ACTS 7:10 - Lacid Common Language Bible

¹⁰ Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

ACTS 7:10 교차 참조

APOEM AYANG: 39:21

Nghoid loug Aseing gi Yoseb yo' dage" nyid nyid lho: nyang: ri mainkaid byid:. Houg: yoomo thung: agyi pho da" shidkhoin" moo myonhoo: bo nyid da:.

APOEM AYANG: 42:6

Egutu mung" mo meing: vhoeb zoug: moo" Yoseb gi moug: gyab goin" mo mung" byu yiri gug zoo oung" byid: nyid. Houg: yoomo Yoseb da" nya: mang: yigi re" lho: nyangnu" da" myonhoo: ri myidjang khyoo: goeb khyo' lho: nya: shidkhoin" moo re" pid nyid boem.

APOEM AYANG: 44:18

Yuda gi Yoseb jhang tain" yhe: lho: «Aseing: we"- jeju" mo nang ri dang: yo" tid wa akhang" byid: we'. Nang gi khokham nyang: nghoid da- ngoo ri nheig ayoo: lhe".

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

1 KHOKHAM 8:50

Nyangnu" yooboo dangain" yo' nang ri gyi koid thougtheung khyoo: dangain" ri yooboo khyoid byid: wigi nyangnu" da" gyivoo yi nyangnu" ri nheig khyeug shoomyen: loo nhang: we' o".

COUNG" NGHEI 22:24

Nyang: gi sho" jhen mo, ri ashe: pyam too"- nyangnu" da" sho" jhen kyi" khyeug khyoo: ri ayu" goin coung: loo: nyid wa zi anghoid. Nyang: gi nyangnu" jang" mo myonhoo: goo" shoid shu: loo" wa zi anghoid. Nyangnu" yoid mho' da" uri tu" byid: nyid.»

COUNG" NGHEI 37:40

Nyang: gi nyangnu" ri pang" thoug lho lhoid pyoin yu nyid. Nyangnu" gi nya: jang" moo goem loem yu byid: wa shid re" ju" re" nyid boem yoomo nyang: gi nyang: nu" ri akhyeing" ashoeb bang: da" lo, mo khyoid yu byid: nyid.

DANG: ZHOEM 16:7

Aseing ri nang nheugshid: nheugdeug nhang: ri nang gi re: gyivoo joem ri bidnoem yo" koid yu wa zi nghoid.

DANG: ZHOEM 2:6

Phajhi" juyhi: ri byid: nyid zigi Aseing nghoid wigi lasi laleug yo' se' gyo: jhang: yu da- lasi gi nya: jang" mo yo" yu nyid.

DANG: ZHOEM 3:4

He: khyoo: moo: nang cang lo" nghoid rigi Mangsoo yo' xangsu: byu yi we' nang ri vho: ngei boem wa zi nghoid.

YEREMIA 39:12

Hau: zigi «Yeremia ri yhe: sho: wigi nyang: ri nyheing" za: coung: byid: we' Nyang: ri ce: dam atab- nyang: vho: khyoo: ce: ja: ri we' koid byid: ge'» ga: zi nghoid.

2 TIMOTHI 4:18

Hau" Aseing: gi akhyeing" ashoeb khyoo: dangain" jang" mo nya: moug: khoung: mungdain: moo ju" sho' goem, loem byid: wigi shu" loo" wa zi nghoid nyid. Nyang: moo apyaid' atoo: mo myonhoo: phung" yoeb, gi dabo, jo, nyid baja" o". Amen.

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.