ACTS 4:21 - Lacid Common Language Bible

²¹ Houg: yoomo Yuda tarha" yab, do, mo bang: gi-nya: eig yug ri je" thain khyo" zid" nhang: kaid' ago". Byu yi dangain" bang: gi bue" jo, da" khyoo: gang mo, Mangsoo ri coung" byid: nyid boem ago". houg: yoomo nyangnu" gi nya: eig yug ri yoobo dam ayo" byid: khyoo: Ri: yo" yu" se' yu boem ago".

ACTS 4:21 교차 참조

MATHE 15:31

Houg: yoomo dang: ase tid mo, gi dang: se tid lo:- Gung yoin" mo, gi yangzain: lo- khyid: gyoug: mo, gi khyoo: yo" so" zi myo, amyang lo: mo, gi myo, doem myang ziyo'- Israela da" Mangsoo ri coung" byid: boem yoomo byu phung: moo" yi gi gye" yu" mau" nyid boem.

MATHE 21:46

Houg: yoomo nyangnu" gi Yesu ri myheig tei" wa da" khyoo: sho: lo" nyid ago". Nghoidloug we' nyangnu" gi mung" byu yi ri gyoug boem ago". Khasu" wim gari Meing: byu yi gi Yesu ri Lapi: nghoid ga: loem" jeung" nyid boem yoomo nghoid.

MATHE 26:5

Nyangnu" gi mung" byu joem thei" lu lhufu go" loo wa yoomo pui" uri amyheig a tei" wa khyare" tid go" to.

MATHE 9:33

Hau: yu ri khaid thu' pyam' byid: lang" nhoid jed su: gi dang: se' tid lo. Houg: su" yoomo mung" byu yi gi dajha" mau" lo wigi «Israela byumyu" moo he: yug te" zi gi khanham we' myang yu».

MATHE 9:8

Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.

LUKA 13:17

Hid: su" ga: tid kaid thang: ri Yesu ri gyikoid noug mo, gi sho' thu' abye: go. Byu phung: moo" dangain" mo, koem gi Yesu zei: da" mau" pho" moo" joem yoomo gau yi ngei pyo: nyid boem.

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

LUKA 20:6

Houg: su" anghoid lang" gi Byu yi da" amyeing" akhang" khyo" koid:- ein: tid nghoid ri yen gi Byu myoo" sho' mo, gi Yohan ri Lapi: dayug khyo" loem" jeing" to" boem yoomo ngoonu" ri luggo yo' du" boem wa nghoid. Nyhang" khasu" sang: wa lha"» ga: nyang: cang" nyang: sham: ngeig go" nyid.

LUKA 22:2

khainjung agyi moo": yi yo"- Tarha" sara" yi gi byu phung: yi ri gyoug yoomo Yesu ri yo" gau" said pyam wa da" akhyoo" shoo: go" nyid.

LUKA 5:26

Byu dangain" mo, gi soo" soo" gyoug dain yu" mau" boem wigi Mau" pho" moo" khid" nyid ngoonu" myang bye ga: tid go" lho: Mangso ri coung" byid: boem.

ACTS 4:17

Nghoid loug we' mung" byu yi jhang khyoo: he da" ludang: aje: loo" wa shid re" hau: eig yug ri Yessu da" myeing ri lang: lho: khanham we-hang" ri we' adoem tid loo: shid mo-tid poin" too" shang" - ga: sham: go" to.

ACTS 4:22

He: da" mau" pho" alhoo: again khyo" yo" ze, yang" zain loo nhang: su: da" apyaid' gi myed: xi: zain' jain" koo: boo bye: su: nghoid.

ACTS 5:13

Meing: byu yi gi nyangnu" ri gye" coung" dang: sang: boem nghoid loug we' gooji gi hang" we' nyangnu" ri avoem" zoem" nghoid ago".

ACTS 5:26

Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.