ACTS 9:6 - Lacid Common Language Bible

⁶ Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

ACTS 9:6 교차 참조

COUNG" NGHEI 25:12

Aseing ri gyoug: phau" nyid mo, gi nyangnu" soo" eung: da" khyoo: ri nya: jang" moo jhau" yu boem wa nghoid.

COUNG" NGHEI 94:12

Aseing we" nang khyoo" shed ziyo' nang jhau" byid: tarha" khyoo: moo cang loo" su: gi khayhi' ngilho' nyid la.

ESAIA 57:18

«Nyangnu" khasu" koid lo ziri ngoo myang bye:. Nghoid loug we' nyangnu" ri ngoo byang" gi byid: wa. Nyangnu" ri ngoo shu" wigi pang" thoug byid: wa. Koug ngau nyid bang: ri ngoo nheig teing byid: wa.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

EZEKIEL 2:1

Hau: zigi «Shid: se' da" byu we"- to' yab we'. Ngoo nang ri dang: tid nau» ga: tid.

EZEKIEL 3:22

Ngoo gi yoem: so' gyi: da" Aseing shidkhoin" mo ju" nyid zi se' gyo: lho: nyang: ngoo ri tid ziri shau" gyo:. Hau: zigi «To' wigi janggyoin: khyoo: yhe: loo" we' ngoo hougmoo: nang ri dang: ji wa» ga: tid.

HABAKU 3:16

He: khyoo: dangain" ri ngoo shau" gyo: lho: ngoo gi gyoug nain" nyid. Nga" nhoid yid we' gyoug wigi nain" nyid bye:. Nga" gung du: gi ayo" dei loeb loo: nga" khyid: we' khyid: vhu" thung" bye:. Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re" ngoo gi sam: zoo: lang" nyid wa nghoid.

MATHE 19:30

Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.

LUKA 3:10

Byu phung: moo" dangain" gi houg: su" nghoid lang" ngoonu" gi khasu" koid: wa lha" ga: myed: boem.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 10:32

Houg: yoomoo Yopa voogung khyoo: byu nhang: kaid' lho: wigi Simun Petru ga: su: ri khi: nhang: kaid' we'. Nyang: gi panglai gyid yam, mo shooyid' moo" zei: da- Simun ga: su: yhoem: moo being" do, nyid da- ga: ngoori tid.

ACTS 10:6

Nyang: gi panglai gyid yam, mo shoo" yid' moo" zei: su: Simun ga: su: yhoem: moo theung: nyid da» ga: tid.

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

ACTS 22:10

Houg: lang" ngoo gi Aseing: we" - ngoo khasu" koid' loo: wa lha". ein: myed: kaid' lang" Aseing: gi to" lho: Damasku voo, khoug: khyoo: vang yhe: loo" we' nang koid wa shid re" Mangsoo nyheung to" da" moozoo" dangain" ri hau: voo, moo nang tid kyoo" wa nghoid- ga: tid.

ACTS 26:16

Nghoid loug we' to' lho: so" yhe: loo" we' nang ri nga" dei, zoo: khyo" nyheung too" wa shid re" nga" gung nang ri toin" shid' bye. Akhid" nyid" ngoo nang ri ce: noem toin" shid' bye: da" khyoo: yo' Thang: phyang" ngoo nang ri toin" shid' shi" wa khyoo: ri Nang gi subi" gooji yi ri sagsi: kham, byid: ca" wa zi nghoid da.

ACTS 9:5

" Sholu gi Aseing: we' nang hang" nghoid lha"» ga: myed: - hau: thui: gi Ngoo gi nang shen" yhen nyid su- Yesu nghoid ga: tid.

Roma 10:20

Mangsoo gi Esaia khyo" tid to" zigi ngoori; ashoo; mo, gi shau" nyang beom- nga" da khyoo: ri amyid aphoid: sho: mo, gi ngoori shau" myang boem. ga wigi gyeing" nyang: tid to.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

Roma 7:9

Ngoo gi Moshe da" tarha" ri dajhi' we' asi' loo: nyid lid: lo yu" bye. Nghoidloug we' toung: to" da tarha" ri se' lo da" zi yo" dage" yooboo jo lo lho:

PHILIPI 2:12

Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.

YAKU 4:6

Nghoid loug we' ngoonu" gi Mangsoo byid: to" da" jeju" azeing ri je" wigi yoem: moo" bo nyid boem. Mangsoo gi nghoid boin: nyid mo, ri lang: khyo, pyam lho: nyhoem: khyo, nyid mo, ri jeju" byid: nyid ga: jhoem: mungdang: moo bo nyid ziyo' dakhyoo" ti" nghoid.

1 SAMUELA 16:3

«Xoin" to' wa shid re" Yese ri we' shu" we' nang khasu" koid wa ziri ngoo tid kyoo" wa zi nghoid. Ngoo nang ri tid yug ri khokham aya tang: byid: wa shid re" mainkaid xu: foid shoin" byid: ca" wa zi nghoid» ga: tid kyo".

1 SAMUELA 28:5

Sholu gi Philisti gyiphung: ri myang lang gye: gyoug nyid wigi