ACTS 8:14 - Lacid Common Language Bible

¹⁴ Yerusalem moo nyid da" lagyoo: yi gi Samari byu yi Mangso mungdang: ri lhoem: kham: yu bye: ga- da" thui: ri shaug" gyoo: lang" Nyang: nu" gi Petru yo' Yohan eig yug ri nyang: jhang khyoo: zheung: nhang: kaid ago".

ACTS 8:14 교차 참조

1 KHOKHAM 13:32

Bethela voogung moo jo, da" phoin: ri we' Samari mung" voogung joem mo noku joyoo joem dangain" ri we' thougtheung wa ga: nyang: tid da" Aseing amyeing" dang: mungdang: gi gyeing" nyang: bui" loo wa» ga: tid.

MATHE 13:23

Myidjang: gi moo sain" khyo da" myoug: shi" gi mungdang: tarha" ri shau" gyo: lho: hau: ziri se' gyoo: su: yo" du nyid. Nyangnu" mo dayham" gi azhang dashoo:- dayham" gi azhang khyug xi:- dayham" gi azhang soem" xi:- myo: je lo da" ashi" ri yo" zei:» ga: tid.

LUKA 22:8

Yesu gi Peteru yo" Yohan eig yug ri ngoonu" zo: wa shid' re" lhid: kaid myen" xoin: ri lo" nyheing lang" ge' ga: nhang: kaid.

YOHAN 12:48

Ngoori alhoem yu lho: nga" mungdang: akham: yu su: ri dang: phyed' wa dayug nyid. Houg: nga" Mungdang: wigi nyang:- hau: yug ri lo" thang da" bidnyid moo Tarha" agyi khyo" dang: phyed' wa zi nghoid.

ACTS 11:1

Tungbau byumyu" yi we' Mangso mungdang: ri kham: yu boem bye. ga: da" khyoo: ri lagyoo: yi yo' Yuda meing: goin" jang" moo nyid da" loem" jeing" mo, gi shau" gyo: lo" boem bye.

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

1THESALONI 3:2

Khristu da" ngei bu: lu dang: kho" kyo" jang" moo ngoonu" dage" za: moozoo" ri voin, vu, nyid da" ngoonu" da" mang nhung" phoo Timothi ri nhang: kaid' boem bye.

2 THESALONI 2:10

Hau: tho' moo gootu: byo, yoin" shau" bang: da" atho' moo akhyeing" ashoeb, khyo: mhau' fain" vo da" khyoo: aja: ja: koid wa zi nghoid- nyangnu" gi khyoid yu shau" wa shid re" hau; deingmain" da" khyoo; ri alhoem: yu ziyo' avhoo: angei, boem yoomo nyangnu" nyang: byo, yoin" shid: joem: lo" boem wa zi nghoid.