ACTS 5:9 - Lacid Common Language Bible

⁹ Houg: yoomo Petru gi-re" yhoem: seing: phoo yo' re" eig yug gi Mangso Venyi ri ca: yu" wa shid re" ciyoomo wigi nheigloem: sham: shoin" lho: myed phyed' go" lha". Re" yhoem: seing: phoo ri yhe: dang nynhoeb, pyam' bang: gi akhid" khoem" duang: nam, moo ju" lo abye: go- nyangnu" gi nang ri we' tung: gung khyoo: shau" dang thu' lo" boem wa nghoid.

ACTS 5:9 교차 참조

APOEM AYANG: 20:13

Houg: yoomo nga" pho yhoem: mo tungbau moug: khyoo: Mangsoo ngoo ri nhang: kaid uri ngoo nyang: ri ‹Ngoo gi re" mang: nghoid khyoo: yugkhang" moo" ri tid kyo" wigi nang ngoo ri gye" phau" myang: khyoo: ci: shug ca" wa zi nghoid›» ein: tid.

2 KHOKHAM 6:32

Houg: lho: nyang: gi Elisha ri myheig yu wa shid re" lagyoo: nhang: kaid da:. Hau: ayo, moo Elisha gi nya: jhang lam" re" da" ludaid yi yo' dage" yhoem: moo: nyid nyid da:. Khokham pho da" lagyoo: yi ajui" ri" shi" ri Elisha gi hau: ludaid yiri «Hau: byu said yug gi re" said wa shid re" byu nhang: kaid abye:. Akhid" nyang: hid khyoo: ju" ri" lang" khoem" myhid" pyam ge'. Nyang: ri avang re" nhang: goo". Khokham phoo nyang: we' nya: thang: moo nghoid da» ga: tid da:.

COUNG" NGHEI 50:18

Nang gi shoug" go" da- khoug" foeb yugkhang" mo" da" byencang" bue" lho: myilhoid lang lhoid bang: yo' dage- nang zoem" nyid yen" da:.

COUNG" NGHEI 78:56

Nghoid loug we' nyangnu" gi myhang: thang da" Mangsoo ri ngeug se: tu: lhoin" nyid lho: nyang: ri ca: jham" yu" nyid boem. Nya: Dang: theing khoin" joem ri we' atam" gyo: boem nghoid ago".

THU' LO" MOUGSOUG" 17:2

Nyangnu" Moshe ri myeing" myo: wigi «Ngoonu" ri shug gyid byid: we'» ga: tid ago". Moshe gi «Ciwim yoomo myeing" myo: nyid go". Ciwim yoomo nanu" Aseing ri jham" ca: yu" nyid ago" la"» ga: tid.

THU' LO" MOUGSOUG" 17:7

He: joyoo gi Israela byumyu" yi «Aseing ngoonu" yo' nyid la' anyid la'» ga myeing" myo: go" wigi Aseing ri jham" ca: yu" da" joyoo nghoid yoomo Masa yo' Meriba ga: myheing to" ago".

DANG: ZHOEM 11:21

Ashoeb, da" byu yigi shen" yhen khyoo: shoug" wa ziri nang goolhoo: nyang: si' bye: nghoid loug we' deing: deing" da" byu yi koem gi loid byoin, loo" wa zi nghoid.

DANG: ZHOEM 16:5

Nheigloem: myhang: nyid bang: dangain" mo, ri Aseing gi ngheung" nyid. Nyangnu" ri shen: yhen, khyoo: mo khanham we' Nyang: lhoid pyoin kaid wa zi anghoid.

MIKHA 7:3

Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".

GYUNG: SOO" 14:22

he: byumyu" yi mo dayug we' hau: mung" khyoo: yo" vang yhi: goo" wa zi anghoid ein: ngoo dangsoo" tid wa. Nyangnu" gi nga" bidbang yo' Egutu yo' dain" pyoid yoo moo: koid shug da" mau" pho" moo" joem ri myang boem bye:. Nghoid loug we' nyangnu" gi nga" nheigloem: sheing: zeing: kham ziri lid: pyam pyam koid wigi ngoo tid dang: ri atam" gyoo: goo" nghoid da:.

MATHE 4:7

Yesu gi «‹hug: re" da" Mangsoo ri nang yo" ca: yu" zi anghoid› ga: jhoem: mougsoug" moo lhid" to"» ga: doem phoug tu".

LUKA 16:2

Sathi" phoo gi moo" pyeing" su: ri khe: yu lho: tid da" zigi re" da" khyoo: ngoo shaug" gyoo: bye. Khasu" koid: nyid? re" da" lo, mo nga" ziyoo jonu" zhayen" dangain" ngoori byid: we'. Khasu" wim gari nang gi nga" moo" ci: moo we' pyeing" wa zi amoin: yi" loo.

ACTS 15:10

Houg: su" danghoid rigi ngoonu" da" phoug" phyid" yi we' -ngoonu" nyang: we' ayo" voin, da" yoovoin, ri loem" jeing" bang: da" atho' moo foin: byid: bye- akhid" ciwim wigi ngoonu" Mangsoo ri leig yu jham" ca: yu" noug go" la".

ACTS 5:6

Zoolu: yi re" lho: - Anani manggung ri pain" du wigi thoeb, lho: nghi: khyoo: dang thu' lo" boem wigi yhe: myhoeb, pyam' boem ago".

Roma 10:15

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

1Korinthians 10:9

Nyangnu" dayham" gi hau: Aseing ri jham" ca: yu" boem yoomo- lhang: myu, thei" said' pyam zi shau" boem yhang: ti" ngoonu" gi hau: Aseing ri ge' jham" ca: yu boem wa zi anghoid.