AMO 4:2 - Lacid Common Language Bible

² Yoem: moo" bo Aseing gi gyeung" shang: su: nghoid yoomo nyang: gi hid: su" dangsoo" byid: da:. «Nanu" ri la nghui" yo' nghue" dang pyam wa da" bidnyid gi ju" loo bye:. Nanu" yu" yu" we'. Nanu" yugkhang" moo" gi wimmyhed mo da" wimdo, yhang: ti" bue" lo" boem wa.

AMO 4:2 교차 참조

COUNG" NGHEI 89:35

Nga" da" gyeung" shang: myeing khyang" yo' dalheing: dam ngoo gi dang: theing byid: too" bye:. Ngoo gi David ri khanham we' mhoug wa zi anghoid.

COUNG" NGHEI 89:36

Nya: da" amyed ashen yigi xo' loo: xo' danyid nyid boem wa zi nghoid bidbang dajo, jo, gi ngoo nya: mungdain: ri dazoung" yu" nyid wa zi nghoid.

ESAIA 37:29

Ngoo gi nang nheig yo: khyoo:- re" da" nghoid boin: khyoo: lu dang: ri ngoo shoug" gyoo: bye:. Houg yoo mo re" nhoo: ri nhooshu' kaid- nhoid moo nhoidkho' kaid wigi nang nyang: re" da" khyoo: khyo" doem tau" shu: loo" wa zi nghoid» ga: zi nghoid

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

EZEKIEL 29:4

Ngoo gi re" amcam" moo myhid nghui" tab too" byid: lho: re" gyid gyung: moo wimdo, joem we' nang moo kyen' dab jo, nhang: wa. Hau: thang: ngoo gi nang ri nang moo kyen' dab jo, da" wimdo, dangain" yo' Nila gyid gyung: mo she: thu yu wa.

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

EZEKIEL 38:4

Ngoo gi nyang: ri lang: phug lheing: yu wa. Nya: da" amcam" joem langhui" wigi nghue" yu lho: nyang: yo' nya: da" gyizoo: phung: joem ri she: khyoid loo" wa. Nya: da" gyidab gi myang: joem gyizuang void da" myang: jui: bang: yo' dage" gye" myo: boem ago". Houg: lho: gyizoo: yugkhang" moo" gi goo dakhyab khyab yo' shamcoin" dacam" voin boem.

AMO 6:8

Myhang: thang Aseing Mangsoo gi hid: su" tid poin" dang: ri tid kaid abye:. Israela byumyu" yi da" nghoid boin: khyoo: ri ngoo ngheing" bye:. Nyangnu" da" langi: bo da" yhoem: moo" joem ri ngoo anau yu". Ngoo gi nyangnu" da" gyi: thang voomoo" zeing yo' houg: moo jo, moo jo, dangain" ri gyivoo joem da" lo, moo ab byid: pyam wa» ga: tid.

AMO 8:7

Israela da" Aseing Mangsoo gi nheing" khoin" kaid bye:. Ngoo gi nyangnu" da" moo" zoo" ri khanham we' to" myhid loo: wa zi anghoid.