ACTS 3:6 - Lacid Common Language Bible

⁶ Petru gi ngoo gi ngei dakyab, we' ayoo - nghoid loug we' ngoo yo" ja: nang ri byid: wa. Nazared mo yesu khristu da" myeing yo' ngoo nang ri amyeing" byid: da -to yab, lho: khyoo: so" loo" we'. ga: tid.

ACTS 3:6 교차 참조

MATHE 10:9

Nanu" da" thung: i" moo ngei sheing:- gyid: joem: ri akaid to" goo".

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

MARKU 14:8

Nyang: koem gi nyang: yo" koid yhi' koid abye:- nyang: gi myhoeb pyam wa nga" shid' mo soin' myeung lho: xu: joid byid: abye:.

MARKU 16:17

Loem jeung" mo, gi he: da alhoo: again joem ri yo" koid va, nga" myeung khyang" khyo" wigi yu joem ri khaid thu' pyam boem wa nghoid. Hau: lho: goo" ki" lid da" dang: joem ri tid loo goo" wa.

YOHAN 19:19

Pilaid khokham" gi-xang: yoeb ladoo" mougsoug" lhid" lho: Aseing Yesu da" pyang" zeing: tho' moo tab too" nhang. Hau: da" mougsoug" gi (Yuda byu yi khokham" Nazared voo byu Yesu ga: zi nghoid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 16:18

Hau: myiyi: nu" gi hougsu" myoo" sho' nyid" nyho: nyid yoomo Polu gi nheig gye" yoo: nau, lo wigi lheung: lo lho: Yesu khristu da" myeing ri lang: wigi ngoo nang ri amyeing" byid: ba- nya: khoug: mo phang: thu' loo" we' ga: hau: akhyeung" da" yu ri tid kaid'. Houg: lang" jang: hau: akhyeung" da": yu gi myiyi: nu" akhoug: mo, phang: thu' lo" byug bye.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 3:16

Houg: yoomo nya: myeing yo' yoem: so' gi-he: khyid: yoin" su: ri ge loo nhang: bye. Nya: myeing ri loem" jeung" khyo" wigi Nanu" myang se' ziyo' dakhyoo" ti" bue" lo zi nghoid bye. Nanu" shau" myang ziyo' dakhyoo" ti" Yesu ri loem" da" nheigloem: wigi he: khyid: yoin" su: ri goolhoo: za: ge loo" nhang: abye:.

ACTS 3:5

Houg: yoomo hau: khyid: yoin" su: gi-nya: eig youg jang" mo daja: ja: yo" yu abe ga: yu" zhoug to.

ACTS 3:7

Hau: thang: ri Petru gi hau: khyid: yoin" su: da" lo, yo lo, moo zei: lho: she: to kaid. Dalheing: dam hau: khyid: yoin" su: da" khyid: yo' khyidmyo, pyoin: moo yoem: bo lo wigi nyang: byam, to yab, lho: khyoo: so" loo" bye.

ACTS 4:10

Nanu" gi Nyang: ri pyang" zeing moo jen" said' pyam lho: Mangso wigi shid: jang" mo doem dei to' loo nhang: da-hau: Nazared mo yesu khristu da" myeing khyang" yoem: so' khyo" hau: khyid: yoin" su: gi nyeing" za: ge yang" loem" lo wigi he: khyi, nanu" da" shid khoin" moo yab, jo, ziri-nanu" dangain" bang: yo' Israela byumyu" yi dangain" mo, se yu loo: ge'.

ACTS 4:7

Nyangnu" gi lagyo: eig yug ri nyangnu" da" shid khoin" moo yab, jo, nhang: lho: nya: eig yug ri-re" eig yug gi-hidsu" cenoem koid go" ce: ja: yoem: vhoo" khyo" hang" amyeing" yo' hidsu" koid go" lha". - ga: zheung: myed boem.

ACTS 9:34

Houg: lang" Petru gi hau: gung joem: shid: su: ri Ainea we" - Yesu khristu gi nang ri gi byid: bye- to lho: re" yhoeb, yoo nyheung we' ga: tid. Houg: lang" Ainea gi to' loo" bye.

1Korinthians 4:11

Akhid" da" ayo, moo: ju" sho'- ngoonu" gi zooyoid, gyid shid- shoo" cen: doem: baid' said' ziri: shau" nyid wigi- nyid wa joyoo we' ayoo" loo: za: dakhyi, mo zi dakhyi, moo: so" lam" yen" bang: nghoid nyid boem.

2~KORINTHU 6:10

Koug shu" zi shau" boem nghoid loug we' ngoo gi khanham we' dagau yi nyid sho" jhen" bang: yhang: ti" nghoid loug we' byu myoo" sho' ri yoo: zoo: yo" shug nhang" mo, nghoid- ci" ayoo" mo, yhang: ti" nghoid loug we' ngoonu" gi gyeung" nyang"- jo, moo jo, ri seung: ci" mo, ngoid.

2~KORINTHU 8:12

Nanu" moo byid: gam nau da" emyid, bo vho" ngei nyid boem rigi mangsoo gi nanu" yo" byid: yhi' mo byid: da" alu joem ri lhoem: kham yu wa zi nghoid. Nanu" age bui" ziri Mangsoo: gi mho' wa zi anghoid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 4:10

Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.