ACTS 8:9 - Lacid Common Language Bible

⁹ Hau: voogung mo Simun ga: su: dayug gi nyang: fa" da" phajhi" khyo" -Samari byu yi ri moug" nhang: nyid.

ACTS 8:9 교차 참조

THU' LO" MOUGSOUG" 7:11

Houg: lang" khokham gi nya: phajhi" boo mo, yo' fa" mo, ri khe: wigi nyangnu" we' nyangnu" da" fa" phajhi" yo' du go" ziri koid bye:.

THU' LO" MOUGSOUG" 7:22

Hau: thang:- khokham da" fa" mo, we' nyangnu" fa" phajhi" yo' hougsu" nyang: koid ago". Khokham we' shid phyang" yo' dakhyo" nheigloem: thain: nyid. Aseing tid ziyo' dakhyoo" ti" khokham phoo gi Moshe yo' Arun da" dang: ri ngeug pyam da:.

THU' LO" MOUGSOUG" 9:11

Fa" mo, we' gootu: Egutu byu yi yhang: ti" byeung myug yoomo Moshe shidkhoin" moo ayo" thu shug nghoid ago".

XOIN" NGEI" 20:6

«Shid: bye: bang: da" soobyoo yo' dang: tid goo" bang: jang" khyoo: phajhi" mho' wa shid re" dayug yug yhe: nghoid rigi ngoo nyang: ri thougtheung wigi nga" byumyu" dayug khyo" myid soin: loo: wa zi anghoid.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

ACTS 13:6

Nya: eig yug gi gu gyoo: kang: khyo" gu: lid lo" wigi Paphu voo gung moo ju" yhe: lo" ago". Hau: voogung moo Yuda byu lapi: pyeug nghoid lho: wigi goem, phain" phain" zo: nyid su- Bara: Yesu ga: da" byu dayug ri shau" myang.

ACTS 13:8

Nghoid loug we' Grid" myeing" khyo" - Eluma ga: da" goem, phain" phoo gi Yesu khyoo: ri mung" zoug: phoo alhoem: vhoo: wa shid re" Barnaba yo' sholu eig yug ri lhoem: ngeug toem, pyam.

ACTS 5:36

Khasu" wim la"» ga: ri shid' phyang" we' a toung" myang" shi" ri Thuda ga: su: gi nya: gung ri vhu" jhung: dayug nghoid ga: tid lho: wigi. thu' lo" da" uri Byu myed: shoo: koo: nya: thang: moo cang lo" boem ago- Nghoid loug we' nyang: ri said' pyam' thang: rigi nya: thang: cang mo, gi dayug dagang khyoo: byo, sain" lo" byug boem wigi nya: moozoo" we' bei: lo" byug bye.

ACTS 8:11

Nyang: gi nyang: fa" da" phajhi" khyo" nyangnu" ri, moug" nhang: ziri myang bye: yoomo nyangnu" gi houg: su" nyang: ri zhug zhug za: tam" gyo: boem zi nghoid.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

2 TIMOTHI 3:2

Byu yi gi nyang: nya: da" akyu" ri za: shoo: mo, myo, no, vhoo: boo mo, nghoid thui: gyoo: mo, nheigloem: myhang: phau: khuang mo, za: bue" loo wa. Nyang: nu" gi juang" yi gei sang: yen" mo, myhi, phoo ri thougtheung mo, - jeju" ase' boin: mo, noku loem, khoug: khyoo: ci: aboo mo, bue" lo boem wa nghoid.

2 TIMOTHI 3:5

Nyang: nu" gi yha" da" noku thung ri ri atho' dapyam: za: bo cang mhau' boem lho: wigi hau: noku thung" mo, phung" yoeb, rigi ngeug pyam mo, nghoid nyid boem ago". Houg: yhang: te" byu yi ri we' jang" pyam' nyid we'.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".