ACTS 28:2 - Lacid Common Language Bible

² Hau: gugyoo: kang: moug: mo da" byu yi gi ngoonu" ri nheig gye" lhoem: yu" khyeug boem- moug: vo lho: ngam" nyid yoomo nyangnu" gi myi: moid: wigi ngoonu" dangain" mo, ri being" lhoem: tau, yu boem ago".

ACTS 28:2 교차 참조

EZRA 10:9

Yuda yo' Benyamin mung" moo nyid da" yuggi yi dangain" gi soem" nyid" akhoug: moo Yerusalem khyoo: yhe: wigi Noku Yhoem: Moo" da" yhoem: pain' moo zeung: foem: lho: zoebphung: koid nyid uri lhammoo" goug: khyab eig xi: nyid" ein: nyid" nghoid. Hau: nyid" ri moug: gye" voo ziyo' houg zoebphung: yoomo nyangnu" dangain" gyoug nain" nyid boem ago".

XOIN" NGEI" 19:18

Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.

XOIN" NGEI" 19:34

Nyangnu" ri nanu" gi Israela byu dayug yhang: ti" nyang: zoem" nyid ge'. Nyangnu" ri nanu" gung nanu" nyang: jheddab yhang: ti" jhed nyid ge'. Egutu mung" moo nanu" tungbau dalheing: bue" yu" bye: ziri myid boin: ge'. Ngoo gi nanu" Aseing Mangsoo nghoid.

MATHE 10:42

Hang" nghoid loug- lagyoo: pho, da" myonhoo: ri tu: lho: he: da" nga" cangzoo: nge thang su: mo dayug yug ri gyid jham" dagoem shoin: jhoug nghoid ri hau: yug gi nya: aphoug" ayo" yu loo: nyid wa zi anghoid. Ein: wigi ngoo jhug" jhug tid» ga: tid.

YOHAN 18:18

Houg: lang" khainjung agyi yi ri zung" da" gyizoo: yi yo"- dei: zoo: yi gi ngam" yoomo,- myi: gyu: nghe, da" myikhyoem' yam lheing moo yab jo, zoore"- myi: gang go" nyid boem. Petru we' houg: bang: yo" dage" myi: yab gang nyid.

ACTS 27:3

Hau: thang: nyid ri ngoonu" gi Sidon voogung khyoo: ju" yhe: lo" boem bye. Gyizoug: phoo Yuli gi Polu ri nheig yu" khyeug wigi Nya: da" bidnoem byen cang" yi jhang khyoo: yhe: shau" goo" nhang: lho: Nyang: moo ca" yo, da" khyoo: dangain" ziri yu" coung: wa da" akhang: byed.

ACTS 28:3

Houg: lang" Polu gi thang" kyang" dadeing: koid: yu lho: myikhyoem, moo nghe, kaid- myiso' yo' nge" loo lang" hau: thang" deing: khoug: mo lhang: myu yu: thu' re" wigi polu da" lo, moo thei" zhoug lho: xei" lhang: to" da.

ACTS 28:4

Hougsu" Polu da" lo, moo lhang: myu, xei" lhang" to" ziri hau: moug: mo byu yi zheung: myang lang" byu he: yug gi byu said' su: nghoid nyang: nghoid bye- panglai gyid gyi mo loid loo nghoid loug we' - deingmain" da" tarha" gi nyang: ri dei nyid wa da" akhang" abyid: loo: nhung- ga: nyang: cang" nyang: tid go" nyid boem.

Roma 1:14

Byumi" yi byukyang: yi pha jhi" si mo asi' mo - dangain" da shid' re" ngoo moo yoovoin boo yoomo

Roma 14:1

Nanu" gi Mangsoo: ri loem" jeung" yoem: nu" mo ri kham: yu nyid ge'. Nghoidloug we' - nya: myid soin: koid' lo" khyoo: yo" nyang: yo" angeig goo" goo.

Roma 14:3

Ce: ja: zoo: noem ri nghoid loug we' se' zoo: su: gi houg; su" ase' zoo: su: ri - aphoug" akhyoid' akoid'. Nghang" pho nyoug yu: za: te: se' zoo: su: we' ce: ja: zoo: noem we' se' zoo: su: ri yooboo foin: gei sang: zi akoid'. Khasu" wim ga: ri ce: ja" zoo: noem ri nghoid loug se' zoo: su: ri Mangsoo: kham: yu too" bye: su: nghoid.

Roma 2:27

Nang gi lhid" cab' wim lhid" to" da" sho" yid thang: yham" da" khyoo: ri cang loug we'. tarha" ri shoid' nyid. Houg: yoomo tungbau byumyu" yi gi - nanu" Yuda byumyu" yiri tarha" dang: phyed boem wa nghoid.Nyanu" gi gungshoo" yo" sen: da" sho" yid thang: yham" zi akham: boem nghoid loug we' tarha" rigi cang boem.

1Korinthians 14:11

Nghoid loug we'- ngoo ase' gyo: da" byumyu" myeing" kaid da" zigi- nga" shid re' tung boug nghoid wigi- ngoo we' hau: youg shid mo tung: boug za: bue" nyid wa nghoid.

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

HEBRE 13:2

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.