ACTS 7:5 - Lacid Common Language Bible

⁵ Hau: da" ayo, mo wigi mangsoo gi Abraham ri hau: mungdain mo da" moug: myed ri nya: soidgain khyo" lo, dashi" lang" abyid: nghoid da. Nghoid loug we' hau: da" mungdain ri nyang: yo' nya: myed: nya: zoo: yiri byid: wa ga- Mangsoo gi dang: theung too" bye- Mangsoo gi he: dang: theung byid: da" uri Abraham gi zoo: dayug we' ayoo" shi".

ACTS 7:5 교차 참조

APOEM AYANG: 12:7

Aseing gi Abram jhang thu myhang shug lho: «He: zigi ngoo re" da" amyed ashen yiri byid: wa ein: da" moug: nghoid bye:» ga: tid. Houg: lang" Abram gi hau: joyoo moo nyang: ri thu myhang da" Aseing shid re" phoin: daloem: ri koid bye:.

APOEM AYANG: 13:15

Nang myang da" zi dangain" gi re" amyed ashen yi yo' nanya: shid re" ngoo byid: wa bye:. Hau: zigi apyaid atoo: moo nanu" da" zi nghoid wa.

APOEM AYANG: 15:18

Hau: ayo, moo Aseing gi Abram yo' thang" cab dang: theing too" bye:. Nyang: gi «Ngoo gi re" da" amyed ashen yiri Egutu mung" mougkyoo" mo Uphrad gyid lang moo ju" sho' he: mougmyid dangain" byid: bye: khyoo: dang: soo" byid: bye:.

APOEM AYANG: 16:2

Houg: yoomo nyang: Abram ri «Aseing gi ngoo ri zooshang: ayoo" wa khyo" koid to". Houg: yoomo nga" join myhi' yo' nang yhoeb we'. Nyang: gi nga" shid re" zooshang: yo" yoo" byid: wa nghoid» ga: tid. Abram gi Sarai tid da" dang: ri myid bo veing" bye:.

APOEM AYANG: 17:8

Akhid" nang being" voo khyo" re" nyid nyid da" he: moug: ri ngoo gi nang yo' re" amyed ashen yiri byid: wa nghoid. Khanan damung" goin" ri re" amyed ashen yi apyaid atoo: seing: nyid wa nghoid lho: ngoo we' nyangnu" da" Mangsoo bue" nyid wa bye:».

APOEM AYANG: 23:4

«Ngoo gi nanu" da" khoug: moo nyid nyid da" tungbau dayug nghoid. Nga" yhoem: seing: myhi' ri myhoeb wa da" joyoo dacu' ngoo ri oung" byid: goo" la» ga: yhe: tid.

APOEM AYANG: 26:3

Hid: moo nyid we' ngoo gi nang yo' nyid lho: nang ri mainkaid byid: wa. Ngoo gi he: moug: he: dain" dangain" ri nang yo' re" amyed ashen yiri byid: wa. Re" phoo Abraham ri byid: to" da" dangsoo" ngoo nang ri doem xo' byid: wa.

NEHEMIA 9:8

Nyang: gi re" dang moo jhug zug ziri nang shau" myang wigi Nang gi nyang: yo' dang: theing koid to" da:. Nang gi nyang: ri Khanan byumyu" yi da" mougmyid Hiti byumyu" yi yo' Amori byumyu" yi da" mougmyid Perizi byumyu" yi Yebusi byumyu" yi yo' Gergashi byumyu" yi da" mougmyid ri Nya: amyed ashen yi nyid wa da" mougmyid khyo" byid: pyam wa ga: dang: so" byid: da:. Nang gi jhug zug yug nghoid yoomo re" dang: so" ri nang cang da:.

EZEKIEL 33:24

Nyang: tid zigi shid re" da" byu we"- Israela moug: mo byo, yoin" jo, da" voomoo" joem moo nyid bang: gi hid: su" ga: tid nyid ago". ‹Abraham gi dayug kyeing" nghoid loug we' nyang: ri damung" goin" byid: to" da:. Ngoonu" gi myoo" sho' bang: nghoid. Houg: yoomo hau: mougmyid akhid" ngoonu" da" zi nghoid bye:›.

TARHA" TID POIN" 10:11

Hau: thang: nyang: gi nanu" phoug" phyid" yiri byid: wa ga: nyang: dangsoo" byid: to" da" mungdain: ri yhe: yo" seing: yu wa shid re" yhe: wigi nanu" ri shu" vhu" she: nyid we' ga: ngoo ri tid.

TARHA" TID POIN" 11:9

Houg: lho: Aseing wigi nanu" phoug" phyid" yiri yo' nyangnu" amyed ashen yiri byid: wa ga: dangsoo" byid: to" da" joeb byeung" ziyo' mougmyid nu" da" mungdain: moo nanu" apyaid sheing: sho' yo" nyid loo goo" wa.

TARHA" TID POIN" 2:5

Nghoid loug we' nanu" khyo" shi" houg: bang: ri gyi age koid wa. Ciwim gari ngoo gi nyangnu" mougmyid ri khyid: dakhoo: nang: wa yhi' lang" nanu" ri ngoo abyid: wa yoomo nghoid. Ngoo gi Edom moug: ri Eso da" amyed ashen yiri byid: too" bye:.

TARHA" TID POIN" 34:4

Hau: thang: Aseing gi Moshe ri «He: zigi ngoo wigi Abraham- Isag yo' Yaku ri nyangnu" amyed ashen yiri byid: wa ein: dangsoo" to" da" mougmyid nghoid. Ngoo gi nang ri hau: ziri myang nhang: bye:. Nghoid loug we' nang ri houg: khyoo: ayhi: nhang: wa» ga: tid da:.

TARHA" TID POIN" 9:5

Nyangnu" mungdain: Aseing nanu" ri yu nhang: zigi nanu" ge lho: jo zi koid yoomo anghoid nghoid da:. Nyang: gi nanu" phoug" phyid" yi nghoid da" Abraham- Isag- Yaku- bang: ri byid: to" da" dangsoo" ri pyeing noug yoomo we' nyangnu" akhyeing" boem yoomo Aseing gi nyangnu" ri khaid thu pyam wa.