ACTS 5:12 - Lacid Common Language Bible

¹² Lagyoo: yi da" lo, khyo" wigi mung" byu yi da" mo, phung: moo mau" pho" moozoo" joem ri myoo" sho' zei: shug ago". Loem" jeing" bang: dangain" mo, gi Sholumon mug byam" khoug: moo dage" za: foem: phoung nyid boem ago".

ACTS 5:12 교차 참조

YEREMIA 26:9

He: Noku Yhoem: Moo" gi Shilo voogung yhang: ti" bui" wa. Houg: lho: he: voomoo" gi phyo' shoin' pyam zi shau" wigi houg moo hang" we' anyid goo" wa ein: Aseing myeing ri lang: wigi nang ciwim tid lha"» ga: nyho: tid ago".- Hau: thang: byumyu" yigi nga" jhang foem: lo ago".

MARKU 16:20

Houg: lang" cangzoo: yi gi thu' yhe: lo" lho:-joyoo khyi, khang" moo" moo ngei bu: Ludang cang kho" kyo" lo". Aseing: gi nyangnu" yo' dage" moo" zei: yen" wigi-mau" pho" alhoo: again toin" shid khyo"-hau: mungdang: ri geung: teung jo, nhang. (9. Myiyi yi gi-Petru yo' nya: byen cang" yi jhang yhe: lho: nyangnu" ri tid da" dang: joem dangain" ri leung" khyo" wigi-nyangnu" ri yhe: tid kyo" ago". 10. Hau: thang: ri Yesu nyangnya: cangzoo: yi ri apyaid ato: khyoid' yu da" gyeungshang: zi ngoid dei nyid da" ludang: ri bid thu shoid mo zi bidvang shoid moo ju" sho' yhe: kho" kyoo" wa shid re" nhang: kaid.

YOHAN 10:23

Aseing Yesu gi no ku" yhoem moo" mo, Sholumon da" vang khoem" moo so" lheing yen.

YOHAN 4:48

Yesu tid zigi nang gi mau" pho" da" alhoo: again ri ashau" myang nghoid ri gi loem" jeing" wa zi anghoid.

ACTS 1:14

Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

ACTS 14:3

Lagyoo: yi gi hau" joyoo moo-myang" sho' zheung: nyid boem wigi Aseing: da" Khyoo: ri agyug avoem loo: za: Kho" Kyo" boem ago- Aseing: gi houg: bang: kho" kyo" khyoo: gi deingmain" khyoo: nghoid ziri sag si: bue" loo wa shid re" mau" pho" alhoo: again yo' koid shug wa da" yoem: ri vhoo" phung" yoeb, ri byid: to.

ACTS 16:18

Hau: myiyi: nu" gi hougsu" myoo" sho' nyid" nyho: nyid yoomo Polu gi nheig gye" yoo: nau, lo wigi lheung: lo lho: Yesu khristu da" myeing ri lang: wigi ngoo nang ri amyeing" byid: ba- nya: khoug: mo phang: thu' loo" we' ga: hau: akhyeung" da" yu ri tid kaid'. Houg: lang" jang: hau: akhyeung" da": yu gi myiyi: nu" akhoug: mo, phang: thu' lo" byug bye.

ACTS 19:11

Mangsoo gi Polu khyo" wigi mau" pho" alhoo: again ri zei: shug byid: nyid.

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ACTS 28:9

Hidsu" bain bue" lo" thang: ri hau: gugyoo: kang: moo nyid da" noo, phyoo" aja: ja: shau" nyid bang: gi Polu jang" moo re" lo boem wigi nyangnu" dangain" bang: gi noo: phyoo" ge:, shang: lo" boem bye.

ACTS 3:11

Sholumun ga: da" mugbyam" khoug: moo hau: yug gi Petru yo' Yohan ri cang: zei: nyid uri - byu yi gi yu" mau" ziyo' nyangnu" jhang khyoo: gei re" boem.

ACTS 4:30

Noo gi byid: wa shid re re" da" lo, ri yhoin" kaid' byid: we'. Re" da" gyeungshang: dei zoo: Yesu da" myeing khyo"-mau" pho" alhoo: again bue" thu' loo nhang: we' ga: mho' nyid ago".

ACTS 9:33

Hau: da" voogung moo gung joem: shid: lho: ayo" too, loo: shed' zain' loem: loem: nyang- yhoeb, joyoo moo leung jo, da- Ainea ga: su: dayug ri Petru gi yhe: myang bye.

ACTS 9:40

Houg: lang" Petru gi Nyang: nu" dangain" mo, ri tung: gung kyoo: thu' loo" nhang: lho: poid thug thoug wigi akyu" mho' nyid. Hau: thang: ri mang jo, shoid khyoo: lheung: lho:" Tabitha we" too' we' - ga: tid. Houg: lang" Dorka gi myo, phang kaid' lho: Petru ri myang wigi nyang: gi to' zhoung: jo, bye.

Roma 15:19

Houg: su" Mangso: da" mungdang: ri yo" tam" gyo: lo da" khyoo: gi ngoo tid dang: zei so' yoomo we' goo" ki lid toin" shid' da" mau" pho" moozoo" yoomo we' young" gyeing" Venyi: da" yoem: vhoo" yoomo we' nghoid nyid.- Houg: su" nghoid yoomo ngoo gi Yerusalem voomoo" mo Iluri moug: jo yoo khyi khang" moo" moo ju" sho' Khristu da" ngei bu: lu dang: ri kho" kyoo" bye.

2~KORINTHU 12:12

Ngoo gi Lagyoo: dayug nghoid khyoo: sagsi: toin" shid wa shid re" myo: thang" da" alhoo: again joem yo' mau" pho" moozoo"- joem ri nanU" da" shid khoin" moo nheigloem: gyi: sheung: ziyo' toin" shed lid lo yu" bye.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.