47 Nghoid loug we' Mangso shid re" yhoem: koid su: gi Sholumon danghoid nyid.
Nyang: koem' gi nga" shid re" Noku Yhoem: Moo" koid wa yug nghoid wa. Nya: da" myhang: thang zhungtang ri gyeing" nyang: apyaid atoo: ngoo geing: teing nhang: too" wa zi nghoid.
Turu moug: mo khokham Hiram gi khanham we' David da" byencang" nghoid nyid ziyo' Sholumon gi nya: phoo David da" khokham zhungtang ri thid zhung: bye: ga: ziri shoug" gyoo lang" Hiram gi nya: lagyoo: yiri Sholumon jang khyoo: nhang: kaid bye:.
Israela byumyu" yi Egutu mung" mo thu lo thang: ri myid: sho: shid xi: zain zain- Israela mung" moo Sholumon Kho" zhung: zi myid: zain lhammoo" eig khyab ein: da" Ziva khyab moo Sholumon gi Noku Yhoem: Moo" koid shid" loo" bye:.
Akhid" koem' Aseing gi nya: dangsoo" ri pyeing byid: bye:. Israela khokham nghoid da" nga" phoo zhungtang kho" moo ngoo xo' zhung: bye: ziyo' Israela Aseing Mangsoo ri noku wa shid re" Noku Yhoem: Moo" ri ngoo koid too" bye:.
Akhid" khokham David gi nya: khokham kho" moo: nyid nyid da:. Danyid" gi nyang: Nathan ri khi nhang: lho: nyang: ri «Ngoo gi shamu thi" yo' koid to" da" yhoem: moo: nyid nghoid loug we' Aseing da" Dang: Theing Kuid: gi zoem" mo to" to" da» ga: tid.
Sholumon da" nya: phoo khokham David gi Noku Yhoem: Moo" joyoo ri soin' nyheing too" gu: nghoid bye:. Hau: joyoo gi Yebusi byu Aramna da" gug nang: jang: khyo" koid da" joyoo Yerusalem mo Moria boem dang moo nghoid da:.
