ACTS 26:7 - Lacid Common Language Bible

⁷ Daxe: eig kung: mo nyangnu" ko' bang: gi hau: dang: soo" ri yo" Kham: yu sho' myed byu nyid boem wigi nyid ri myen" ri Mangsoo ri noku nyid boem. khokham" phoo we"- hid: su" myid byu nyid boem da" gang mo ngoo gi Yuda byumyu" yi wigi yooboo foin: zi shau" nyid.

ACTS 26:7 교차 참조

EZRA 6:17

Yhoem: vang pui: shid re" xoin" ngei" khyo" wigi nu: 100 du: yang 200 du: yang zoo: 400 du: yo' yooboo khyoid wa shid re" Israela byumyu" dakung: moo dadu: khyo" wigi coidbaid 12 du: ri shugbyid: ago".

EZRA 8:35

Pyoung" she: loo" shoug" jang" mo tau" loo bang: dangain" gi Israela byumyu" yi da" Mangsoo ri myi: nghe' xoin" ngei" wa shid re" xoin" ci: lo boem ago". Nyangnu" gi Israela byumyu" dangain" mo shid re" nu: 12 du:. Yang loo: 96 du:. Yang nu" 77 du: yo' yooboo khyoid xoin" to' wa shid re" coidbaid 12 du: ci: lo boem bye: nghoid ago". Gougnyhoug dangain" zigi Aseing shid re" myi: nghe' xoin" ngei" pyam bye: zi nghoid.

COUNG" NGHEI 135:2

Aseing da" yhoem: vang" khoug: yo' ngoonu" da" Noku Yhoem: Moo" khoug: moo yab jo, da" Aseing deizoo: yi we"- nya: myeing khyang" ri coung" nghei nyid we'.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

LUKA 22:30

Nanu" gi nga" mungdain: khoug: moo-zo: shug nyid doem wa. Hau: tho' moo gootu: Tarha" zhungtang tho' moo zhoung: lho: Israela byu daxe: eig koung: bang: ri yo" vhoeb khang" ci: boem wa zi nghoid.

ACTS 20:31

Houg: su" wigi ngoo nanu" yug khang" moo" ri soem" zain loem: loem: nyang: nyid" ri myen" ri ngoug byed' ngoug nhab, myoo" sho' gyo" lho: wigi kho" kyo" jhoug" byid: bye: khyoo: joem ri myed boin: lho: lhid' zoore nyid nyid ge'.

ACTS 24:15

Ngoo gi nyangnu" yo' dakhyoo" ti" xangsu: byu yi gimo, agi mo, dangain" dakhyoo" te" - shid: jang" mo doem dei to'' loo wa nghoid ein:- Mangso khoug: moo myed lang" nyid su: nghoid,

ACTS 26:2

Khokham" Agripa we"- ngoori Yuda byumyu" yi yooboo foin: boem da" khyoo: dangain" - akhid" nyid" re" da" shid' khoin" moo ngoo nya: gung ri yo' tid ve, yu da" khyoo: gi nga" shid' mo gye" gyi: da" amyeing" akhang" nghoid bye" - ein: ngoo myed yu bye.

ACTS 26:3

Khokham" Nang gi Yuda byumyu" da" thung" ri yo' sen: lho: tid ngeug go" da" khyoo: dangain" ri voin: tang: za: si' su: nghoid. Houg: yoomo nga" da" dang: thui: ri nheigloem: sheing: sheing: za: tam" gyo: yu byid: wa shid re" ngoo mho' nyid.

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

1THESALONI 3:10

Ngoonu" gi nanu" yo' myo, moo gyo, nyang: shau" myang goo" wa ziyo' nanu" da" loem" jeung" khyoo: moo ca" nyid shi" gu: ri joeb, byeung" loo nhang: wa shid re" ngoonu" da" e" myed, dangain" ziyo' nya: jhang mho' nyid boem.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.