ACTS 3:26 - Lacid Common Language Bible

²⁶ Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

ACTS 3:26 교차 참조

COUNG" NGHEI 72:17

Khokham da" myeung ri khanham we' ato" myhid goo" baja" nya: myeung fu" nheung to" zigi bid moo" khyab yhang: ti" dageung: jo, baja". Khokham ri Mangsoo gi mainkaid jeju" byid: to" yhang: ti" byumyu" yi ja: khang moo" ri we' Mangsoo nyangnu" ri mainkaid byid: wa shid re" mho' nyid goo" baja".

YEREMIA 31:18

«Israela byu yigi koug wigi tid da" dang: ri ngoo shau" gyo:. Hau: zigi ‹Aseing we"- ngoonu" gi mi" sho' ajhau" to" da" gougnyhoug yo' du da:. Nghoid loug we' nang ngoonu" ri tid dang: tam" gyoo: wa jhau" byid: bye:. Ngoonu" ri doem shu" tau" loo" la. Ngoonu" gi nang ngoonu" da" Aseing Mangsoo jhang doem tau" loo wa jen" jen" nghoid.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 15:24

Aseing Yesu gi «Israela Amyu" mo byug lo" da" yang joem shid re" za: ngoori nhang: kaid zi nghoid» ga: phoug tid.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

ACTS 2:24

Nghoid loug we' Mangsoo gi-Nyang: ri shid: lo" da" yoem: so' lhoid kaid kho- shid: jang" mo doem dei to' loo nhang: bye. Khasu" wim gari shid: zigi Nyang: ri ayo" zei: lhoug too" nghoid da.

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

ACTS 3:13

Abraham Isag yo' Yaku da" Mangsoo nghoid nyid ngoonu" phoug" phyid" yi da" Mangsoo gi Nya: deizoo: Yesu ri yoem: moo" phung yoeb, byid: to" abye:. Nghoid loug we' nanu" gi nyang: ri amyeing" ci: mo, da" lo, moo, ab, byid: pyam lho-pilaid gi nyang: ri pyoin kaid' wa ga: lang" bain myed phyed' to" thang: ri nanu" gi Pilaid' shid khoin" moo-Nyang: ri he: ngeug pyam boem abye: go.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 3:20

Nanu" hougsu" koid boem nghoid rigi Aseing: jang" mo Venyi yoem: vhoo" yo" yu wa da" ayo, ju" loo wa nghoid. Xo, lho: wigi nanu" shid re" khyen: nyheung too" byid: gu nghoid da- Meshia Yesu ri nyang: byid: wa zi nghoid.

ACTS 3:22

Moshe Doem tid zigi nanu" da" Aseing: Mangsoo gi ngoori nhang: kaid ziyo' dakhyoo" ti" nanu" jhang khyoo: lapi: dayug nhang: kaid' wa zi nghoid. Nyang: gi nanu" da" byu" myu" khoug: mo dayug nghoid lho: Nyang: nanu" ri koid nhang: da" khyoo: joem dangain" ri nanu" tam" gyo: nyid ca" boem wa nghoid.

ACTS 3:25

Hau" lapi: yi da" nhoid dang: thui: khyo" byid: to" da" Mangso dang: soo" khoin" joem gi nanu" shid re" nghoid nyid. Mangsoo gi nanu" phoug" phyid" yo' koid to" da- dang: theing khoin" moo boo mo, nanu" we' boo bye. Mangsoo gi Abraham ri Ngoo gi re" myed: re" zoo: yi khyo" wigi moug: myed xangsu: byu yi dangain" ri main kaid' byid: wa ga: tid to.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

Roma 15:29

Ngoo nanu" jhang ju" lang" Aseing Yesu da" jang" mo joeb byeung" da" mainkaid jeju" shau" kham: zo: boem wa shid' re" ngoo vang jang: loo zi nghoid.

Roma 15:8

Khasu" wim gari Mangsoo: gi dang: theing khoen" zung" su: nghoid yoomo phoug" phyid" yi ri tid to" dang: theing khoin" byeung: loo nhang: wa shid' re" gyoo" lo ein: ngoo tid nau.

Ephesu 1:3

Ngoonu" da" Aseing Yesu da" nya: phoo Mangsoo ri jeju" boin: nyid boem shang o" Khasu" wim gari ngoonu" gi Khristu yo' dadeing: daloem: za: bue" loo bye: yoomo nyang: gi moug: khung: moug di tho' mo venyi yo' sen: da" mainkaid jeju" khyoo:- ja: khang" moo" ri byid: nyid bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.