ACTS 8:26 - Lacid Common Language Bible

²⁶ Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

ACTS 8:26 교차 참조

APOEM AYANG: 10:19

Khanan mougkyoo" gi Sidon mo mougpyi: shoid Gerara voo Gaza nam moo ju" sho' we' bidthu shoid Sodom- Gomora- Adma yo' Zeboim voo Lasha nam moo ju" sho' we' ju" loo" bye:.

2 KHOKHAM 1:3

Nghoid loug we' Aseing da" moug: lagyoo: gi Tishbe mo Lapi: Elia ri khokham Ahazia da" lagyoo: yi yo' yhe: shoug" nhang: wigi nyangnu" ri «Ekron yu phara" Balazebu ri dang: myid: wa shid re" nanu" ciwim yhi: go" la". Israela mung" moo yu phara" anyid ein: nanu" myid jhoo: yoomo nghoid go" rhe".

1 KHOKHAM MHOOMYID: 22:16

Akhid" moo" zoo" ri koid shid" loo" re, Aseing gi nang yo' dage" nghoid baja".

ZEKHARIA 9:5

Hau: ziri Ashkelon voo bang: myang wigi gyoug boem wa. Gaza: mung" bang: myang ri we' nain" nyid boem wa nghoid. Houg: yoomo Ekron voomoo" gi nya: nheig byu jang: ci: phyug pyam' zi shoug" wa nghoid. Gaza: khokham phoo we' joem: loo" wa zi nghoid- Ashkelon voo we' joem: thang loo" wa zi nghoid.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 10:7

Hau: moug: lagyoo: lo" byug thang: ri koneli gi nya: yhoem: mo dei zoo: eig yug yo' Mangso khyoo: ri kang: lung bu nyid da- Nya: gung jung" gyizoo: dayug ri khe: yu lho:

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

ACTS 8:5

Philib, gi Samari mung" mo voomoo" khyoo: yhe: lho: hau: voobyu yi ri Meshia yo' sen: da" khyoo: ri yhe: kho" kyoo" bye.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

YOSHU 13:3

Mougpyi: shoid Avim mougmyid dangain" (Egutu mung" mougkyoo" Shihora gyid zoo: lang mo zi mougzhung: shoid Ekron mougkyoo" ju sho' gi Khanan byumyu" yi da" mung" ga: myid to" boem da:. Gaza- Ashdod- Ashkelon- Gad- Ekron moo: nyid boem da" Philisti khokham yi bo bo ago".)

YOSHU 15:47

Egutu mung" mougkyoo" gyid lang zoo: yo' Meing: gung panglai: gyid yam cang sho' ju" da" Ashdod yo' Gaza voomoo" yo' hau: eig voo da" voogung joem yo' voozoo: joem bo da:.