ACTS 7:51 - Lacid Common Language Bible

⁵¹ Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

ACTS 7:51 교차 참조

2 KHOKHAM 17:14

Nghoid loug we' nyangnu" atam" gyoo: nghoid da:. Nyangnu" Aseing Mangsoo ri aloem da" nyangnu" phoug" phyid" yi yo' dakhyo" nyangnu" nheigloem: thain: ago".

2 KHOKHAM MHOOMYID: 30:8

Nyangnu" yhang: ti" nheigloem: athain: goo. Aseing dang: ri koem' gi tam" gyoo: we'. Nanu" da" Aseing Mangso wigi apyaid atoo: moo gyeung" shang: sho' koid to" da" Yerusalem mo Noku Yhoem: Moo" khyoo: re" bo we'. Houg: lho: nyang: nanu" ri nheig ayoo: baja"- nyang: ri noku we'.

NEHEMIA 9:16

Nghoid loug we' ngoonu" da" phoug" phyid" yigi nghoid boin: re" lho: nheigloem: thain: ago". Houg: lho: re" amyeing" dang: ri cang wa shid re" ngeug pyam ago".

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

COUNG" NGHEI 75:5

Nyangnu" da" nghoid boin: phau: khuang khyoo" joem ri no: pyam nhang: wa shid re we' ngoo nyangnu" ri tid bye: ga: tid

COUNG" NGHEI 78:8

Gyivoo joem yo' atam" gyoo: bang- Mangsoo ri loem" jeung" khyoo: moo khanham we' ageung: teing mo, yo' nyang: moo: nheigloem: azoung" da" nyangnu" phoug" phyed yi yhang: ti" Nyangnu" gi bui" loo: wa nghoid

THU' LO" MOUGSOUG" 32:9

He: byumyu" yi nheigloem: khayhi' thain: ga: ziri ngoo si' bye:.

THU' LO" MOUGSOUG" 33:3

Nanu" gi agoin ayu: mougmyid nu" mung" khyoo: yhe: wa nghoid ago". Nghoid loug we' nanu" gi nheigloem: thain: da" byumyu" yi nghoid yoomo khyoo: cang nanu" ri said toem" pyam zi ashau" goo" baja" ngoo nanu" da" phung: gung moo boo wa zi anghoid» ga: tid.

THU' LO" MOUGSOUG" 33:5

Aseing gi Moshe khyo" wigi amyeing" byid: lho: nyangnu" ri «Nanu" gi nheigloem: thain: da" byumyu" yi nghoid. Ngoo nanu" jhang daso' zoo: re" nghoid rigi nanu" ri jhoid said pyam zi thung" shoug" wa myang. Akhid" nanu" sheing: zi khyoid pyam ge'. Nanu" ri khasu" koid wa zi ngoo dang: phyed wa» ga: tid.

THU' LO" MOUGSOUG" 34:9

Nyang: gi «Aseing we" nang ngoo ri vho: ngei zi gyeing" nghoid rigi nang ngoonu" yo' dage" yhe: loo" shang ein: ngoo tid nau. He: byumyu" yi nheigloem: thain: nghoid loug we' ngoonu" da" yooboo yo' akhyeing" ziri khyoid pyam byid: wigi re" byumyu" khyo" wigi ngoonu" ri khab yu la» ga: tid.

ESAIA 48:4

Nang gi joto' yhi' thain: wigi gyid: mid" yhang: ti" nheigloem: thain: ziri sagse: ci: shug byid: ca" ein: ziri ngoo se'.

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

YEREMIA 17:23

Nyangnu" da" phoug" phyid" yigi nga" da" dang: ri atam" gyoo:. Ngoo ri cishu: anhang: nghoid da:. Hau: gungthid- nyangnu" nheigloem: thang: lo ago". Nyangnu" gi nga" tid dang: agyoo:. Ngoo mo we' ajhau" yu nghoid ago".

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

YEREMIA 6:10

Ngoo gi «Nyangnu" ri ngoo dang: wigi tid poin" ziri hang" se' tam" gyoo: goo" wa lug la". Nyangnu" gi nheigloem: thain: wigi re" mungdang: ri tam" gyoo: wa shid re" he: pyam da:. Nyangnu" gi nang ngoo ri tid nhang: khyoo: ri yi juang" pyam byid: ago".

EZEKIEL 2:4

Nyangnu" gi nheigloem: thain: wigi ngoo ri aphoug" myang: nghoid ago". Houg: yoomo ngoo yoem: moo" bo Aseing citid nyid ziri nyangnu" ri yhe: tid kyoo" wa shid re" nang ri ngoo nhang: kaid.

EZEKIEL 44:7

Nyangnu" gi ngoo ri shugbyid: da" xoin" joem da" xu: yo' suid" ri shugbyid: nyid da" uri ngoo ri aphoug" da" shooyid thang: ayham" da" tungbau byu yiri Noku Yhoem: Moo" khyoo vang nhang: da" khyo" nga" da" Noku Yhoem: Moo" ri ayung" alho' koid pyam byid: da:. Houg: lho: nga" byumyu" yigi nyangnu" koid da" aco ajhoid moo" dangain" khyo" wigi nga" dang: theing ri phyo' pyam abye: go".

