ACTS 5:41 - Lacid Common Language Bible

⁴¹ Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

ACTS 5:41 교차 참조

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 65:14

Nyangnu" gi nyid pyo: wigi jikhoin" khoin" loo goo" wa. Nghoid loug we' nanu" gi nheigloem: thang wigi ngau loo goo" wa.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 5:21

Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".

Roma 5:3

Sho" jhen: koug shu: nyid loug we' ngoonu" gau yi ngei pyo: nyid. Sho" jhen: koug shu: da" khyoo: ri yo" zeing: oung: pyam' wa khyoo:

2~KORINTHU 12:10

Hougsu" nghoid yoomo ngoo gi Khristu yoomo kham zeing: da" yoem: nu: khyoo joem- zeing:-kyi" khyeug khyoo:- pyishoo: lug lheung: khyoo: yo yau: khe" khyoo: yoomo gau yi nheig deug nyid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

3 Yohan 1:7

Khasu" wim ga: ri nyangnu" gi aloem" ajeung" da" tung: bau, byu yi jang" mo pang" thoug ziri akham: yu loo: za: Khristu da" moozoo" moo so" yen" bang: nghoid boem ago".