ACTS 7:8 - Lacid Common Language Bible

⁸ Hau: thang: ri Mangsoo gi dang: theung to da" asoo" so" to" khyo" shooyid' thang: yham" da" khyoo: Abraham ri byid: bye: yoomo Abraham gi Isag ri khu: thang: ri shed nyid" ein: nyid" moo Isag ri shooyid' thang: yham" da" moo" ri koid byid: bye. Isag gi nya: zoo: Yaku ri Yaku gi ngoonu" myeing fu" da" phoug" phoo yi nghoid da- nya: zoo: yi daxe: eig yug ri shooyid thang: yham" da" khyoo: ri koid byid: bye.

ACTS 7:8 교차 참조

APOEM AYANG: 29:31

Lea gi Rakhela yhi' jheddab nheigloem: ashau" kham: yu ziri Aseing myang lang" nyang: gi Lea ri zooshang: yoo" nhang: lho: Rakhela rigi zooshang: ayoo" nhang:.

APOEM AYANG: 30:5

Bila gi zooshang: gung bue" re" wigi Yaku shid re" yuggi zoo: dayug ri khu: byid: bye:.

APOEM AYANG: 35:16

Yaku yo' nya: yhoem: byu yigi Bethela mo thu lo" lho: nyangnu" gi Ephrad khyoo: ade: yo" ju" shi" moo nyid nyid uri Rakhela gi zooshang: co' phyed bidnyid ju" wigi gyi: sho' nyang: no nyid bye:.

APOEM AYANG: 35:18

Nghoid loug Rakhela gi mo, lo" nyid bye: wigi nyang: so' she: thang yid ri nya: zoo: ri Benoni ga: myeing myheing byid: khare". Nghoid loug nya: phoo gi nyang: ri Benyamin ga: myheing byid:.

1 KHOKHAM MHOOMYID: 1:34

Abraham da" yuggi zoo: Isag gi Eso yo' Yaku ga: da" yuggi zoo: eig yug yo" da:.

MATHE 1:2

Abraham gi Isag ri khu: kaid. Isag gi Yaku ri khu: kaid. Yaku gi Yuda yo' nya: mang: nya: nhung" yi ri khu: kaid.

YOHAN 7:22

Moshe gi nanu" da" zooshang: mi" ri athang: yham" pyam wa da" tarha" byid: to". Houg: yoomo nanu" gi Dougno: Bidnyid ri lang" athang: yham" da" moo" ri koid; boem ago". (Khyag ga: rigi shooyid thang: phyed' da" tarha" ri byid: zigi Moshe anghoid Nanu" da" phoug" phyid" yi danghoid ago".)

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

Roma 4:10

Hid: yhang: ti" Mangsoo: gi Abraham: ri deingbyeing" su: nghoid ga: soin: byid uri - Abraham: gi sho" yid thang: yham" bye la". Ayham" shi" la". bain kham: thang: ri anghoid akham: shi" u" ri nghoid bye.

GALATI 3:15

Nga" mang nhung" yi we"- nyid" khang" moo" thoung" shau" nyid da" khyoo: jhoem, ri ci: lho: dang: tu, daloem: ri ngoo tid ba,- byu eig yug gi moo" daja: ri myid veing" go" lho: dang: soo" too" go" da" mougsoug" lhid" go" ci: thang: ri hau: da" ziri hang" we' nya: myid khyo" yo" phyo' pyam' wa zi anghoid- yo" kaid' lung: wa zi anghoid.

GALATI 3:17

Houg: yoomo ngoo tid nau khyoo: gi hidsu" nghoid nyid Mangsoo gi Abraham yo' dang: theing bain too" go" thang: ri hau: ziri cang pyeing wa da" dang: soo" too" bye- zain nyid myid: sho: soem" xi: zain' myang" thang: ri bue" lo da" toung: to" da" tarha" gi hau: dang: theing khoin" ri ayo" ze" phyo' pyam ziyo' hau: dang: soo" khoin" ri we' ayo" yoeb, yu.

HEBRE 7:4

Nya: da" dain' thu nya: phoug" nya: phoo Abraham gi Gyipui" mo yo" yu lo da" dangain" jang" mo daxi: boem mo daboem- Melkhizedeg ri xoin" to' byid: nghoid rigi houg: yhang: te" xoin" to' byid: zi rikham: yu su: gi khayhi' gyi: su: nghoid ein: ziri nanu" myid soin: yu" ge'.