ACTS 28:3 - Lacid Common Language Bible

³ Houg: lang" Polu gi thang" kyang" dadeing: koid: yu lho: myikhyoem, moo nghe, kaid- myiso' yo' nge" loo lang" hau: thang" deing: khoug: mo lhang: myu yu: thu' re" wigi polu da" lo, moo thei" zhoug lho: xei" lhang: to" da.

ACTS 28:3 교차 참조

YOBA 20:16

Akhyeing" su: myau: pyam zigi myoono, yhang: ti" nghoid da:. Hau: zigi dug thain: da" lhangmyu dadu: yhang: ti" nyang: ri thei" said pyam da:.

ESAIA 30:6

He: zigi mougpyi: shoid dain" pyoid yoo mo gougnyhoug joem yo' sen: da" Mangso da" mungdang: nghoid da:. Hau: zigi «Lagyoo: zeing yigi gyoug ci' ca" da" mungdain: ri jang: sho' so" yen" ago". Houg moo khang khyi joem dug thain: da" lhangmyu joem dang: yen" da" mainjung: joem nyid ago". Nyangnu" gi pang" thoug khyoo: ce: daja: we ayo" byid: da" byumyu" shid re" phoug" dab da" jhungshug joem ri loo zei: yo' gola-ug doo: moo nyangnu" soin' voin ago".

ESAIA 41:24

Nang yo' nang koid gu: dangain" gi ci: anghoid. Nang ri no' bang: gi aco' ajhoid nghoid da:.

ESAIA 59:5

Nanu" khau" koid da" akhyeing" da" moo" gi dug thain: da" lhangmyu u joem yhang: ti" shid: pho" zi nghoid da:. Lang: myu u ri phug kaid lang" lhangmyu thu re" da:. Nghoid loug we' nanu" khau" koid da" lo, moo" gi nanu" ri ce: akyu" abyid: nghoid da:. Hau: joem gi phyoogang: yhoem: wigi yo, to" da" byimi yhang: ti" akoem: nghoid da:.

AMO 5:19

Hau: bidnyid gi nanu" shid re" khangkhyi ri gyoug phang: loo" su: gi voem yo' thoung" shoug" go" ziyo' dakhyoo" ti" nghoid wa. Hougsu" anghoid lang" yhoem: khyoo: phang: loo" su: gi xiyam moo lo, yhe: zei: kaid ri lhangmyu lhoem: thei" zi shoug" su: yo' dakhyoo" ti" bui" wa nghoid.

MATHE 12:34

Myu no, byumyu" yi we"- nanu" akhyeing" ashoeb da" mo, khasu" wigi dang: gi yo" tid goo" wa lha". nheigloem: moo byeung" jo, ja: she, nhoid tho moo da tid thu' lo.

MATHE 23:33

Myu joem yo" lhang: myu nya: myid nya: zoo: yi we"- nanu" gi ngarai mung" moo kham: zo: wa da" dam mo khasu" koid: se' loid lo" boem wa lha".

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

MARKU 16:18

Nyangnu" gi lhang: myu joem ri myheug zei: nghoid loug we-shid: lo" ja: myoo: no, dug yeung daja: ja: shug loug we' ci: aca" goo" wa hau: lho: noo phyoo" shau" mo, tho' moo nyangnu" lo, ki" byid: lang"-noo phyoo" shau" mo, we' ge shang: lo" boem wa"-ga: tid kyo".

ACTS 28:2

Hau: gugyoo: kang: moug: mo da" byu yi gi ngoonu" ri nheig gye" lhoem: yu" khyeug boem- moug: vo lho: ngam" nyid yoomo nyangnu" gi myi: moid: wigi ngoonu" dangain" mo, ri being" lhoem: tau, yu boem ago".

ACTS 28:4

Hougsu" Polu da" lo, moo lhang: myu, xei" lhang" to" ziri hau: moug: mo byu yi zheung: myang lang" byu he: yug gi byu said' su: nghoid nyang: nghoid bye- panglai gyid gyi mo loid loo nghoid loug we' - deingmain" da" tarha" gi nyang: ri dei nyid wa da" akhang" abyid: loo: nhung- ga: nyang: cang" nyang: tid go" nyid boem.

2~KORINTHU 11:23

Nyangnu" gi Khristu da" deizoo: yi nghoid go" la". koo" su: da" dang: yhang: te" zi gi nghoid. Nghoid loug we' ngoo gi-nyangnu" tho' moo je ge da: deizoo nghoid. Ngoo gi nyangnu" tho' moo moozoo" ri je" zei: su nghoid. Nyangnu" tho' moo je"`wigi myoo" sho' lheung: thung: loung" yu bye. nyangnu" tho' moo voosi" je" shau" kham, zoo: bye: shid: gyoin' noogyoin, myoo" sho' lheung: ngoo shau" yu" bye.

2~KORINTHU 6:9

Ngoonu" gi-hang" we' aboin: ase' mo, ti nghoid loug we' fu" nheung: too" mo, shid: mang yhang: te" mo, nghoid loug we' Akhid" nyhang" myang nyid ziyo' dakhyoo" ti"- ngoonu" dadei nyid mo, nghoid. Shid: gyoin shau" nghoid loug we' ngoonu" said pyam zi ashau" boem.