ACTS 3:17 - Lacid Common Language Bible

¹⁷ Nga" mang: nhung" yi we' nanu" yo' nanu" da" vhu" jhung: yi-Yesu ri koid lid lo da" moo" gi asi aboin: loo: za: koid ziri ngoo si' bye.

ACTS 3:17 교차 참조

APOEM AYANG: 21:26

Abimeleg gi «Hougsu" hang" koid zi ngoo asi'. Nang gi he: khyoo: ngoo ri atid kyo" yu" shi". He: zigi ngoo xang: shi" shau" gyo: zi nghoid» ga: tid.

APOEM AYANG: 39:8

Nyang: ngeug pyam' lho: «Yu" we' nga" yhoem: seing: gi ngoo ri loem yoomo yhoem: moo jo, moojo, dangain" ri nyang: abo lheing: yu" loo: sho' nyang: gi jonu" dangain" ri nga" lo, moo ab too" bye:.

APOEM AYANG: 44:15

Houg: lang" Yoseb gi «Nanu" cikoid go". Ngoo gi boid phyed lho: nanu" ri se' lo ziri nanu" asi' goo" la"» ga: lhoem: tid.

THU' LO" MOUGSOUG" 32:1

Moshe gi boem mo agyoo" loo loo: gye" myang" sho' lo" nyid byug lang" byumyu" yigi Arun jang" moo zeing: foem: yhe: wigi nyang: ri «Ngoonu" ri Egutu mo shu" thu lo da" Moshe ciwim byug bye: zi ngoonu" asi'- houg: yoomo ngoonu" ri shu" vhu" shi: wa shid re" yu phara" daloem: koid shang» ga: tid ago".

GYUNG: SOO" 22:6

Nyangnu" gi ngoonu" tho' je myo: ago". Houg: lho: jeju" khyo" nyangnu" ri nga" shid re" nheing" khoin" re" kaid byid: we'. Houg: lang" ngoonu" gi nyangnu" ri oung: pyam wigi he: mougmyid mo nyangnu" ri yo" khaid thu pyam abe. Nang wigi mainkaid byid: da" byu joem mainkaid jeju" yo" wigi nang wigi nheing" lang" byu joem moo: nheing" khoin" zang" goo" wa ziri ngoo se'» ga: pyeung: kaid.

LUKA 23:13

Pilaid khokham" gi khainjung agyi moo" yi vhu" jhung: yi yo"- byu phun: joem ri zeing: foem: nhang.

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 7:52

Houg: bang: gi «Nang we' Galile mung" mo byu nghoid la". Jhoem: mungdang: moo nghab' yu" we' Galile mung" mo ce: lapi: dayug we' athu' lo yu" zigi nang si' ca"» ga: tid boem.

ACTS 13:27

Yerusalem voomoo" moo nyid mo, yo' nyangnu" da" vhu jhung: yi gi Yesu gi khyoid yu Aseing: nghoid ziri ase' boem- Dougno: Bidnyid khang" moo" nyangnu" nghab da" lapi: yi da" jhoem: dang: joem ri we' nyangnu" gi ase' gyoo: nghoid ago- Nghoid loug we' nyangnu" gi Yesu ri dang: phyed' byid: khyo" lapi: yi da" jhoem: dang: ri - joeb byeung" loo nhang: mo, nghoid boem ago".

ACTS 22:5

Ngoo tid nyid da" dang: khoin" joem gi deung: khyoo: ri Khainjung agyi phoo yo' tarha" yab, do, goin" mo mo, gi sagsi: yo" kham, boem wa zi nghoid. Ngoo gi nyangnu" da" lo, mo Damasku voogung moo zheung: nyid da- Yuda mang: nhung" yi ri lhid" foin: kaid' da- mougsoug" ri lhoem: yu ci: lho: houg: moo nyid mo, ri yoobo dam byid: wa shid re" myheug yu lho: Yerusalem voomoo" khyoo: tei" she: yhi: wa shid mo ngoo gi Damasku voogung khyoo: do, loo" bye.

ACTS 26:9

Ngoo nyang: we' - Nazared mo Yesu da" myeing ri gyi, koid da" moozoo" ri ngoo yo" koid yhi' mo koid eung: su: nghoid ein: jho: lo yu" da" byu dayug nghoid.

ACTS 28:21

Houg: lang" nyangnu" gi ngoonu" gi re" da" khyoo: yo' sen: lho: Yuda mung" mo lhid" foin: da" mougsoug" dakhyab, khyoolhang" we' ashau" yu. Hau: lho: houg: mo da" byu yi ju" re" wigi re" khyoo: yo' sen: da" ludang: age zi hang" we' are" tid kyoo" nghoid ago".

ACTS 7:40

Hau: lho: nyangnu" gi Arun ri ngoonu" ri shu" vhu" shi: wa da" phara" soolhoo joem ri ngoonu" ri koid: byid: we' - ngoonu" ri Egutu mung" mo shu" thu lo da" - Moshe ga: su: gi cidoid' byug bye: ziri - ngoonu" ase' boem loo- ga: tid ago".

Roma 11:2

Mangsoo: gi xang: shid" mo wigi nyang: khyen: yu to" da byumyu" ri ashe: pyam' - jhoem: mungdang: moo Elia gi Israela byumyu" yi ri tu: mhoug lho: - Mangso: jang" moo kau: to" mougsoug" du.

1Korinthians 2:8

Moug: myid tho' mo zoug: khokham yi hang" nghoid loug we'- he: da" lasi, laleig ri yo" se' zi anghoid. Dato, se' boem nghoid rigi- myonhoo: phung" yoeb, bo da" Aseing ri- nyangnu" gi pyang" zeing tho' moo: baid' jen" said pyam wa zi anghoid.

2~KORINTHU 3:14

Israela byumyu" yi da" nheugloem: joem gi gyeung" nyang: myhed" nghoeb to" boem ago". Akhid" nyid" ju" sho' lang" gi dang: theung mougsoug" xoug" ri nghab khang" moo" nyangnu" da" nheigloem: ung: khoug: joem moo hau: da" myo, nghoeb za: pain" yo, danghoeb to" shi" ago". Byu dayug gi Khristu moo kangso' dei loo" lang" she-hau: myo, nghoeb ri dayo" she' pyam.

Ephesu 4:18

Nyang: nu" da" se' yeug nyain: phajhi" gi moug: coid nghoid nyid wigi bain sho' nyang: akoo" afang: nghoid nyid nheigloem: thain: nyid boem yoomo Mangsoo byid: da" kangso' gam boem' moo nyangnu" gi aboo bang: nghoid nyid ago".

PHILIPI 1:22

Nghoid loug we' nga" gung du: moo kangso' dei nyid shi" ziyo' akyu" bo da" moozoo" myoo" sho' yo" zei: shi" nghoid rigi dei nyid wa ziyo' shid: loo" wa khyoo: kha: khaid ri ngoo khyen: yu wa zi asi.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.