ACTS 3:20 - Lacid Common Language Bible

²⁰ Nanu" hougsu" koid boem nghoid rigi Aseing: jang" mo Venyi yoem: vhoo" yo" yu wa da" ayo, ju" loo wa nghoid. Xo, lho: wigi nanu" shid re" khyen: nyheung too" byid: gu nghoid da- Meshia Yesu ri nyang: byid: wa zi nghoid.

ACTS 3:20 교차 참조

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

LUKA 19:11

Byu phung yi hau khyoo: ri tam" gyo: nyid shi" ri Yesu gi xo' lo: nyangnu" ri dang: tu, daloem tid. Hau: uri Yesu gi Yerusalem voo yam moo ju" lo" nyid. Byu yi gi Mangso mungdain: gi kho: nyang: thu' loo wam: bye:- ga: nyangnu" jho: nyid boem.

LUKA 21:27

Hau: thang: ri jhoem" moug" khoug moo gyi: thang da" yoem: moo" phung" yoeb yo'-byu nya: zoo: gi thu' myang gyoo" loo wa.

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

2 THESALONI 2:2

Aseing: doem ju" ri wa bidnyid ju" bye- ga: wigi byu yi tid da" dang: yoomo nanu" da" myid soin: khyoo: moo dalheing: dam nheigloem: myid nhoung lo" ziyo' amyen, akhyoid, lhu: khang lo zi abui" baja"- nanu" ri tid poin" tid kyeung" kaid'- houg: yhang: te" da" dang: gi ngoonu" lapi; dang: tid uri houg: su" anghoid lang" gi moug" soug" lhid" uri bo da" dang: nghoid wa"- ga: myid ri myid yu" goo" wa nghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".