AMO 1:3 - Lacid Common Language Bible

³ Damasku voo bang: gi pug lho: pug lho: yooboo koid yoomo ngoo Aseing gi gyeing" nyang: yooboo dam byid: loo: wa. Nyangnu" gi Gilead mung" byu yiri akhyi" akhyoid gyi koid shoo" koid nyid boem ago".

AMO 1:3 교차 참조

1 KHOKHAM 19:17

Hazaela said da" jang" mo loid byoin bang: hang" nghoid loug Yehu wigi said pyam zi shoug" wa. Yehu wigi said da" jang" mo loid byoin bang: hang" nghoid loug Elisha wigi said pyam wa zi nghoid.

2 KHOKHAM 13:3

Houg: yoomo Aseing gi Israela ri nheig yo: da:. Nyang: gi Suri khokham Hazaela yo' nya: yuggi zoo: Benhadad ri Israela adang moo alheing: lheing: oung: pyam nhang: da:.

2 KHOKHAM 13:7

Yehoahaza gi myang: zhung: gyizoo: wim: xi: yug- gyi myang: rheing" daxi: loem:- gyizoo: damoin yug mo lid wigi gyi yoem: gootu: ayoo" nghoid da:. Ciwim gari Suri khokham gi deing da" gu: ri said pyam wigi pheilhoug: ri yhang: ti" houg bang: ri nang: nhe" pyam da:.

2 KHOKHAM 16:9

Tiglad Pilesa gi Ahaza mho' da" khyoo: ri tam" gyo: wigi nya: gyidab yo' dage" to' yhe: lo" lho: Damasku ri yhe: zain: seing: yu pyam da:. Khokham Rezin ri said pyam lho: mung" byu yiri thung: byu yi khyo" Kira khyoo: shu" lo" da:.

2 KHOKHAM 8:12

Hazaela gi «Ludaid phoo we"- nang ciwim yoomo ngau nyid la"» ga: myid: da:. Houg: lang" Elisha gi «Israela byumyu" yi adang moo nang yu" gyoug sho' da" gyi koid ri" wa ziri ngoo si' yoomo nghoid. Nang gi nyangnu" gyidab joem ri myi: nghe'- bue" thang da" nyangnu" zooyam yiri said- nyangnu" da" zoonu" yiri du" said- zoonu" gung lid: da" myiyi: yiri voem: dau: thau" khyam" pyam ri" wa» ga: tid.

YOBA 19:3

Alheing: lheing: nanu" gi ngoo ri aphoug" akhyoid cikoid lho: nanu" wigi ngoo ri anghoid akhuang coem' koid ziri ase' sho' nghoid ago".

YOBA 5:19

Dalheing: thang: dalheing: nyang: gi nang ri dam dab jang" mo khyoid yu wa.

DANG: ZHOEM 6:16

Aseing gi avhoo: angei ziyo' ayo" kham' zeung: khyoo: nyhed ja: bo. Hau: khyoo: joem gi Nghoid boin: da" myonhoo: aved Mhau' fain" da" yhoo:- yooboo adab, su: ri said pyam da" lo, Akhyeung" da" khyoo: ri myid soin" yu" nyid da" nheigloem:- Ashoeb da" moo" zei: wa ga: hain: nyid da" khyid:- mhau, fain' dang: dakhoin" thang: moo: dakhoin" tid lho: sagse: kham nyid su: yo' Zoem" khau: byencang" yi da" agyoo: moo yau: khe" kyi" khyeug joem ri lhu: pau: thu' nyid su: nghoid.

PHAJHI" DANG: 11:2

Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

ESAIA 28:27

Pajhi" shi" yo' sheingnham" shi" ri baid yu wa shid re" nyang: gi khanham we thung" keing: lid: zi aci: nghoid da:. Hau: gungthid nyang: gi du ge" da" voosi" soem" ziri ci: da:.

ESAIA 41:15

Ngoo gi nang ri aseig nghoid wigi tho' da" gug baid lakya: yhang: ti" koid wa. Nang gi boem joem ri kyo' lho: phyo' shoin' pyam wa. Boug gung joem gi pheilhoug: bui" sho' moin" byug wa.

ESAIA 7:16

Hau: ayo, aju" shi" rilang" gi nanu" ri kyug nhain' nyid boem da" hau: khokham eig yug da" mungdain: gi jham" coug: youg bue" byug wa.

ESAIA 7:8

Ciwim gari Suri gi nya: voomoo" zeing Damasku tho' yoem: aje boo. Damasku gi khokham Rezin tho' yoem: aje boo yoomo nghoid da:. Israela koem' gi byumyu" mungdain: daloem: khyo" nyid deing jo, wa bang: gi khyug xe: wim: zain: gyoo: moo gyoeb, mhoin' pyam' zi shoug" wa.

ESAIA 8:4

Hau: yuggi nu" ‹Nga" yhed› ‹Nga" ba"› ga: ase' tid shi" ri Damasku mo jonu" dangain" yo' Samari mo jonu" dangain" gi Asuri khokham wigi de" phang: lo" zi shoug" goo" wa ga: ngoo ri tid da:.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".

AMO 1:6

Aseing tid zigi «Gaza voobyu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi byumyu" damyu" goin" ziri shu" thu yu lho: Edom mung" byu yi jhang join khyo" ung" byid: pyam boem ago".

AMO 1:9

Aseing tid zigi «Turu mung" byu yigi pug lho: pug lho: yooboo ri dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi mung" byu yi dangain" ri Edom mung" khyoo: pyoung" she: lo" ago". Houg: lho: nyangnu" koid to" da" myid veung" thang" cab ri we' acang nghoid ago".

AMO 2:1

Aseing tid zigi «Moba byumyu" yigi pug lho: pug lho: yooboo koid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi Edom khokham da" shooyoug: ri myiyab bui" sho' nghe' lho: aphoug" akhyoid koid pyam abye: go".

AMO 2:4

Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

AMO 2:6

Aseing tid zigi «Israela bang: gi pug lho: pug lho: yooboo ri dakoid nyid boem shi" yoomo ngoo gi nyangnu" ri gyeung" gyeung" nyang: yooboo dam byid: wa. Nyangnu" gi jhen: ayo" xab da" deingmain" mo, yo' khyid: baid dazoem" phoug" lang" ayo" xab da" myung mo, ri join khyo" ung" zo: pyam boem.

ZEKHARIA 9:1

He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.

ZEKHARIA 9:2

Hadrag yo' mougkyoo" xo' go" to" da" Hamad voo we' nya: shid re" nghoid. Turu yo' Sidon voomoo" moo nyid da" cang: joeb phajhi" si' mo, dangain" ri we' seung: nyid da:.