: gu: dangain" ri bain koid thang: nga" jhang gyeing" nyang: tau" phang: loo wa ein: ngoo myid jho:. Nghoid loug we' nyang: gi alheing: tau" loo. Houg: lho: nya: da" jhug azug da" bi: nhung" Yuda gi hau: gu: dangain" ri shau" myang da:.

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

HOSEA 11:5

Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

HOSEA 7:10

Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

AMO 4:6

Ngoo gi nanu" da" voomoo" joem dangain" jang" moo zooyoid phang" khoug ri khyo' kaid nghoid loug we' nanu" gi nga" jhang khyoo: aphug lo boem nghoid ago".

MIKHA 6:14

Nanu" gi voem: zo: nghoid loug we' agyi: wa gyeing" nyang: nanu" gi zoo za: dayoid nyid shi" goo" wa nghoid. Nanu" gi ziyoo joem yo' de" loo" goo" nghoid loug we' ashau" seung: ci: boem wa. Nanu" gi yo" seung: ci: boem nghoid loug we' ngoo wigi meing: zain: jang: moo phyo' shoin' pyam byid: wa nghoid.

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

HAGI 2:17

Ngoo gi nanu" yoem: kaid nyid da" shoo" zoo: shoo" shug shivoo: shiloem kyug shid: loo" wa shid re" lid lung ri houg nhang: lho: leig voo ri khyoo' byid: nghoid loug we' nanu" gi nheigloem: athid lo boem.