ACTS 8:1 - Lacid Common Language Bible

¹ Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

ACTS 8:1 교차 참조

NEHEMIA 6:3

Ngoo gi nya: eig yug jhang lagyoo: nhang: kaid wigi nyangnu" ri «Ngoo gi yhouggyen: da" moo" zei: nyid yoomo houg khyoo: ngoo ayo" gyoo" yhi:. Re" eig yug ri re" shoug" wa shid re" za: wigi moo" ri ayo" theing: too" nhang: wa» ein: pyeung: kaid bye:.

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

DANIELA 6:23

Khokham phoo gi gye" gau wigi Daniela ri thung: yhoem: khoug: mo lang: she: thu yu wa amyeing" byid: kaid da:. Houg: yoomo nyang: ri lang: she: thu yu ri nyang: gi Mangsoo ri loem khau: yoomo nyang: moo ce: dam dajhi' we' adab ziri shau" myang ago".

MATHE 22:6

Deung nyid mo, gi khokham" da" dei zoo: yi ri lhoem: myheig yu nyangnu" ri baid lho: said pyam boem ago".

MATHE 23:34

Houg: su" nghoid yoomo nanu" ri ngoo tid nau da" zigi nanu" da" jhang khyoo lapi: yi phajhi" boo mo, Tarha" sara: yi ngoo nhang: kaid wa. Nanu" gi houg: bang: dayham" gi lhoem: said pyam lho: dayham" rigi pyang" zeing moo jen" lhang" to" boem wa. Dayham" ri gi tarha" jung khoug: moo baid lho: dayham" rigi davoo mo davoo khyoo cang khaid lo" boem wa.

MATHE 5:13

«Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 13:1

Antioki voo, mo da" phung khoug: moo lapi: yi dayham" yo' sara: yi dayham" bang: bo ago". Houg: bang: gi Barnaba da" mang: no' ga: da- Simun- Kureni byu Luki- mung" zoug: phoo Herod yo' dage" nyid gyi: lo da- Mana en yo' sholu nghoid ago".

ACTS 13:36

David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

ACTS 22:20

Hougsu" wigi re" da" Re" da" sagsi: phoo Stephain ri said' da" uri we' ngoo nyang: we' houg: moo nyid lho: bo myid veing" ziyo' - nyang: ri said' bang: da" byimi joem ri bo zung" byed bye: ein: phoug tu" kaid.

ACTS 26:10

Ngoo gi Yerusalem voomoo" moo houg: su" nyang: koid lid loo bye- Ngoo gi khainjung agyi moo" yi jang" mo amyeing" ri mho' ci: lho: - Mangso byu yi myoo" sho' ri thung: tei" lhoung wigi nyangnu" ri said' pyam' wa jang" moo we' myed veung" da" lo. bo tu: lo yu" bye.

ACTS 5:18

Houg: yoomo nyangnu" gi lagyoo: yi ri zheung: myheug yu lho: thung: khoug: moo lhoung to" abye: go.

ACTS 5:20

Nanu" yhe: ge' -noku yhoem: moo yhe: yab, jo, lho-he: kangso' dei khyoo: dangain" ri mung" byu yi ri tid kyoo" ge" ga: nyangnu" ri tid kaid da.

ACTS 5:33

Tarha" yab, do' phung: mo, gi he: dang: ri shaug" gyoo: lang" gi nheig gye" gyo: yo: boem wigi nyangnu" gi lagyoo: yi ri said pyam' myau" boem abye: go.

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

ACTS 7:38

Nyang: gi dain" pyoid yoo moo Israela byumyu" yi yo' dage- shoin" nyid lho: houg: moo ngoonu" phoug" phyid" yi yo' dage" Sina boem tho' moo nang yo' dang: tid go" da" moug: lagyoo: yo' dage" nyid loo su: nyang: nghoid bye. Ngoonu" ri lhid" kaid' da" kangso' dei nyid da" Mangso jang" mo mungdang: we' yo" kham: yu su: nghoid.

ACTS 7:54

Yuda tarha" yab, do' phung: mo bang: gi hau: da" dang: ri shaug" gyoo: lang" nyangnu" da" nheigloem: gi phoid' phoid' ga: zhu: ri" sho' nheig gyo: yo: boem wigi Stephain ei: zei, yang: ngaid' ci: sho' nheig yo: nyid abye: go.

ACTS 7:58

Hau: lho: nyang: ri vooyam, shoid khyoo: zheung: doin: goin' thu' lo" wigi lug go' yo' du" ago". Sagsi: yi gi nyangnu" da" adang byisheing: joem ri sholu ga: da" zoolu: pho, khyid: yang: moo khyoid' boem, to" lho: zung" nhang: ago".

ACTS 8:14

Yerusalem moo nyid da" lagyoo: yi gi Samari byu yi Mangso mungdang: ri lhoem: kham: yu bye: ga- da" thui: ri shaug" gyoo: lang" Nyang: nu" gi Petru yo' Yohan eig yug ri nyang: jhang khyoo: zheung: nhang: kaid ago".

ACTS 8:2

Loem" jeung" nheigloem: kang: lung bu nyid bang: gi Stephain ri yhe: myhoeb, shoung: pyam boem lho: nyang: yoomo gye" koug shu: ngau, nyid boem ago".

ACTS 8:4

Joyoo loem: khang" moo khyoo: byo, sain" loo" mo, gi ju" lo" da" joyoo loem: khang" moo" moo Mungdang: ri cang kho" kyo" boem ago".

ACTS 8:5

Philib, gi Samari mung" mo voomoo" khyoo: yhe: lho: hau: voobyu yi ri Meshia yo' sen: da" khyoo: ri yhe: kho" kyoo" bye.

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

Roma 1:32

Hid: yhang: te" mo gi shid: moin: nyid ga: - Mangso: mungdang: moo tid to" khyoo: ri - nyanu" nyang: si gu nghoid loug we' - nyanu" gungdu: nyang: he: moo" ri zei: tho' moo agoo" hid: su" cang zei: nyid mo ri we' yoem: byid: tu: to' gau yi nyid boem nhung: lha".

PHILIPI 1:12

Hau: lho: mang: nhung" yi we"- ngoo moo bue" lo da" khyoo: joem gi hau: ngeibu: ludang: gyi: sheung: loung: loo wa shid re" gyeng" nyang: bo pang: thug byid: wa shid re" bui" lo khyoo: nghoid ziri nanu" ri si' nhang nau.

HEBRE 11:27

Loem" jeung" ziyo' Moshe gi Khokham" phoo nheig yoo: wa ziri agyug loo: za: Egutu meing: mo thu lo" abye:- Nyang: gi myojid" yo' amyang da" Mangsoo ri myang yhang: ti" nyang- Egutu meing: khyoo: doem tau" loo" khyoo: ri ngeug pyam bye.