ACTS 3:19 - Lacid Common Language Bible

¹⁹ Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

ACTS 3:19 교차 참조

COUNG" NGHEI 103:12

Bid thu gi bidvang yo' ve: lam: jo, ziyo' dakhyoo" ti" nyang: gi ngoonu" da" yooboo joem ri ngoonu" yo' ve: lain loo" nhang:.

COUNG" NGHEI 51:13

Houg: lang" re" da" amyeing" dang: joem youg: noo yooboo yoo" mo, ri ngoo jhau" byid: wa zi nghoid. Nyangnu" gi Aseing jhang khyoo: doem lheung: lo boem wa nghoid.

COUNG" NGHEI 51:9

Nga" yooboo joem ri amyang loo: baja" re" myojid" ri coem" too" we'. Nga" da" akhyeing" ashoeb khyoo: dangain" ri boid: soid pyam byid: we'.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

ESAIA 51:11

Nang wigi khyoid yu too" bang: gi Yerusalem khyoo: ngei: pyo: ziyo' jikhoin" khoin" ziyo' gau wigi nyho: zoo" ri ju" loo" goo" wa. Nyangnu" gi apyaid atoo: moo ngei pyo: loo goo" wa. Apyaid atoo: moo nheig koug ziyo' koug ngau zi loid byoin loo goo" wa.

ESAIA 6:10

Hau: thang: nyang: gi ngoo ri «Nyangnu" ayo" myang- ashau" gyoo:- ase' gyoo: goo" wa shid re" he: byumyu" yi myid ri coid nhang:- nyangnu" nukhyab ri jed, nhang: lho: myo, ri jed, nhang: we'. Nyangnu" shau" gyo: shau" myang lho: se' gyo: nghoid rigi nyangnu" nga" jhang phug lo lho: byang" byid: zi shoug" wa zi nghoid.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

ESAIA 61:9

Nyangnu" gi byumyu" yi phung: gung moo myeing gyi: loo goo" wa. Nyangnu" ri myang da" yugkhang" moo" gi Nyangnu" ri ngo wigi mainkaid byid: to" da" byu yi nghoid boem khyoo: ri nyangnu" se' loo wa» ga: tid da:.

YEREMIA 36:3

Ngoo nyangnu" adang moo bui" nhang: wa soin' to" da" byo, yoin" khyoo: dangain" yo' sen: wigi Yuda byu yi shoug" gyoo: lang" nyangnu" da" akhyeing" lo, moo" joem mo to' phug lheing: loo goo" abe. Houg: lang" nyangnu" akhyeing" ziri yo' nyangnu" yooboo joem ri ngoo khyoid byid: wa» ga: tid.

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

NGOUG JI: 3:40

Nyang: nya: khyoo: ri goolhoo: myid soin: yu" lho: Aseing jhang khyoo: doem tau" loo" loo: shang.

NGOUG JI: 5:21

Aseing we"- ngoonu" ri re" jhang khyoo: doem shu" tau" yu we' ngoonu" ri doem shu" tau" yu we'. Ngoonu" ri goonham gooco' mo myonhoo: phung" yoeb ri doem tau" bang nhang: we'.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

DANIELA 9:13

Houg: lho: Moshe da" tarha" moo tid sho' kyo" to" da" yooboo dam dangain" ngoonu" ri byid: abye:. Nghoid loug we' Aseing ngoonu" da" Mangsoo we"- akhid" nghoid loug we' ngoonu" gi ngoonu" da" yooboo joem mo lheing: lo wigi re" deingmain" da" khyoo: ri cang da" khyo" anghoid lang" nang myid vho: da" khyoo: acang shi" goo" nhung:.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

YOELA 2:13

Nanu" da" kougshu: khyoo: ri nheigloem: gyau: khyo" toin" shed we'. Nanu" da" byimi lang: ceug zi za: we' atham: shi"» ga: tid. Nanu" da" Mangsoo Aseing jhang khyoo: doem tau" loo we'. Nyang: gi myid ge wigi nheig khyeug shoomyen: da" nheigloem: yo' byeung" su: nghoid nyid. Nyang: gi nheigloem: sheing: ziyo' nya: dangsoo" zung" su: nghoid wigi nyang: gi yooboo dam abyid: loo: za: yooboo khyoid pyam byid: wa shid re" khanham we' jen" nyid su" nghoid.

MATHE 13:15

Khasu" wim gari He: byumyu" gi nheigloem: deig lid: nyid. nyangnu" da" nukhyab' we jid: jo, myojid" we' coem" ci: bang: nghoid. Houg: su" anghoid rigi nyangnu" da" myojid" gi myang boem wa. Nukhyab' we' shau" gyo: boem wa. Nheugloem: soo zoo: we' lheing: boem wa zi nghoid. Hau: lho: nyangnu" nga" jhang phoug lo wigi nyangnu" nya: dam noo ri ngoo ze: gi byid: wa zi nghoid› ga: Mangsoo tid nyid.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

LUKA 1:16

Israela Amyu" myoo" sho' mo, ri nya: da" Mangso jhang khyoo: yo" doem shu" loo" wa su: nghoid.

