ACTS 9:2 - Lacid Common Language Bible

² Aseing: da" khyoo: ri phau" cang nyid mo Yuggi myiyi: yi ri myang lang" nyangnu" ri myheug yu lho: wigi Yerusalem voomoo" khyoo: shu" tau" loo" wa shid mo khainjung pho, jang" mo Damasku voo moo jo, da- tarha" jung yi jhang being" si' byid: da" akhang" mougsoug" ri yhe: mho' ci: da.

ACTS 9:2 교차 참조

APOEM AYANG: 14:15

Houg moo: nyang: gi nya: byu yiri byu phung: kho' lho: gyivoo yiri damyen goin" zain: lho: nyangnu" ri oung: pyam. Nyang: gi nyangnu" ri Damasku da" mougzhung: shoid mo Hoba voo moo ju" sho' cang khaid lho:

ESAIA 17:1

Aseing gi «Damasku gi voogung anghoid byug loo wa. Hau: zigi byo, gyoeb boem jo, wa.

YEREMIA 49:23

He: zigi Damasku yo' sen: wigi Aseing tid to" zi nghoid da:. Hau: zigi «Nyangnu" gi age da" lu dang: joem shau" gyo: boem bye: yoomo Hamad voomoo" yo' Arpad voomoo" joem gi myid ci' lho: yau: khi" shoug" nyid ago". Myid ci' khyoo: gi panglai: yhang: ti" nyangnu" dang moo deing: nhe' lo wigi nyangnu" doug ashau" noo: nghoid da:.

MATHE 10:17

Byu yi ri lhid' ge'. khasu" wim gari tarha" agyi yi da" lo, moo ab pyam' boem wigi nyangnu" da" tarha" jung moo nanu" ri shen" yhen: baid said' koid: boem wa.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

ACTS 18:25

Nyang: gi Aseing: khyoo: ri jhau" yu ca" nyid su: nghoid yoomo Yesu da" khyoo: yo' sen: lho: wigi akhyoo" joo joo kang: lung bu tung"- jhoug" byid: su: nghoid. Nghoid loug we' nyang: gi Yohan da" Babtisma khyoo: ri za: si' su: nghoid,

ACTS 19:23

Hau: ayo, moo Aseing: yesu gang mo Ephesu voogung moo yau: khe" khyoo: azeing bue" thu' loo bye.

ACTS 19:9

Nghoid loug we' nyangnu" mo dayham" bang: gi nheigloem: thain: nyid boem yoomo aloem" jeung" boem nghoid ago". Houg: yoomo nyangnu" gi mung" byu dangain" bang: da" shid' khoin" moo Aseing: da" khyoo: ri age khyo" tid phue: pyam' byid: boem ago". Houg: yoomo polu gi loem" jeing" bang: shu" lho: nyangnu" mo zheung: thu' lo" wigi Turanu ga: su: da" phajhi" jung moo nyid" khang" moo" mungdang: ri tid go" koin, da" zoeb, phung ri koid nyid boem ago".

ACTS 24:14

Shoid ga: nyangnu" tid da" houg: khyoo: ein: da" phung: loem khau: da" khyoo: moo cang yhe: khyo" wigi-Ngoo gi nyangnu" phoug" phyid" yi da" Mangsoo ri noku nyid ein: - he: khyoo: rigi re" shid' khoin" moo ngoo yhen: yu bye. Nghoid loug we' ngoo gi Moshe tarha" yo' lapi: yi da" mougsoug" joem moo lhid" to" khyoo: dangain" ri loem, khau: cang pyeung nyid.

ACTS 24:22

Hau: thang: ri philid' gi hau: khyoo: ein: da" phung: da" khyoo: yo' sen: wigi nyeing" za: se' too" su: nghoid yoomo myed: ca: yu" da" khyoo: ri theung: pyam' bye. Houg: lang" nyang: gi gyizoug: moo" Lusi ju" loo lang" Ngoo nanu" moo" ri dang: phyed' byid: wa ga: nyangnu" ri tid.

ACTS 26:10

Ngoo gi Yerusalem voomoo" moo houg: su" nyang: koid lid loo bye- Ngoo gi khainjung agyi moo" yi jang" mo amyeing" ri mho' ci: lho: - Mangso byu yi myoo" sho' ri thung: tei" lhoung wigi nyangnu" ri said' pyam' wa jang" moo we' myed veung" da" lo. bo tu: lo yu" bye.

ACTS 26:12

Houg: su" koid wa shid re" ngoo gi khainjung agyi moo" yi jang" mo amyeing" ri mho' ci: lho: wigi Damasku voogung khyoo: do, loo" bye.

ACTS 6:9

Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem.

ACTS 7:19

Hau: da" khokham" phoo gi ngoonu" da" phoug" phyid" yi ri phajhi" khyau" lho: wigi nyangnu" ri shen" yhen nyid. Nyang: nu" da" zoonu" yi ri shid: loo" wa shid mo yhoem: tung: goung shoid khyoo: ayoid ayu" yhe: she: pyam' too" nhang.

ACTS 9:14

Hau: tho' moo agoo" -Nang ri coung" nghei bang: dangain" ri we' myheug yu wa shid re" khainjung agyi moo" yi jang" mo amyeing" mougsoug" ri mho' voin, lho: wigi he: Damasku voogung moo ju" ri su: nghoid- ga: tid.

ACTS 9:21

Nya: dang: ri shaug" gyoo: mo, dangain" bang: gi gyo: mau" byug boem wigi byu he: yug gi Yerusalem voomoo" moo Yesu ga: su: ri Noku coung" nghei mo, ri lhoung said' pyam' nyid su: nghoid - anghoid goo" la"» ga: myed go" nyid boem.

2~KORINTHU 11:32

Damasku voogung moo ngoo nyid a uri Khokham" areta da" vhoo: mo mung" zoug: phoo gi ngoori myheung yu wa shid re" vogung khoem" duang: joem moo goem leom ri zung" nhang: to".

GALATI 1:17

Hau: tho' moo gootu: nga" shid' moo lagyoo: nghoid nyid mo, yo' yhe: shau" goo" wa shid mo, ngoo Yerusalem khyoo: ado, loo" loo: za: Arabi mung" khyoo: dalheing: dam yhe: lo" lho: Damasku voo moo doem, lo.