ACTS 7:23 - Lacid Common Language Bible

²³ Moshe da" apyaid' myed: xi: zain' nghoid lang" gi nyang: gi nya: mang nhung" Israela byumyu" yi, yau: khe" jamjau nyid yoo- yhe: yu" wa shid mo myed phyed' ci: bye.

ACTS 7:23 교차 참조

2 KHOKHAM MHOOMYID: 30:12

Mangsoo gi Yuda mung" moo we' moo" zei: wigi khokham yo' nya: gyizoug: yi da" amyeing" dang: ri cang wigi nya: myid vho: ziri cang wa shid re" nyangnu" myid phyed jang" moo mung" byu yiri myid shoin" nhang: da:.

EZRA 1:1

Lapi: Yeremia khyo" wigi Aseing nyang: tid da" dang: gi Persi khosen Kuru khokham bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

EZRA 1:5

Hougsu" yoomo Mangso wigi nheig gyeing: yung gyeung" nhang: bye: da" Yuda byumyu" yi yo' Benyamin byumyu" yi akung: mo vhujhung: yi khainjung yi yo' Levi yo' dangain" mo, gi Yerusalem mo Aseing yhoem: moo" yhe: koid wa shid re" jen" jen" nghoid nyid boem bye:.

EZRA 7:27

Ezra tid zigi «Yerusalem moo jo, da" Noku Yhoem: Moo" ri koid wa shid re" Aseing gi khokham ri nheigloem: khoem" duang: phang byid: yoomo ngoonu" phoug" phyid" da" Aseing Mangsoo ri coung" nghei o".

THU' LO" MOUGSOUG" 35:21

Hougsu" alu: jhungshug kaid byid: wa noug bang: yugkhang" moo" gi Aseing shidkhoin" zoem" koid wa shid re" Aseing jang" khyoo: alu: jhungshug ci: re" boem ago". Nyangnu" gi noku koid jang" moo ci: wa shid re" ca" gu: dangain" yo' khainjung byimi koid wa shid re" ca" gu: dangain" ci: re" boem ago".

THU' LO" MOUGSOUG" 35:29

Moshe ri amyeing" byid: to" da" moo" shid re" alu: jhungshug byid: nau boem da" Israela byu yi gi nyangnu" jhungshug joem Aseing jhang ci: re" byid: ago".

THU' LO" MOUGSOUG" 4:18

Houg: lang" Moshe gi nya: yug phoo Yethru jhang lo" lho: nyang: ri «Egutu mung" mo nga" bidnoem yi nyid shi" go" la'. Ngoo lo" yu" nau:- jeju" mo nhang: kaid la» ga: tid lang" Yethru we' myid veing" lho: goolho' so" yhe: lo" we' ga: pyeung: kaid da:.

THU' LO" MOUGSOUG" 7:7

Nya: tang: khokham jhang dang: yhe: tid ayo, ri Moshe gi shid xi: zain nghoid wigi Arun gi shed xe: soem" zain nghoid bye: ago".

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

ACTS 15:36

Dayo, zoo: kyo: lo" thang: ri Polu gi Barnaba ri Mangso mungdang: ri ngoonu" kho" kyoo" ca" shi" joyoo khyoo: mang: nhung" yi khasu" koid nyid boem ziri yhe: cang koem" yu" wa shid re" nga" eig yug nyangnu" jhang khyoo: doem tau" loo" shang - ga: tid go.

ACTS 7:24

Nyang: gi Israela byumyu" dayug ri Egutu byu dayug wigi shen" yhen nyid lang" ziri yhe: myang: wigi Egutu byu ri yhe: said pyam lho: latoo: phug byid: ziyo' nya: byu ri goem loem yu bye.

2~KORINTHU 8:16

Nanu" ri pang" thoug byid: wa shid re" ngoonu" moo nheigloem: to' vho: ngei nyid ziyo' dakhyoo" ti"- Titu ri we' boo nhang: da" Mangso jeju" ri khayhi' coung" nghei, joyoo nghoid lha".

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

Pang Shug 17:17

Khasu" wim gari Mangso mungdang: joeb, byeung" lo da" bidnyid moo ju' sho' nyangnu" gi dadeing: daloem: za: koid lho: nyangnu" vhoeb, khang" da" amyeing" dang: ri hau: akhyeung" da" gougnyhoug lo, khyoo: ab, byid: khyo" wigi Mangsoo gi nyang: myid soin' khyoo: zei: pyeing byid: nau da" e" myed, ri nyangnu" da" nheigloem: khoug: moo kaid' too" byid: bye.