ACTS 4:34 - Lacid Common Language Bible

³⁴ Nyang: nu" da" phung moo ca" yo khyoo: ga: zi gi ci" we' aboo loo: nghoid ago, khasu" wim gari yoothung" yoogu, yoo" bang- yhoem: yoo, yooboin: yoo" bang: gi dangain" oung" pyam' lho: yo" ngei joem ri lagyoo: yi da" lo, khoug: moo re" ab, byed boem.

ACTS 4:34 교차 참조

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

MARKU 10:21

Yesu gi nyang: ri jheddab myid yo, tu: yu" lho: nang daja: ca" shi"- nang loo" shi" we-re" soid' gain jo, nu" joem ri lo" oung" pyam' lho: myoung shoo" mo, ri gam byid: we' houg: lang" nang mougkhoung: mungdain: moo soid' gain yoo" wa nghoid. Hau: lho: nga" thang: moo cang we' ga: tid da.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 16:9

Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

LUKA 22:35

Hau: thang: ri Ngoo gi nanu" ri ngei thung:- thung: vhui" khyid: baid aci: nhang: loo: danhang: kaid. Hau: uri nanu" moo daja: ja: ca" goo" la"» ga: nya: cangzoo: yi ri myid. Cangzoo: yi koem gi ci: aca" ga: doem tid boem.

ACTS 2:45

Nyangnu" gi nyang: nya: da" ziyoo soid gain joem ri oung" pyam boem lho: wigi hau: ngei zi joem ri kha: yug khamyoo, ca" nyid khyo" cang wigi-nyang: cang" nyang: coem gam go" ci: boem.

ACTS 4:37

Nyang: yo" da" moug: myed ri oung" pyam' lho: yo" yu da" ngei joem ri lagyoo: yi jang" moo re" ab, byed.

2~KORINTHU 8:14

Nhgoid loug we' akhid" ayo, moo nanu" gi agoin agoo" yo'" yu nyid boem yoomo-ca" yo, nyid bang: ri pang" thoug wa shid re" gi_ young" du nyid zi nghoid. Danyid" bid nyid ri nyangnu" agoin, agoo" yo" lo wigi nanu" moo ca" yo, nyid nghoid rigi nyangnu" we' nanu" ri doem tau" pang" thoug byid: lo boem wa nghoid. Hid: khyo" wigi nyang: cang" dakhyoo" ti" yo" pang" yo" thug go.

TARHA" TID POIN" 2:7

Nanu" Aseing Mangsoo gi nanu" koid bye: da" moo" ja: khang" moo" ri khasu" mainkaid byid: lid loo bye: ziri myid boin: ge'. Nyang: gi nanu" ri he: damung" dadain: gyi: da" dain" pyoid yoo khyo" nanu" so" lheing: yen" uri yu" goem abye:. Nyang: gi myid: xi: zain nanu" yo' dage" nyid lho: nanu" ca" gu: ja: khang" moo" ri nanu" yo" yu abye: go".

1THESALONI 4:12

Khyoo: he: khaid khyo" wigi nanu' giloem" jeing" bang: phung byu anghoid mo, da" -phau" myang: khyoo: ri shau" kham: yu boem wa zi nghoid- hau: tho' moo gootu: nanu" da" ca" yo, khyoo: yo' sen: lho: hang" ri we' anghe: khoug ca" lo: boem wa zi nghoid.

1 TIMOTHI 6:19

Hid: khyo" wigi nyangnu" gi thang: phyang" pyaid shid' re" geung: teung da" apoem: ayan: bue" nyid goo" baja"- phoug" dab, da" soidgain' ri nyangnu" shau" young: to" lho: Kangso' dei khyoo: gyeing" nyang: shau" yu to" boem wa zi nghoid.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.