EZEKIEL 44:9

«Ngoo yoem: moo" bo Aseing gi shooyid thang: ayham" da" tungbau byu kha: yug we' ngoo ri aphoug" da" kha: yug we' nga" Noku Yhoem: Moo" khyoo: ayo" vang yhi: wa. Israela byumyu" yi phung: gung moo nyid da" tungbau byu dayug lang" ayo" vang yhi: wa ein: tid fu" too" bye:»

XOIN" NGEI" 26:41

Ngoo ri nyangnu" jhang gyi phug koid nhang: lho: nyangnu" da" gyivo mungdain: khyoo: pyoung" she: loo" shau" nhang: wa. Lo" thang ri nanu" amyed ashen yigi nheigloem: nyhoem khyo' wigi nyangnu" gyi koid ziyo' yooboo shid re" dam ri bain kham: pyam lang"

GYUNG: SOO" 27:14

Ciwim gari: re" eig tang goin" gi Zin dain" pyoid yoo moo: nga" amyeing" dang: ri thougtheung boem yoomo nghoid. Meriba moo: shava byu phung: goin" gi Ngoo ri thougtheung boem uri nyangnu" shidkhoin" moo: nga" gyeung" shang: da" yoem: so' ri re" eig tang yhen: yu wa ziri he: ngeug pyam da» ga: tid. (Meriba gi Zin dain" pyoid yoo mo Kadesha gyid bug nghoid da:.)

ACTS 6:10

Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

ACTS 7:27

Nghoid loug we' nya: byen cang" phoo ri byo, goo" vhukung: lhung: su: gi Moshe ri doin: shu" pyam' lho: ngoonu" da" atho' moo vhoeb khang" wa su: yo' tarha" agyi nang ri hang" koid nhang: to" lha".

ACTS 7:35

Moshe gi Israela byumyu" yi wigi ngeug pyam zi shau" da" byu dayug nghoid. Nang ri ngoonu" tho' moo vhoeb khang" wa ziyo' tarha" agyi koid wa zi hang" wigi nyheung to" lha: ga: khyo" wigi ngeug pyam ago". Moshe gi Israela byumyu" yi ri vhoeb khang" wa ziyo' nyangnu" ri khyoid yu wa shid' re" myi: nge" nyid da" mhain" pung moo yab, shug da" moug: lagyoo: da" lo, wigi Mangsoo nhang: kaid' su: nghoid nyid.

ACTS 7:39

Nghoid loug we' - ngoonu" da" phoug" phyid" yi gi nya: dang: ri zheung: ngeug pyam' boem bye. Nyang: nu" gi Moshe ri ngeug pyam lho: Egutu mung" khyoo: doem tau" loo" nau myid bo ago".

ACTS 7:9

Yaku da" nya: zooyi gi nyangnu" da" nhung" zoo: Yoseb, ri myid nau: boem yoomo Egutu meing: khyoo: join, koid nhang: wa shid mo Yoseb ri ung" byid: pyam' boem ago".

Roma 2:25

Nang gi Yuda tarha" ri cang" su nghoid lho: re" da sho" yid thang: yham" ziri phoug" tab' ga nghoid loug we' nang gi gyeing" nyang: Yuda tarha" ri atam gyoo: su danghoid nyid rigi sho" yid thang: ayham" ri je gi wa.

Ephesu 4:30

Hau: tho' moo gootu- gyeungshang: da" venyi ri nheig akug nhang: goo"- Khasu" wim gari hau: gyeungshang: da" venyi gi nanu" ri Mangso seung: nyid khyoo-sagsi: dazid' nghoid lho: Mangso wigi nanu" ri lhoid pyoin kaid' shau" da" bidnyid ju" loo wa ziri koo" kham: kham: byid: su: nghoid nyid.

TARHA" TID POIN" 10:16

Houg: yoomo akhid" mo gi Aseing ri tam" gyo: cang yhe: wigi nheigloem: gyi: khyoo: ri theing: pyam ge'.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

TARHA" TID POIN" 31:27

Nyangnu" khayhi' nheigloem: thain: ziyo' gyi koid wa ziri se'. Nyangnu" gi nga" apyaid moo Aseing ri gyi koid lo boem abye: go". Houg: lho: ngoo shid: thang: ri nyangnu" gi je wigi gyi koid loo goo" wa.

TARHA" TID POIN" 9:13

«Aseing ngoo ri tid shi" zigi ‹He: Byumyu" yi khayhi' nheigloem: gyi: ziri ngoo se'.

TARHA" TID POIN" 9:6

Aseing nanu" ri he: mougmyid nu" da" mungdain: ri byid: zigi nanu" moin: yi" yoomo byid: zi anghoid da" khyoo: ri nanu" xoem" too" ge'. Nanu" gi nheigloem: gyi: da" byumyu" yi nghoid da:.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

KOLOSE 2:11

Nanu" gi hau: Aseing: yo' dadeing: daloem za: bue" lho: wigi kangso' dei da" uri athang: yham" khyoo: ri kham: yu bye: nghoid nyid hau: zigi byu yi da" lo, wigi koid zi anghoid loo za: he: yooboo dab, da" gung sho" yoem: so' mo lhoid pyoin, kaid' ein: da" Khristu wigi ze" bui" byid: da" athang: yham" khyoo: nghoid.