ACTS 7:45 - Lacid Common Language Bible

⁴⁵ Hau: thang: ri nyangnu" da" phoug" phyid" yi jang" mo Hau: da" zoem" ri xo' kham: yu boem ago". Nyang: nu" da" phoug" phyid" yi gi Mangsoo wigi khaid sain" pyam' da" byumyu" yi khanan mung" khyoo: Yoshu yo' dage" vang lo" boem uri hau: zoem" ri we' vu, vang lo" boem ago". Hau: da" zoem" gi David da" apyaid' moo ju" sho' hau: mungdain moo dajo, jo.

ACTS 7:45 교차 참조

1 KHOKHAM 8:4

Noku Yhoem: Moo" khyoo: dang vang lo" boem bye:. Levi byu yi yo' khainjung yi we' Aseing da" zoem" yo' houg mo jonu" dangain" ri Noku Yhoem: Moo" khyoo: thoid shu" yu boem bye:.

1 KHOKHAM MHOOMYID: 16:39

Khainjung Zadog yo' nya: khainjung byencang" yigi Gibeon mung" mo noku coung" joyoo moo: Aseing ri noku coung" moo" moo: yoovoin yu boem ago".

1 KHOKHAM MHOOMYID: 21:29

Hau: ayo, moo dain" pyoid yoo moo Moshe wigi koid to" da" Aseing da" shidkhoin" mo zoem" yo' xoin" joem ri nghe' ngei" byid: da" phoin: gi Gibeon mo noku joyoo moo jo, jo, ashi".

1 KHOKHAM MHOOMYID: 7:27

Nun- Yoshu bang: nghoid ago".

NEHEMIA 9:24

Nyangnu" gi Khanan mung" ri oung: yu pyam ago". Nang gi houg moo nyid da" byumyu" yiri khaid oung: pyam ago". Nang gi nyangnu" ri Khanan mung" byu yi yo' nyangnu" da" khokham yiri nyangnu" nau khyo" koid wa akhang" byid: da:.

COUNG" NGHEI 44:2

Mangsoo ano" da" byumyu" yiri nang khasu" khaid thu pyam bye: da" khyoo: yo' nyangnu" da" mougmyid moo: re" da" byumyu" yiri joyoo soin byid: bye: da" khyoo: gootu: byumyu" yi rigi nang khasu" shen: yhen byid: lho: re" da" byumyu" yi rigi nyid gi nyid di nhang: bye:.

COUNG" NGHEI 78:55

Nya: byumyu" yigi shid khyoo: jhen" vang yhe: lo" nyid uri nyid xoug" yiri nyang: koin" thu' pyam lho: nyangnu" da" mungzoug: joem ri Israela byumyu" yi kung: khang" mo" da" lo, khyoo: nyang: kho' byid: wigi nyangnu" da" yhoem: joem ri we' gam byid: bye:.

COUNG" NGHEI 80:8

Nang gi Egutu meing: mo zabyid nei dakhaid ri yu ci: lo wigi gootu: byumyu" yiri nang khaid thu pyam lho: hau: ziri nyangnu" da" moug: moo: sho" to" abye:.

ACTS 13:19

Nyang: gi khanan mung" moo nyid da" byu nyhed myu" ri phyo' shoin, pyam' lho: wigi hau: mungdain rigi nya: byunyu" yi ri seing: nhang: bye.

TARHA" TID POIN" 32:49

«Yerikho voomoo" tab cang tab mo Moba mung" mo Abarim boem joem khyoo: yhe: loo" we'. Nebo boem khyoo: do, yhe: wigi Israela byumyu" yiri ngoo byid: loo wa nghoid da" Khanan mung" ri yu" kaid we'.

HEBRE 4:8

Mangsoo dang: soo" to" da" doug no: khyoo: gi Yoshu gi gootu: byumyu" yi ri bain byid: bye: nghoid rigi bidnyid gootu: danyid" khyoo:- Mangsoo gi thang: ri doem tid loo wa zi anghoid.

YOSHU 18:1

Nyangnu" hau: mung" ri oung: pyam thang: ri Israela byu phung: goin" Shilo joyoo moo foem: phung: nyid wigi Aseing shidkhoin" moo Zoem" ri zhug to" ago".

YOSHU 23:9

Aseing gi nanu" shid vhu" khyoo: yhe: loo" lang" gyi: sheung: wigi yoem so' bo da" byumyu" yiri khaid thu pyam da:. Hang" dayug we' nanu" ri khanham we' ayo" thougtheung yu" nghoid da:.

YOSHU 24:18

He: mung" khyoo: ngoonu" jhen" vang yhe: lo" uri Aseing gi hid: moo: nyid boem da" Amori byu yi dangain" ri khaid thu pyam da:. Houg: yoomo ngoonu" we' Aseing ri za: dei byid: wa. Nyang: gi ngoonu" Mangsoo nghoid da» ga: phoug tid ago".

TARHA" AGYI 18:31

Shilo moo Mangso da" Zoem" jo, jo, da" myhang nyang: Dan byumyu" kung: yigi Mikha da" yu phara" soolhoo: ri no' boem ago".

1 SAMUELA 4:4

Hougsu" nghoid yoomo nyangnu" gi Shilo khyoo: lagyoo: zheung: nhang: kaid wigi dung dab da" dei noem atho' moo zhung: da" myhang: thang Aseing da" Dang: Theing Kuid: ri yu ci: re" ago". Eli da" nya: zoo: tang: Hobni yo' Phineha we' hau: Dang: Theing Kuid: yo' dage" cang re" ago".