ACTS 5:11 - Lacid Common Language Bible

¹¹ Phung goin" bang: yo' gootu: dangain" bang: hau: khyoo: ri zheung: shau" gyo: lo" boem wigi gye" gyoug nyid boem bye.

ACTS 5:11 교차 참조

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

YEREMIA 32:40

Ngoo gi nyangnu" yo' apyaid atoo: dang: theing koid wa. Nyangnu" shid re" gi koid ziri ngoo athang nhang: wa. Nyangnu" ngoo mo aphoug loo" wa shid re" nyangnu" da" nheigloem: dangain" wigi ngoo ri gyoug phoug" da" myid nyangnu" ri kaid byid: wa.

ACTS 19:17

Ephesu voogung moo nyid da" Yuda byumyu" yi yo' Tungbau byumyu" yi dangain" bang: gi hau: ludang: ri zheung: shaug" gyoo: lang" gyoug lo lho: Aseing Yesu myeing ri je" wigi coung" nghei nyid boem.

ACTS 2:43

Lagyoo: yi khyo" wigi mau" pho" alhoo: again joem myoo" sho' toin" shed boem yoomo byu yug khang" moo" gi gyoug dain mau" ci' ago".

ACTS 5:5

Anani gi he: da" dang: ri shaug" gyoo: yo' dage" dalheing: dam shid: leung loo" khare" khyoo: ri shaug" gyoo: mo, gi gye" gyo: gyoug nyid boem ago".

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

PHILIPI 2:12

Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.

HEBRE 11:7

Ju" loo wa da" ayo, moo bue" loo wa da" amyang yu" shi" da" zi joem yo' sen: lho: wigi Mangsoo tid poin" nyid ziri No- a shau" gyo: zigi nyang: loem" jeung" nyid yoomo nghoid. Nyang: gi Mangso dang: ri tam" gyo: wigi Sang phoo lhid' daloem: ri zhug lho: nya: yhoem: ikoin deungkhu: ri yo" khyoid yu abye:. Hougsu" nghoid yoomo mougmyid ri nyang: dang: phyed' wigi No-a gi loem" jeung" khyoo: yo' sen: da" deingmain" da" agyid asoo: riyo" kham: yu abye:.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

HEBRE 12:28

Houg: su" nghoid yoomo nanu" yo" yu da" mungdain gi adei aloeb, da" mungdain nghoid wigi ngoonu" Mangsoo ri coung" nghei nyid boem shang. Nyang: rijeju" boin: lho: gyoug phau" myang: da" e" myed yo' Aseing: vho: ngei wa khyo" Mangsoo ri loem, khau: noku nyid boem shang o".

HEBRE 4:1

Akhid" Mangsoo gi ngoonu" ri ngei bu doug shau" no: khyoo: ri kham: yu nhang: wa ga: wigi byid: to" da" dang: theing khoin" jo, bye. Hau: dang: theung to" da" ngei bu doug noo: joyoo ri nanu" mo dayug we' ayo" yu mo, abui" goo" baja"- ngoonung" gung youg yau nyid boem.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".