ACTS 8:23 - Lacid Common Language Bible

²³ khasu" wim gari nang gi myid noug: myid khyoid' zi xoo: sho' byeung" sho' yo' yoobo wigi tei" joeb, to" da" byu dayug nghoid ziri ngoo yo" yu" myang bye" - ga: tid.

ACTS 8:23 교차 참조

YOBA 20:14

Nghoid loug we' hau: zoo: noem gi nyangnu" voem: doug: khoug: moo kho" byug da:. myoono, yhang: ti" kho" byug da:.

COUNG" NGHEI 116:16

Aseing we"- ngoo gi re" da" deizoo: phoo nghoid- nga" myhi' zei: lho: doo" zho" yhang: ti" ngoo nang ri dei byid: wa nghoid. Nang gi ngoo ri shid: lo" jang" mo khyoid yu bye:.

DANG: ZHOEM 5:22

Akhyeing" ashoeb, su: da" yooboo joem gi lhid nghoid nyid. Nyangnu" gi nyangnu" da" yooboo goin' khoug: moo: myi" jo, abye: go.

ESAIA 28:22

Nanu" ri ngoo tid poin" byid: nyid ziri ayi juang" pyam goo". Nanu" hougsu" koid boem nghoid rigi nanu" phang: loid wa je wigi yau: loo wa. Myhang: thang Aseing gi mungdain: goin" ri phyo' shoin' pyam wa myid phyed da" khyoo: ri ngoo shau" gyo: too" bye:.

ESAIA 58:6

«Ngoo vho: da" zoo: shug jang" khyoo: gi hid: su" nghoid. Doin: zeig too" shau" bang: da" jangcoo" joem ri yo' tarha" adeingmain" da" kyoug: ri khyoid pyam' byid: wigi doin: zeig too" shau" bang: ri pyoin' kaid khyoo:.

YEREMIA 4:18

Yuda we" nang gi nanyang: nyid da" avoid yo' nang koid da" moo" joem khyo" wigi he: ziri nanya: gung moo tu: voin yu abye:. Re" da" yooboo gi he: yau: khi" ri bui" nhang: bye:. Hau: zigi nang ri nheigloem: moo thau" kyang nhang: bye:.

YEREMIA 9:15

Houg: yoomo ngoo myhang: thang Aseing- Israela da" Mangsoo koid wa ziri tam" gyoo: ge'.- Ngoo gi nga" byumyu" yiri kho" da" shivoo gam byid: zho" lho: myoono, byid: jhug wa.

NGOUG JI: 3:19

Ngoo gi dam no ziyo' nyid wa yhoem: ayo" ziri myid boin: zigi nga" shid mo kyid: kyid: kho" da" dug nghoid nyid.

NGOUG JI: 3:5

Nyang: gi ngoo ri nheigloem: amyen, akhyoid wim nhang: ziyo' dayam dayoo: kham' zoo: ca" da" thung: yhoem: moo myhid" lhung to" da:.

YOHAN 8:34

Aseing Yesu nyangnu" ri tid zigi Deing" deing nanu" ri ngoo tid ba- Yooboo shoid vhang: mo, dangain" gi yooboo da" join, nghoid.

Ephesu 4:31

Houg: yoomo nheigloem: moo no khyoo: nheig khoo" yo: khyoo: nyho: yoid phau: nheung" ziyo' aphoug" akhyoid koid zi anoug angei da" nheigloem: aja: ja: yo' houg: yo' du go" da" khyoo: joem dangain" ziri shoem" shoung: pyam ge'.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

2PETRU 2:19

Nyangnu" gi nyangnu" nyang byo yoin" lo" da" aved' asam: yi da" join zheung nghoid wigi gootu: byu yi ri lhoid' pyoin' kaid wa dang: soo" byid: boem ago". Khasu" wim ga: ri nyang nyang ri-ung: sho' vhoeb, khang" pyam da" ziyoo join yi: nghoid nyid.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.