LUKA 22:57

Nghoidloug we' Peteru gi myiyi: zoo: nang we"- hau: yug ri ngoo asi lhe"- ga: ngeig pyam.

ACTS 1:6

Yesu gi lagyoo: yi yo' dage" zeung: phoung nyid da" uri nyangnu" gi Yesu ri Aseing: we" Israela byumyu" yi ri he: ayo moo hau: mungdain ri doem toug" byid: wa la"» ga: myed: ago".

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

ACTS 11:21

Aseing: da" yoem: gi nyangnu" yo' dage" nghoid yoomo byu myoo" sho' mo, loem" jeung" lho: Aseing: jhang khyoo: phug lo ago".

ACTS 15:3

Phung byu yi gi nyangnu" ri yhe: de" kaid ago- nyangnu" gi Phonisha mung" yo' Samari mung" khyo" so" lid lo" zoore- tungbau byumyu" yi gi Mangso shoid khyoo: - khasu" phoug lheung: lo boem wa da" khyoo: ri hug: moo nyid mo, ri we' zhang: kyo" ago".

ACTS 17:26

Mangsoo gi xangsu: byu dayug ri shi" phain" to" lho: hau: yug mo, byumyu" acang: joeb, sho' nyid thu' loo nhang: wigi mougmyid gyab, goin" jang" moo byeung" loo" nhang: bye. Nyang: nu" nyid wa shid mo ayo, akhyeing: zain, nyid yo' joyoo jo, lang:- moug: kyoo" joem ri gu: shid' khyau" lho: kyoo" so" too" byid: bye.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 28:27

Khasu" wim gari - he: da" byumyu" yi da" nheigloem: gi nheig coid' coid' jo, boem zi nghoid nyid wigi nyangnu" da" nukhyab' joem gi jhed' yoin" to" boem ziyo' Nyang: nu" da" myo, jid, joem gi coem" ci: boem yoomo nghoid. Hougsu" anghoid boem rigi nyangnu" myojid" joem gi myang lho: nyangnu" da" nukhyab' joem gi shau" gyo: wigi Nyang: nu" da" nheigloem: moo se' gyo: yu boem lho: Nyang: nu" gi nga" shoid khyoo: phoug lo boem wa nghoid- ga: Mangsoo tid nyid. Houg: lang" ngoo gi nyangnu" ri ze: gi, byid: wa" - ga: nyang: tid nyid.

ACTS 3:20

Nanu" hougsu" koid boem nghoid rigi Aseing: jang" mo Venyi yoem: vhoo" yo" yu wa da" ayo, ju" loo wa nghoid. Xo, lho: wigi nanu" shid re" khyen: nyheung too" byid: gu nghoid da- Meshia Yesu ri nyang: byid: wa zi nghoid.

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

2 THESALONI 1:10

Aseing: gi nyang: doem ju" re" da" bidnyid moo nya: byumyu" yi dangain" bang: da" shid' moo myonhoo: phung" yoeb, ri we' shau" kham: yu boem wa nghoid- ngoonu" kho" kyo" da" mungdang: ri nanu" loem" jeung" nyid boem bye: yoomo Aseing: ri coung" nghei myonhoo: byid: da" jang" moo nanu" we' bo boem bye.

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

HEBRE 4:1

Akhid" Mangsoo gi ngoonu" ri ngei bu doug shau" no: khyoo: ri kham: yu nhang: wa ga: wigi byid: to" da" dang: theing khoin" jo, bye. Hau: dang: theung to" da" ngei bu doug noo: joyoo ri nanu" mo dayug we' ayo" yu mo, abui" goo" baja"- ngoonung" gung youg yau nyid boem.

1PETERU 2:25

Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.

2PETRU 3:8

Nghoid loug we" jheddab da" byen, cang" yi we' khyoo: dakhaid ri ato" myhed' pyam goo"- Aseing: shid khoin" moo bidnyid danyid" yo'-zain ved' dakhyeung" gi ci: ashai" nghoid da. Nya: shid' khoin" moo hau: eig loem: gi dakhyoo" ti" nghoid nyid.

Pang Shug 21:4

Nyang: gi nyangnu" da" myojid" mo ngoug byid' thu' moo thu' ri soid' pyam byid: wa nghoid. Hau: jang" moo gi shid: zi no, zi koug shu: da" khyoo: yo' ngoug myeing" shu: thui: khanham we' ajo, loo. Axau" gu: gi bei: lo" byug bye, ga: tid nyid ziri ngoo shau" gyo.