ACTS 5:5 - Lacid Common Language Bible

⁵ Anani gi he: da" dang: ri shaug" gyoo: yo' dage" dalheing: dam shid: leung loo" khare" khyoo: ri shaug" gyoo: mo, gi gye" gyo: gyoug nyid boem ago".

ACTS 5:5 교차 참조

2 KHOKHAM 2:24

Elisha gi lheing: lo lho: nyangnu" ri zhug yu" wigi Aseing myeing moo nyangnu" ri nheing" da:. Houg: lang" voem, myhi' eig du: siyoo mo thu re" wigi zoolu: myid: xe: eig yug ri adu du ngaid ceig sain" pyam ago".

1 KHOKHAM MHOOMYID: 13:12

Hau: thang: David gi Mangsoo ri gyoug ziyo' «Akhid" ngoo khasu" koid lho: Dang: Theing Kuid: ri ngoo yo' dage" yo" ci: loo" wa la".» ga: tid da:.

1 KHOKHAM MHOOMYID: 15:13

Ciwim gari: xang: shi" lheing: hau: ziri vu wa shid re" nanu" hougmoo: anyid boem yoomo we' nanu" nyang: we' noku eung: ziyo' dayhang: ti" anoku yoomo nyha" Aseing Mangsoo gi nyhang" ri yooboo dam byid: bye:» ga: tid da:.

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 64:9

Nyangnu" dangain" gi gyoug lo boem wa zi nghoid wigi Mangsoo ce: noem zei: too" bye: ziri Nyangnu" myid soin: yu" lo boem wa ziyo' nya: da" moo" zo" khyoo: ri tid kyo" boem wa.

EZEKIEL 11:13

Ngoo Lapi: pe: nyid ri Pelatia shid: leung lo" da:. Ngoo gi nga" myonhoo: ri myidgung khyoo: goeb pid wigi «Yoem: moo" bo Aseing we" hougsu" anghoid. Nang gi Israela mo deing da" byu yugkhang" moo" ri said pyam loo: wa la"» ein: nyho: tid bye:.

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

ACTS 13:11

Akhid" nyang: Mangso da" lo, gi re" da" atho' moo ju" re" wigi re" myo, jed' loo" khari" wam: bye- nang dayo, koo: bidbang ri ashau" myang loo wa-ga: tid. Houg: lang" jang: Eluma gi myo, jed' lo" wigi dayug gi nya: lo, mo she: yu baja" ga- soeb, sho: yen" bye.

ACTS 2:43

Lagyoo: yi khyo" wigi mau" pho" alhoo: again joem myoo" sho' toin" shed boem yoomo byu yug khang" moo" gi gyoug dain mau" ci' ago".

ACTS 5:13

Meing: byu yi gi nyangnu" ri gye" coung" dang: sang: boem nghoid loug we' gooji gi hang" we' nyangnu" ri avoem" zoem" nghoid ago".

1Korinthians 4:21

Ngoo gi nanu" jang" moo: voosi" ci: lho: ri" wa la" Hougsu" anghoid lang" gi jheddab nu" nham, da" nheigloem: yo' ju" ri" wa la" Nanu" kha: loem: ri vho: nyid go" la"

2~KORINTHU 13:10

Nanu" yo' ve: lain nyid uri ngoo he: da" mougsoug" ri lhid" da" khyoo: gi ngoo nanu" jang" moo ju" re" uri Aseing: ngoori byid: to" da" myeung" akhang" gi nanu" ri lhu: phyo' pyam wa shid mo anghoid. Nanu" ri so' koid so' nyheung wa shid re" nghoid.

2~KORINTHU 13:2

shid phyang" yoobo koid lid lo yu" bye: mo, yo' katu: dangain" ri ngoo tid nau nyid. Hau: khyoo: ri shid phyang: ngoo eig.lheung: lheung: ju" re" uri tid bye: ziyo' dakyoo" ti"- Akhid" nanu" yo' we: gang: nyid uri we' ngo dalheung: doem tid shi" wa. hau: khyoo: gi thang: lheung: ri ngoo doem ju" re" uri nanu" dayug we' dang: phyed shen" yhen: jang" mo yo" loid goo" wa zi anghoid.

2~KORINTHU 7:11

Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

TARHA" TID POIN" 13:11

Hau: thang: he: khyoo: ri Israela byu dangain" gi shau" gyo: wigi gyoug loo goo" wa. Houg: lang" houg: te" da" akhyeing" moo" ri hang" we' adoem koid loo wa.

TARHA" TID POIN" 21:21

Hau: thang: hau: voomoo" mo yuggi yigi nyang: ri lug boem wigi du" said pyam ca" da:. Hougsu" khyo" nanu" gi akhyeing" ashoeb ziri yu pyam wa zi nghoid. Israela mung" mo yugkhang" moo" gi bue" loo bye: da" ziri shau" gyo: wigi gyoug goo" wa.

YOSHU 22:20

Phyo' shoin: pyam wa dang: phyed to" da" zi joem khyoo: yo' sen: wigi amyeing" byid: da" dang: ri atam" gyoo: he: pyam da" Zera da" yuggi zoo: Akhan khasu" bue" ziri myid boin: ge'. Hau: gang mo Israela byu phung: goin" yooboo dam byid: zi shau" ago". Akhan gi nya: yooboo gang moo: nyang: dayug khyeing" shid: zi anghoid» ga: zi nghoid.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

Pang Shug 11:5

Hau: sagse: eig yug ri dam, tab wa ga: byu dayug yoem: kaid' yu" nghoid loug we' nya: eig youg da" nhoid mo myiyham: thu' re" lho: hau: gyivoo yi ringhe, jhoem" pyam wa. Nya: eig yug ri dam, tab wa shid re" yoem: kaid' lo mo, dangain" ri we' houg: su" said' pyam' zi shau" boem wa nghoid.