ACTS 5:42 - Lacid Common Language Bible

⁴² nyid" Khang" moo" noku yhoem: moo" moo we' - mung" byu yi jang" moo we' Yesu gi Meshia nghoid ga: da" khyoo: ngeibu: ludang: seig ri xo' lho: jhau" mho' kho" kyo" nyid boem ago".

ACTS 5:42 교차 참조

2 SAMUELA 6:22

Je wigi shang pyang: sho' koid shi" wa zi nghoid. Nang gi ngoo ri ci: anghoid ga: myid loug we' hau: myiyi: joem gi ngoo ri gye" myhang: khyo" she' myid wa zi nghoid.

LUKA 21:37

Yesu gi hau: danyid" goin" noku yhoem: moo" moo jhau" mho' byid: nyid lho: myenthang: zoo" rigi zhainlun ga: da" boug khyoo: do, lo" lho: damyen goin houg: moo lo" nyid.

LUKA 22:53

Ngoo nyid" khang" moo"- No' ku" yhoem: moo" khoug: moo nanu" yo' dage" nyid da" uri nanu" gi ciwim ngoo riamyheig go" Nghoidloug we' he: da" ayo, gi nanu" da" ayo,- moug coid da" phung yoeb nghoeb ci: da" ayo, nghoid ga: tid.

ACTS 11:20

Nghoid loug we' hau: loem" jeung" loo bang: mo Kupru yo' kureni mung" moo nyid mo, dayham" gi Antioki voogung khyoo: ju" lo" wigi tung: boug ri we' Aseing Yesu' da": ngei bu: ludang: ri yhe: kho" kyo" boem ago".

ACTS 13:32

Coung" nghei, jikhoin" mougsoug" abeing: eig loem: moo Nang gi nga" zoo: nghoid- Akhid" nyid" ngoo nang ri khu: kaid da" Re" phoo nghoid- ga: tid to. Houg: yo' dakhyoo" ti" Mangsoo gi Yesu ri dei, to loo" nhang: khyo" - ngoonu" da" phoug" phyid" yi ri byid: to" da" dang: soo" khon" gi nyangnu" da" myed: zoo: yi nghoid mo, ngoonu" moo zei: pyeung byid: abye:. Houg: yoomo ngoonu" gi he: da" ludang: gi, ri nanu" ri tid kyoo" wa shid mo he: joyoo moo ju" re" zi nghoid.

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

ACTS 17:3

Meshia gi dayam, dayoo: kham' zoo: ca" wa ziyo' - shid: jang" mo doem, dei to'' loo wa"- ga: da" khyoo: joem ri jhoem: mougsoug" moo shid' lho: nyangnu" ri phyed' phyed' kho' kho' tid kyo" nyid. Polu gi nyangnu" ri hid: ngoo tid kyo" nyid da- Yesu gi Meshia nyang: nghoid bye"- ga: tid kyo.

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ACTS 20:20

Meing: byu yi da" shid khoin" moo yo' nyangnu" da" yhoem: joem moo ngoo kho" kyo" jhoug" byid: nyid da" uri nanu" shid mo akyu" bo da" dang: dakhoin" ri we' - ateung to" ziri nanu" nyang: si' bye.

ACTS 4:20

Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

ACTS 4:29

Asing: we" akhid" nyangnu" youg nhain, nyid da" khyoo: ri re" mungdang: ri yo" kho" kyoo" nhang: we'.

ACTS 8:35

Hau: thang: ri Philib, gi hau: jhoem: dang: mo ayang: qei" lho: Yesu khyoo: yo' sen: da" ngeibu: ludang: seig ri kho" kyoo" byed.

ACTS 8:5

Philib, gi Samari mung" mo voomoo" khyoo: yhe: lho: hau: voobyu yi ri Meshia yo' sen: da" khyoo: ri yhe: kho" kyoo" bye.

ACTS 9:20

Nyang: gi Yuda tarha" jung joem khyoo: dain: yhe: lo" lho: Yesu gi Mangso nya: zoo: nghoid- ga: khyoo: ri kho" kyoo" byid: bye.

1Korinthians 2:2

Khasu" wim gari- ngoo nanu" yo' nyid da" ayo, moo: Yesu Khristu da" khyoo: ri je" wigi- pyang" zeing tho' moo: Aseing shid: kham: tho' mo, jain" wigi- khyoo: goo tu: jo, moo: jo, ri to" myhed, pyam wa shid re" ngoo myid phyed' pyam bye.

GALATI 1:16

Hau: thang: ri tung bau, byumyu" yi ri nya: zo: da" ngei bu: lu dang: kho" kyoo" wa shid re" nya: zo: ngoori toin" shid' da" uri ngoo gi hang" da" phajhi" byid: khyoo: ri we' amho, yu yu".

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

2 TIMOTHI 4:2

Hau" mungdang: kho" kyoo" wa shid re" se' gyoo: nhang: wa shid re" yooboo toin" shid' lhoo: gyikoid wa shid re" yoem: foin, byid: wa shid re"- nheugloem: sheing:' sheing: jhoug" byid: mhoo, byid: wa shid re" ayo, aboin: eung: nghoid loug we' acoung: nghoid loug we' yoem: dakhaid nyid we ein: ngoo nang ri doin: nyhen" nyid.