AMO 4:4 - Lacid Common Language Bible

⁴ Yoem: moo" bo thang da" Aseing tid zigi «Israela byumyu"' yi we" Bethela mo gyeung" shang: joyoo khyoo: yhe: lho: yooboo koid ca" ri ye: koid we'. Gilgala khyoo: yhe: lho: nanu" da" yoem: bo thang mo, yooboo yhe: koid ge'. Shid khyoo: ze yhe: lho: nab khang" moo" xoin" ngei" byid: wa shid re" gougnyhoug joem ri ci: re" boem ziyo' soem" nyid" ein: nyid" khang" moo" nanu" da" jonu" xi: boem mo daboem ri byid: we'.

AMO 4:4 교차 참조

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

EZEKIEL 20:39

Yoem: moo" bo Aseing tid zigi «Akhid" Israela byu nanu" dangain"- nanu" nya: gung ri ngei bu: nyid ge'. Nanu" da" yu phara" soolhoo: joem ri xo' lho: dei byid: ge'. Nghoid loug we' hau: thang: ri gi nanu" nga" dang: ri tam" gyo: cang yhe: ca" ziyo' nanu" da" yu phara" soolhoo: joem ri xoin" ngei" byid: da" khyo" nga" gyeung" shang: myeing ri ngi: yoem" nhang: ziri theing: pyam ca" goo" wa ein: tid poin" nyid.

HOSEA 12:11

Nghoid loug we' Gilead mo soolhoo: joem ri no' ago". Houg: lho: hau: joem ri no' bang: gi shid: loo goo" wa. Gilgala mo nujung loo: joem ri xoin" ngei" byid: ago". Houg: lho: hau: joyoo mo phoin: joem gi jang: pa: moo lug go, boem bue" loo goo" wa.

HOSEA 4:15

Israela byumyu" nanu" gi ngoo ri jhug azug goo" nghoid loug we' Yuda gi houg: yo' dakhyo" yooboo ayo" baja". Gilgala moo we' Bethaven moo we' ano' goo". Hau: joyoo mo dei nyid da" Aseing myeing ri dangsoo" atoo" goo".

HOSEA 9:15

Aseing gi «Nyangnu" da" akhyeing" ashoeb da" moo" dangain" gi Gilgala mo koid shid" lo da:. Hau: jo, yoo moo nyangnu" ri ngoo xang: shi" ngheing" shid" bye:. Houg: lho: nyangnu" koid lid lo da" akhyeing" ashoeb moo" yoomo ngoo gi nyangnu" ri nga" mougmyid mo khaid thu pyam wa. Ngoo gi nyangnu" ri ajheddab loo: wa. Nyangnu" da" vhujhung: yi dangain" bang: gi ngoo ri thougtheung ago".

AMO 3:14

Israela byumyu" yiri nyangnu" da" yooboo joem yoomo yooboo dam kaid wa da" bidnyid moo Bethela mo phoin: joem ri we' ngoo phyo' sain" pyam wa. Phoin: loem: khang" moo" mo akhyoug: joem gi gyau: lo" wigi myidjang khyoo: gyoeb gyo" pyam wa.

AMO 5:5

Noku coung" nghei wa shid re" Berasheba khyoo: ayhi: goo". Ngoo ri Bethela moo ayhe: shoo: goo". Bethela gi bei: byug wa zi nghoid. Gilgala khyoo: ayhi: goo". Nya: voobyu yigi pyoung" she: lo" zi shoug" wa nheing" khoin" zang" jo, bye:.

MATHE 23:32

Nanu" da" phoug" phyid" yi da" pyaid mo shoid' vhang: lo da" khyoo: ri lo" thang sho' dajha" cang loo" ge'.

MATHE 26:45

Hau: thang: ri cangzoo: yi jhang khyoo doem lo" lho: «nanu" gi gye: yhoeb' pyo: lho: doug no: nyid go" la". Yu" ge' byu da" nya: zoo: ri yooboo dab mo da" lo, moo ab pyam wa ayo, ju" bye.

MARKU 14:41

Yesu gi soem" lheing: ein: lheing: doem tau" loo lang"-nyangnu" ri nanu" gi akhid" ju" sho' yhoeb myhed lho: no: nyid goo" nhung: lha". gi" bye:- ayo' ju" bye:-yu" ge"-byu nya: zoo: gi yooboo koid akhyeung" mo, lo, moo ab pyam zi shau" abye:.

MARKU 5:5

Nyang: gi nyid" ri myen" ri loeb joem da" agyoo: moo yo' boem cang mo: yoid so" yen" lho:-lug boem wigi nya: gung ri doin: thoung" coid ci: lho: nyid yen".

TARHA" TID POIN" 26:12

«Soem" zain byeung" khang" moo" nanu" gug zoo mei loem: mo daxi: boem daboem ri Levi byu yi tungbau byu yi coug" zoo: yi yo' cougmoo" yiri byid: ge'. Houg: lang" shava phung khang" moo" moo nyangnu" zoo: ca" zi dangain" yo" loo goo" wa. Nang hau: ziri bain koid lang"