ACTS 4:17 - Lacid Common Language Bible

¹⁷ Nghoid loug we' mung" byu yi jhang khyoo: he da" ludang: aje: loo" wa shid re" hau: eig yug ri Yessu da" myeing ri lang: lho: khanham we-hang" ri we' adoem tid loo: shid mo-tid poin" too" shang" - ga: sham: go" to.

ACTS 4:17 교차 참조

YEREMIA 38:4

Hau: thang: moo" voin zoug: yigi khokham pho jhang yhe: lho: «Byu he: yug ri said pyam ca" da:. Nyang: hougsu" tid nyid yoomo he: voomoo" moo nyid da" gyizoo: yigi voem" da" myid byug byug abye: go". Houg: lho: nyang: gi voomoo" khoug: moo nyid deing jo, boem bang: gootu: yugkhang" moo" ri we' dakhyoo" ti" za: tid nyid da:. Nyang: gi byumyu" yiri pang" thoug wa shid re" yoem: akaid nghoid da:. Nyangnu" ri dam za: dab nhang: nau nyid da» ga: tid ago"

AMO 2:12

Nghoid loug we' nanu" gi Naziri byu yiri zabyid yhid: shug nhang: lho: wigi Lapi: yiri we' nga" mungdang: atid wa shid re" toem' pyam ago".

MATHE 27:64

Houg: su" nghoid yoomo nya: loeb moo soem" nyid ju" sho' goo" lho: myhed" pyam lho: zung" nyid ca" shi" wa amyeing" byid: kaid we" ga: yhe: tid boem. Houg: su" akoid to: rigi nya: cangzoo: yi gi nya: mang ri re" khau" lho: vi: khyoo:- ayo" ci: loo" wa zigyo' nyang gi shid: jang" mo doem dei loo bye ga: subi" ri ayo" tid fu" wa. Houg: lang": gi xang: shid" mhau to" da" tho' moo thang: ri mhau da' khyoo: gi je shoid vhang: loo" wa yhe: tid boem.»

MATHE 9:30

Houg: lang" nya: eig yug myo, myang lo. Yesu koem gi «he: khyoo: hang" we' asi baja" zid" ge'» ga: zau" too" nhang: da:.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

ACTS 4:21

Houg: yoomo Yuda tarha" yab, do, mo bang: gi-nya: eig yug ri je" thain khyo" zid" nhang: kaid' ago". Byu yi dangain" bang: gi bue" jo, da" khyoo: gang mo, Mangsoo ri coung" byid: nyid boem ago". houg: yoomo nyangnu" gi nya: eig yug ri yoobo dam ayo" byid: khyoo: Ri: yo" yu" se' yu boem ago".

ACTS 5:24

khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

Ephesu 6:9

Yhoem: seing: yi we"- nanu" we' houg: yo' dakhyoo" ti"- nanu" da" join, yi tho' moo cang zei: so" nyid ge'- nyangnu" ri kyoug nhain' khyoo: no: pyam' ge'- nanu" yo' nanu" da" join, yi gi moug: khung: mo Aseing: dayug yo' za: sen: bang: nghoid- hau" aseing: gi yug khang" moo" ri myonhoo: akhyin: loo: za: tarha" dang: phyed' nyid su: nghoid ziri myid boin: nyid ge'.

1THESALONI 1:8

Khasu" wim ga: ri nanu" jang" mo wigi hau" Aseung: da" mungdang: gi Makedoni mung" yo' Akhaia mung" goin" jang" moo fu" nheung lo" ziza: we' anghoid loo- Mangsoo moo nanu" da" loem" jeung" loem, khau: khyoo: ri we' joyoo khyi khang" moo" moo byo ngam, loo" bye- Koug: su" nghoid yoomo nanu" ri citid' cang aboo loo.

1PETERU 2:23

Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.