AMO 1:6 - Lacid Common Language Bible

⁶ Aseing tid zigi «Gaza voobyu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi byumyu" damyu" goin" ziri shu" thu yu lho: Edom mung" byu yi jhang join khyo" ung" byid: pyam boem ago".

AMO 1:6 교차 참조

2 KHOKHAM MHOOMYID: 28:18

Hau: ayo, moo nyang: Philisti byu yigi bidvang shoid mo boem khyid: joem mo voogung joem yo' Yuda mougpyi: shoid mo voogung joem ri re" khaid zain: boem. Nyangnu" gi Bed Sheme- Aiyalon yo' Gederod voomoo" joem Sokho- Timna- Gimzo yo' hougmo voozoo: joem ri lhoid seing: yu wigi hougmoo ayang: zhug lho: de: nyid ago".

YEREMIA 47:1

Gaza: ri Egutu gyi azain: shi" uri Philisti yo' sen: wigi Aseing ngoo ri dang: tid da:.

EZEKIEL 35:5

«Nanu" gi Israela da" byeing abyid: da" gyivoo nghoid wigi nya: da" byumyu" yiri nyangnu" da" yooboo joem shid re" lo" thang dang: phyed da" ayo,- nyang: yau: khi" shau" da" ayo, moo said pyam zi shoug" nhang: da:.

YOELA 3:4

Turu- Sidon yo' Philisti mung" byu yi dangain" bang: we"- nanu" gi ngoo ri ce: noem koid wa ein: soin' go" lha". Nanu" gi daja: ja: gungthid- ngoo ri latoo: phug wa ein: soin' go" la". Hougsu" koid wa nghoid rigi nanu" ri we' ngoo wigi myab, myab, latoo: phug loo wa nghoid.

YOELA 3:6

Nanu" gi Yuda yo' Yerusalem mo da" byumyu" yiri nyangnu" da" moug: mo wigi vi: khyoo: myheig shu" lo" lho: Greek byumyu" yiri ung" byid: pyam ago".

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

AMO 1:3

Damasku voo bang: gi pug lho: pug lho: yooboo koid yoomo ngoo Aseing gi gyeing" nyang: yooboo dam byid: loo: wa. Nyangnu" gi Gilead mung" byu yiri akhyi" akhyoid gyi koid shoo" koid nyid boem ago".

AMO 1:7

Houg: yoomo ngoo gi Gaza voogung vang khyam: joem tho' moo myi: ri khyo kaid lho: nya: da" gyikhoug: zung joem ri nghe' phyo' pyam byid: wa.

AMO 1:9

Aseing tid zigi «Turu mung" byu yigi pug lho: pug lho: yooboo ri dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi mung" byu yi dangain" ri Edom mung" khyoo: pyoung" she: lo" ago". Houg: lho: nyangnu" koid to" da" myid veung" thang" cab ri we' acang nghoid ago".

OBEDIA 1:11

Gyivoo joem gi nyangnu" da" voogung khoem" moo" duang: joem ri yhe: baid phyo' pyam da" bidnyid moo nang gi ayam moo bo yab jo, abye:. Yerusalem da" ziyoo jonu" joem ri pyoung" thu lo" lho: hau: ziri nyangnu" kho' gam yu go" lo" da" tungbau byu yi yhang: ti" nang gi areing nghoid da:.

ZEKHARIA 9:5

Hau: ziri Ashkelon voo bang: myang wigi gyoug boem wa. Gaza: mung" bang: myang ri we' nain" nyid boem wa nghoid. Houg: yoomo Ekron voomoo" gi nya: nheig byu jang: ci: phyug pyam' zi shoug" wa nghoid. Gaza: khokham phoo we' joem: loo" wa zi nghoid- Ashkelon voo we' joem: thang loo" wa zi nghoid.

ACTS 8:26

Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

1 SAMUELA 6:17

Philisti byumyu" yigi Aseing ri nyangnu" da" yooboo khyoid jhungshug ein: khyo" sheing: shoo" pu' shoo" cab' soolhoo: ri voogung daloem: moo daloem: loem: khyo" wigi Ashdod- Gaza- Askhelon- Gad yo' Ekron khyoo: nyangnu" foin: kaid boem ago".