ACTS 4:12 - Lacid Common Language Bible

¹² Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

ACTS 4:12 교차 참조

APOEM AYANG: 7:19

Hau: gyid gi atho' tid nau" lo wigi myhang: thang da" boem we' noeb khare" zigi

YOBA 41:11

Nyang: ri khaid zain: wigi hang" yo" goem loem nyid wa la". Myid gung byu xangsu: hang" dayug we' hougsu" ayo" koid nghoid da:.

COUNG" NGHEI 45:17

Nga" da" jihkoin" dang: joem gi re" da" myeing khyang" ri pyaid moo: too: moo bugthu sheing" jhu" nhang: wa zi yo' byu yugkhang" moo" gi nang ri pyaid moo: too: moo coung" nghei nyid boem wam bye: o".

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

ACTS 2:5

Moug: myed tho' moo dajo, da" mungdain loem khang" moo" mo ju" re" boem da- Mangsoo ri gyoug phau" da" Yuda byu yi gi Yerusalem voomoo" moo nyid nyid ago".

1Korinthians 3:11

Khasu" wim gari- Mangsoo gi Yesu Khristu ri dayug kyeung" da" apoem: nyang: mo, ayang: qei" too" bye: ziyo'- gootu: apoem: ayang: yo" qei" too" loo: wa zi anghoid.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

HEBRE 2:3

Hid: yhi' gyi sheung: da" jeju" mungdang: ri-ngoonu" gi ci: asoin: loo: koid pyam boem nghoid rigi ngoonu" gi khakhyo" wigi yooboo dang: phyed jang" mo khasu" koid se' loid byoin, loo" wa lha". Hau: khyoid yu khyoo: ri xang: shed" moo Aseung da" nhoid mo nyang: tid kyo" lho: shaug" gyoo: bang: gi hau" mungdang: gi deungmain" nyid ziri sagsi: toin" shid nyid boem bye.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.