ACTS 7:15 - Lacid Common Language Bible

¹⁵ Houg: lang" Yaku gi Egutu mung" moo yhe: byoung: nyid wigi Hau: mung" moo nyang: yo' nya: zooyi dangain" gi shid: pyam' bye.

ACTS 7:15 교차 참조

APOEM AYANG: 46:1

Yaku gi nyang: yoo" mooyoo" dangain" ri yoovoin soin' lho: nya: phoo Isag da" Mangsoo ri xoin" ngei" wa joyoo Berasheba khyoo: yhe: lo" da:.

APOEM AYANG: 47:30

Ngoo gi nga" phoug" phyid" myhoeb da" jang" moo danyhoeb nau. Egutu mung" mo ngoo ri vu, thu lo" wigi hau: jang" moo ngoo ri dalo" myhoeb ge'» ga: tid. Yoseb we' «Nang tid khyo" ngoo koid wa bye:» ga: tid.

APOEM AYANG: 49:33

Yaku gi nya: zoo: tang: yiri pyeing: dang: bain tid lang" nyang: gi doem jhang" lho: shid: khari" bye:.

COUNG" NGHEI 105:23

Hau: thang ri Yaku gi Egutu mung" khyoo: gyoo" lo" lho: hau: mung" moo: jha" yhe: nyid.

THU' LO" MOUGSOUG" 1:6

Zain nyid ju" lo ziyo' dakhyo"- Yoseb- nya: da" nya: mang: nhung" yi yo' deing da" hau: xeig mo gu: dangain" shid: byug ago".

THU' LO" MOUGSOUG" 13:19

Yoseb gi Israela byumyu" yiri koid ge' ga: dangsoo" byid: too" khoo' yoomo Moshe gi Yoseb da" manggung ri nyang: yo' dage" yu ci: loo" bye:. Yoseb gi «Mangsoo nanu" ri khyoid yu da" uri nga" manggung ri we' nanu" yo' dage" he: joyoo moo bo ci: loo" ge'» ga: tid bye:.

GYUNG: SOO" 20:15

Ngoonu" phoug" phyid" yi Egutu khyoo: khasu" ju" yhe: wigi houg moo ngoonu" gye" myang" sho' nyid ziri we' nang se' bye:. Egutu byu yigi ngoonu" da" phoug" phyid" yi yo' ngoonu" ri shen" yhen lo ago".

TARHA" TID POIN" 10:22

Nanu" phoug" phyid" yi Egutu mung" khyoo: yhe: lo" boem uri nyangnu" gi nyhed xi: yug za: danghoid ago". Nghoid loug we' akhid" nanu" Aseing Mangsoo gi nanu" ri moug: mo kyi: nhoo' myo: je: loo nhang: bye:.

TARHA" TID POIN" 26:5

Hau: thang: nang gi Aseing shidkhoin" moo he: dang: khoin" joem ri zhang: ca" da:. Nga" phoug" phyid" gi nyid lam" yen" da" Arami byu nghoid. Nyang: gi nya: ikoin deungkhu: byu yiri Egutu khyoo: shu" yhe: wigi houg: moo yhe: nyid da:. Nyangnu" gi hau: mung" khyoo: yhe: lo" uri amyoo: nghoid loug we' nyid myo: re" wigi yoem: bo da" byu damyu" bue" lo ago".

YOSHU 24:32

Egutu mung" mo Israela byumyu" yi dang lo boem da" Yoseb da" manggung ri Yaku wigi Shekhem da" nya: phoo- Hamora da" nya: yuggi zoo: yi mo ngei dashoo: pyi" yo' qei yu to" da" mougmyid mo Shekhem moo: myhoeb to" ago". He: mougmyid gi Yoseb da" amyed ashen yi shau" yu da" mid mougmyid nghoid da:.

YOSHU 24:4

Isag ri Yaku yo' Eso tang: ri byid: bye:. Ngoo gi Eso ri nya: mougmyid jonu" khyo" Edom boem moug: ri byid: bye:. Nghoid loug we' nanu" da" phoug" phyid" Yaku yo' nya: zoo: yigi Egutu mung" khyoo: gyoo" yhe: ago".