ACTS 5:4 - Lacid Common Language Bible

⁴ Hau: moug: gi a- ung" shi" gu: we' nang seing: shi" - oung" pyam' thang: ri we' hau: yoo moug: myed phoug" ngei we' Re' ngei nghoid. Houg: su" nghoid ri ciwim wigi hougsu" koid wa shid re myed phyed' pyam' lha". Nang gi byu ri mhau' zi anghoid- Mangsoo ri mhau' zi nghoid- ga: nyang: ri tid.

ACTS 5:4 교차 참조

1 KHOKHAM MHOOMYID: 29:17

Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.

1 KHOKHAM MHOOMYID: 29:3

He atho' mo gu: ri ngoo byid: too" bye:. Ngoo gi Mangso Noku Yhoem: Moo" ri jheddab da" gang mo ngoo nya: jonu" mo ngei yo' sheing: ri byid: bye:.

1 KHOKHAM MHOOMYID: 29:5

Houg: lho: lo, moo" dab bang: moo" zei: wa zi dangain" ziri ngoo byid: bye:. Akhid" Aseing ri myid boo tung" byid: nau byu hang" nyid la"» ga: myid:.

1 KHOKHAM MHOOMYID: 29:9

Byumyu" yi we' Aseing ri kang: lung bu tung" byid: boem wigi nyangnu" myoo" sho' shau" byid: wigi pyo: boem ago". Khokham David we' atho' tid loo: sho' pyo: da:.

YOBA 15:35

Yau: khi" ri kyam: to" wigi akhyeing" moo" ri koid nyid da" byu dayham" nyid ago" Nyangnu" da" nheigloem: moo khanham we' mhoug fain" zi byeung" jo, ago".

COUNG" NGHEI 139:4

Aseing we" ngoo ci" we' atid shire- ngoo ce: noem tid wa ga: ziri nang dangain" si' gu nghoid.

COUNG" NGHEI 7:14

Akhyeung" bang: gi age khyoo: ri khasu" yo" koid wa lha" ga: myid soin: nyid ziri yu" yu" we'. Nyangnu" gi kyi" khyeug byid: wa ziri soin' lho: mhau, fain" khyoo: ri zei: so, nyid boem.

THU' LO" MOUGSOUG" 16:8

Hau: thang: Moshe gi «Nanu" nyang: ri khayi' myeing" myo: ziri nyang: shoug" gyoo: yoomo nanu" shid re" myen" thang: zoo: wa shid re" shoo" yo' nab soin: nanu" vho: nhoo' zoo: wa shid re" zoo: noem Aseing byid: wa zi nghoid. Nga" tang: ri nanu" myeing" myo: zigi Aseing ri myeing" myo: zi nyang: nghoid bye:» ga: tid.

THU' LO" MOUGSOUG" 35:29

Moshe ri amyeing" byid: to" da" moo" shid re" alu: jhungshug byid: nau boem da" Israela byu yi gi nyangnu" jhungshug joem Aseing jhang ci: re" byid: ago".

PHAJHI" DANG: 5:5

Dangsoo" byid: lho: ayo" cang pyeing wa tho' moo dangsoo" nyang: ajha" byid: ri je ge da:.

ESAIA 59:4

Nanu" tarha" yung" khyoo: yhe: ago". Nghoid loug we' nanu" shoid moo tarha" deungmain" zi ayo" yu nghoid da:. Nanu" moo" ri ung: wa shid re" mhoug da" dang: joem ri nanu" nghe: ago". Subi" gootu: ri doem tab wa nanu" soin' to" da" moo" joem ri zei: thu kaid da:.

EZEKIEL 38:10

He: zigi Goga ri yoem: moo" bo Aseing tid zi nghoid da:. «Hau: ayo, ju" lang" nang gi akhyeing" da" moo" zoo" ri myid shid" thu loo wa.

GYUNG: SOO" 16:11

Nanu" Arun ri thougtheung myeing" myo: zigi nang yo' re" thang: cang bang: gi gyeing" nyang: Aseing ri thougtheung myeing" myo: nyid boem zi nghoid» ga: tid.

LUKA 10:16

Yesu nya cangzoo: yi ri tid zigi nanu" da" dang: ri tam" gyoo: mo gi nga" dang: ri we' tam" gyo: zi nghoid bye. Nanu" ri keing" pyam mo gi ngoori keing" pyam zi nghoid. Ngoori keung" pyam zigi ngo ri nhang: kaid su: ri keing" pyam zi we' nghoid bye.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

ACTS 5:9

Houg: yoomo Petru gi-re" yhoem: seing: phoo yo' re" eig yug gi Mangso Venyi ri ca: yu" wa shid re" ciyoomo wigi nheigloem: sham: shoin" lho: myed phyed' go" lha". Re" yhoem: seing: phoo ri yhe: dang nynhoeb, pyam' bang: gi akhid" khoem" duang: nam, moo ju" lo abye: go- nyangnu" gi nang ri we' tung: gung khyoo: shau" dang thu' lo" boem wa nghoid.

1Korinthians 8:8

Zoo: noem gi Mangsoo yo' ngoonu" tei" xo' go" da" khyoo: moo- ce: noem myo: loung: loo nhang: khyoo: ci: ajo. azoo: nghoid loug we' ngoonu" moo: ce: noem yoem" soem" loo" wa khyoo: ajo, zo: nghoid loug we' ci: loung: loo wa khyoo: aboo.

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

PHILIMON 1:14

Nghoidsho loug we' ngoori pang" thoug yu wa shid re" nang ri nhang: khyo" ngoo akoid noug nanyang: gye" myid pyo: ziyo' bo pang" thoug wa ziri ngoo vho: ngei nyid. Houg: yoomo nang myid aveung" zi ce" noem we' ngoo akoid wa.

YAKU 1:15

Nyang: myed vhoo: myed ngei da" khyoo: gi gung lid: lo lho: yooboo ri khu: kaid bye- hau: yooboo yang" deung loo lang" gi shid: lo" ziri khu: kaid.

1 SAMUELA 8:7

Aseing tid zigi «Byumyu" yi nang ri tid lo da" khyoo: dangain" ri nang tam" gyoo: byid: we'. Nyangnu" he: pyam zigi nang ri anghoid nyangnu" da" khokham nghoid da" ngoo ri he: pyam nyid zi danghoid nyid.