ACTS 8:21 - Lacid Common Language Bible

²¹ Re" da" nheigloem: gi Mangso shid khoin" moo adain: yoomo ngoonu" da" moozoo" moo ayo" bo zei: nghoid da.

ACTS 8:21 교차 참조

2 KHOKHAM MHOOMYID: 25:2

Nyang: gi Aseing ri ngei nhang: da" moo" koid da:. Nghoid loug we' hau: ziri anoug akhyoid koid da:.

NEHEMIA 2:20

Ngoo gi «Mougkhung: mo Mangsoo gi ngoonu" ri oung: doid khyoo: byid: wa. Ngoonu" gi nya: da" dei zoo: yi nghoid. Ngoonu" gi yhoem: zhug shid" lo" nyid bye:. Nghoid loug we' nanu" yo' Yerusalem mo jonu" ce: daloem: yo' we' abo soin: nghoid ago". Houg: lho: nanu" gi houg mo thung" ri: daja: ri we' abo yo" seing: goo" wa» ein: tid bye:.

COUNG" NGHEI 36:1

Yooboo gi akhyeing" su: da" no, thang nheigloem: khoug: moo dang: tid nyid. Nyang: gi Mangsoo ri ngeug pyam wigi nyang: moo: Mangsoo ri: phau" gyoug khyoo: ci: we' aboo.

EZEKIEL 14:3

Nyang: tid zigi «Shid: se' da" byu we"- he: byu yigi nyangnu" da" nheigloem: ri yu phara" soolhoo: joem khyoo: byid: pyam lho: soolhoo: joem wigi nyangnu" ri yooboo thoem" khyoo: shu" she: loo" nhang: da:. Ngo wigi dang: phuid: joem byid: abe» ga: nyangnu" myid jho: boem lha".

XOIN" NGEI" 13:8

Khainjung phoo gi nyang: ri doem joeb ca: yu" wigi dam joid je: re" nghoid rigi khainjung phoo gi nyang: ri ayung" alho' ein: tid pyo: kaid wa zi nghoid. He: zigi manggam nghoid.

HABAKU 2:4

Hau: mungdang: gi he: zi nghoid ‹Akhyeing" ashoeb mo, gi nyid deing loo wa zi anghoid. Nghoid loug we' deing byeung" mo, gi Mangsoo moo loem khau: nheigloem: zung" nyid boem yoomo kangso' dei nyid boem wa zi nghoid›».

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

ACTS 8:37

Philib, gi nyang: ri nang gi re" da" nheigloem: ung: khoug: dangain"- Yesu khristu ri loem" jeing" bye: la". loem" jeing" bye: nghoid rigi nang babtisma ge, kham: yu bye- Houg: lang" hau: zoug: phoo gi Yesu Khristu gi Mangso nya: zoo nghoid ziri ngoo loem" jeing" bye" ga: tid. (Loem, ge" da" Grid" jhoem: mougsoug" " xoug" dayham" moo he: da" axeing zoo: gi aboo.)

Ephesu 5:5

aco' ajhoid da" nheigloem: boo su- sho' ase' ziyo' phoug" shoid, yen" su- vhoo: boo: loug gyi: su- hang" nghoid loug we' Khristu yo' Mangso da" mungdain mo agyid aso: gam, boem" ri khanham we' yo" kham: yu boem wa anghoid ziri nanu" se' too" ge'- Khasu" wim gari vhoo: boo myo, no' loug gyi: da" khyoo: gi soolhoo: no" da" khyoo: daja: nghoid.

TARHA" TID POIN" 10:9

Houg: yoomo gootu: byumyu" kung: yi yo' dakhyo" Levi byumyu" kung: yi gi mougmyid ayo" seing: yu da" khyoo: nghoid. Nanu" Aseing Mangsoo dangsoo" byid: to" ziyo' dakhyo" nyangnu" gi Aseing da" khainjung aya: ri goo" ki" lid yo" kham yu boem ago".)

TARHA" TID POIN" 12:12

Nanu" nya: zooshang: yi yo' nanu" da" dei zoo: yi yo' nanu" voogung moo nyid boem da" Levi byumyu" yi yo' dage" nya: shidkhoin" moo ngei bu: ge'. Levi byu yigi nyangnu" seing: da" mougmyid ajo, ein: ziri boin: nyid ge'.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

YOSHU 22:25

Aseing gi ngoonu" yo' nanu" Ruben- Gad byumyu" yi agyoo: moo: Yodan gyid lang ri mougkyoo" koid too" bye:. Aseing yo' nanu" ciwe' asen: nghoid da› ga: wa. Houg: lho: nanu" amyed ashen yigi ngoonu" da" amyed ashen yiri Aseing ri noku jang" mo yo" toem" pyam goo" wa nghoid.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

Pang Shug 20:6

Xang: shed" doem dei to'' lo phung: moo yo" boo su: gi ngi: lhoo' su:- gau, yi zi shau" su: nghoid- eig lheing: shid: da" khyoo: gi nyangnu" ri ayo" vhoeb, khang" loo. Nyangnu" gi Mangso da" khainjung yi yo' Khristu da" khainjung yi nghoid boem wa nghoid wigi hau' zain nyid dakhyeing" Khristu yo' dage" yo" vhoeb, khang" nyid boem wa zi nghoid.

Pang Shug 22:19

He: mougsoug" moo bo da" lapi: dang: daja: ja: ri yu she: pyam' su: hang" ri nghoid loug we' he: mougsoug" moo lhid" to" da" kangso' shi" gam, mo shi" ri zoo: wa ziyo' gyeungshang: da" voogung mo yo" vang yu zoo: wa nya: da" agyid asoo: ri Mangso yu she: pyam byid: loo wa zi nghoid.