ACTS 6:10 - Lacid Common Language Bible

¹⁰ Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

ACTS 6:10 교차 참조

YOBA 32:18

Ngoo dang: tid wa zi atho' lang" zeing: nyid loo: Dang: khoin" joem ri ayo" tho' zeing: ci: loo:

YOBA 32:8

Nghoid loug we' ngoonu" phajhi" byid: zigi ngoonu" adang moo gyoo" re" da" Myhang: thang Mangso Venyi: nghoid da:.

THU' LO" MOUGSOUG" 4:12

Akhid"- yhe: we' nang dang: tid uri ngoo bo pang" wa nang citid wa ziri ngoo tid khyoo" wa» ga: tid.

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

YEREMIA 15:20

Ngoo gi nang ri gyid: mid" vang khyam: yhang: ti" geing: teing nhang: wa. Nyangnu" gi nang ri khaid zain: nghoid loug we' nang ri nyangnu" oung: pyam wa zi anghoid. Ngoo gi nang ri goem loem byid: wigi nang goug: nyu: tung" za: yo" nyid sho' nang yo' dage" nyid wa.

EZEKIEL 3:27

Hau: thang: ngoo nang ri dang: doem ji wigi dang: yo" ji wa yoem: so' nang ri doem byid: lang" nang gi ngoo yoem: moo" bo Aseing tid nyid ziri nyangnu" ri tid kyoo" wa zi nghoid. Nyangnu" dayham" gi tam" gyoo: nghoid loug we' dayham" gi nang ri cishu: anhang: wa. Ciwim ga: ri nyangnu" gi thougtheung da" byumyu" yi nghoid.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

LUKA 1:17

Aseing: Meshia da" shid' khyoo: gei yhi: su: nghoid lho: Lapi: Elia yo' dakhyoo" ti"- yoem: vhoo" phung: yoeb gyi: wa su: nghoid. Nyang: gi nya: pho, ri nya: zoo: yi yo"- doem veing" goo" nhang: wa zi nghoid. Mangsoo ri gyikoid nyid mo, ri deung main" da" phajhi" ri doem yoo" nhang: wa nghoid. Aseing: shid' re- jen" jen" nghoid wa shid' re" Aseing: da" Byumyu" yi ri nyheing soin byid: wa nghoid ga: Zakhari ri tid.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

YOHAN 7:46

Zung" lhug da" pyada: yi gi He: yug kho" kyo" yhangti"- hang" dayug we' akho" kyo" yu" ga: lo tid boem.

ACTS 5:39

Nghoid loug we' hau: gu: gi Mangso jang" mo nghoid rigi nanu" gi nyangnu" ri ayo" ge, oung: pyam boem wa nanu" gi Mangsoo ri gyi koid zi danghoid goo" wa ga: tid. Yuda tarha" yab, do' phung: bang: gi Gamale phajhi" byid: dang: ri tam" gyo: lhoem: yu boem ago".

ACTS 6:11

Houg: yoomo nyangnu" gi byu dayham" ri khoug: vhoid' byid: lho: byu he: yug gi Moshe ri we' Mangsoo ri we' - juang" gei, sang: dang: tid nyid ziri ngoonu" shaug" gyoo: bye- ga: tid nhang: ago".

ACTS 6:9

Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

1Korinthians 2:4

Ngoo tid kyo" ziyo' kho" kyo" da" mungdang: joem ri- byu yi da" phajhi" akhyoo" again ri aci: loo: za: Mangso Venyi da" yoem: vhoo" ri- bang da" sagsi: joem yo' ngoo kho" kyoo" bye.